15:44 02.07.2020
Այսօր մեկնարկել են միասնական քննությունները: Դիմորդները քննություն են հանձնել օտար լեզուներից: Հանրապետությունում 47 քննական կենտրոն է բացվել, որից 3-ը՝ Գյումրիում:
Իսկ այսօր Գյումրիի երկու քննական կենտրոնում են քննություններն անցկացվել: Մասնակցել է 116 դիմորդ:
Համաճարակով պայմանավորված՝ փոխվել է քննական կենտրոններում ներկա դիմորդների թիվը: Թույլատրվում է մեկ քննասենյակում 40-ից ոչ ավելի դիմորդի ներկայությունը: Մինչ մեկնարկը բոլոր քննասենյակներն ախտահանվել են, դիմորդների մուտքը թույլատրվել է միայն դիմակներով, ջերմաչափումից ու ձեռքերն ախտահանելուց հետո:
Քննական կենտրոնների դիմաց առաջին անգամ կուտակումներ չկային, ու ամեն դիմորդին ամբողջ ընտանիքով ու բարեկամներով չէին ուղեկցում: Ծնողները երեխաներին դիմացի մայթից էին հետևում, դիմորդներն էլ շփման հեռավորություն էին պահպանում: Մեկուկես, երկու մետր հեռավորությունը պահպանված էր նաև մուտքի մոտ՝ դիմորդներին ջերմաչափելիս, փաստաթղթերը ստուգելիս ու գրանցելիս: Իսկ քննասենյակներում ամեն ինչ ախտահանել էին՝ գրիչներից մինչև նստարաններ:
Իրարից հեռու նստած ու ջերմաչափված դիմորդները քննություն էին հանձնում օտար լեզուներից՝ անգլերեն, գերմաներեն, ֆրանսերեն ու ռուսաց լեզու: Ավելի շատ անգլերեն քննություն հանձնողներն են, բայց նախորդ տարիների համեմատ անգլերեն միասնական քննություն հայտագրածների թիվը նվազել է:
«Տարիներ շարունակ անգլերենը սկսել էր ավելի մեծ թիվ ապահովել, որովհետև քննությունների ժամանակ նույնիսկ ունեինք մասնագիտություններ, որոնք մաթեմատիկայի փոխարեն կարող էին հանձնել նաև անգլերեն, ֆիզիկայի փոխարեն կարող էին հանձնել անգլերեն:
Բայց այս անգամ, երբ ընտրությունը պետք է կայացվեր ընդամենը մեկ քննությամբ մասնագիտությունը ընտրելիս, դիմորդները տեսան, որ անգլերենը բաժինների մեծ մասում հանվեց: Օրինակ՝ միջազգային հարաբերություններ բաժնի համար ընտրված է պատմություն առարկան, իրավագիտության համար ևս պատմությունն է, տնտեսագիտականի համար մաթեմատիկան է:
Այսօր առաջատարը մաթեմատիկան է: Մեկ քննություն հանձնելը և՛ առավելություն է, և՛ ոչ: Եթե ժամանակին երեխան մեկ առարկայից մի քիչ ցածր էր ստանում, մյուս առարկաներով կարողանում էր կոմպենսացնել, ապա հիմա դա չկա: Բայց կա մեկ առավելություն, որ քննություն են հանձնում իրենց ընտրած մասնագիտության սիրած առարկայից»,- SHANTNEWS.am-ին ասել է Գյումրիի թիվ 21 դպրոցի քննական կենտրոնի ղեկավար Կարո Նասիբյանը:
Միայն մեկ քննությունը դիմորդներից շատերն առավելություն չեն համարում: Եթե պետք է հանձնեին 3 քննություն և մեկից ստացած ցածր գնահատականը կարող էին ուղղել մյուսի հաշվին, ապա հիմա միայն մեկ հնարավորություն ունեն բուհ ընդունվելու համար:
Բանավոր քննություններ դիմորդները չեն հանձնելու: Բայց սա չի նվազեցնում մրցակցությունը, որ կա հանրապետության բուհերի առանձին բաժիններում: Անվճար տեղերի համար բարձր գնահատականներ են պետք: Իսկ բաժինների մեծ մասում, որտեղ հատկացված տեղերի քանակը հավասար է կամ ավելին է դիմորդների թվից, կրկին դրական գնահատականը բավարար կլինի ընդունվելու համար:
Միասնական քննությունների անցողիկ շեմը չի փոխվել՝ 7 ,5 միավորն է:
19:22 05.07.2025
Մեծ Բրիտանիայի արտգործնախարարը հայտարարել է Սիրիայի հետ դիվանագիտական հարաբերությունների վերականգնման մասինՄեծ Բրիտանիան վերականգնում է դիվանագիտական հարաբերությունները Սիրիայի հետ։ Այս մասին հայտարարել է Մեծ Բրիտանիայի արտաքին գործերի նախարար Դեյվիդ Լամմին Դամասկոս կատարած այցի ժամանակ։ «Մեծ Բրիտանիան վերականգնում է դիվանագիտական հարաբերությունները, քանի որ մեր շահերից է բխում աջակցել նոր կառավարությանը՝ բոլոր սիրիացիների համար կայուն, ավելի անվտանգ և բարգավաճ ապագա կառուցելու իր հանձնառությունը կատարելու գործում», – ասել է […] ...
19:09 05.07.2025
Վարչապետը հետևել է բանակային խաղերի մարտական փոխանցումավազքի մրցումներինՎարչապետ Նիկոլ Փաշինյանը Տավուշի մարզում ներկա է գտնվել բանակային խաղերի շրջանակում անցկացված մարտական փոխանցումավազքի մրցումներին: Բանակային խաղերն անցկացվում են երրորդ տարին անընդմեջ, որոնք մեկնարկել են հունիսի 29-ից և կավարտվեն հուլիսի 6-ին: Մրցումներին մասնակցում են ՀՀ պաշտպանության, Ներքին գործերի, Արդարադատության նախարարությունների, Ազգային անվտանգության ծառայության, Պետական եկամուտների, Քննչական, Հակակոռուպցիոն կոմիտեների, Դատախազության և Պետական պահպանության ծառայության հավաքական թիմերը, […] ...
19:05 05.07.2025
Թուրքիայի ընդդիմության առաջնորդը կոչ է արել իշխանություններին անցկացնել արտահերթ ընտրություններԹուրքիայի գլխավոր ընդդիմադիր Հանրապետական ժողովրդական կուսակցության (ԺՀԿ) առաջնորդ Օզգյուր Օզելը կոչ է արել գործող կառավարությանը նոյեմբերին անցկացնել արտահերթ նախագահական ընտրություններ։ Իրավապահ մարմինները շաբաթ վաղ առավոտյան ձերբակալել են Թուրքիայի երեք խոշոր քաղաքների՝ Ադանայի, Անթալիայի և Ադըյամանի քաղաքապետերին՝ CHP-ի անդամների կողմից ղեկավարվող վարչակազմերում կոռուպցիայի վերաբերյալ հետաքննության շրջանակներում։ Այնուհետև կուսակցության առաջնորդը հրավիրել է CHP-ի գործադիր կոմիտեի արտակարգ նիստ: […] ...
18:55 05.07.2025
Առաջիկայում արաբական միացյալ ուժեր կարող են տեղակայվել Գազայի հատվածում․ Al Masry Al YoumԱպագայում Գազայի հատված կարող են մտցվել արաբական միացյալ ուժեր՝ պաղեստինյան անվտանգության և հետախուզության ուժերին մարզելու համար, հաղորդում է եգիպտական Al Masry Al Youm թերթը՝ հղում անելով իր աղբյուրներին։ Ավելի վաղ պաղեստինյան «Համաս» շարժումը հաստատել էր, որ դրական է արձագանքել Գազայի հատվածում հրադադարի առաջարկին և պատրաստ է բանակցություններ սկսել: Ynet պորտալը, հղում անելով անանուն իսրայելցի պաշտոնյայի, հայտնել […] ...
18:45 05.07.2025
Ֆիդանը կներկայացնի Թուրքիան Բրազիլիայում կայանալիք BRICS գագաթնաժողովումԱրտաքին գործերի նախարար Հաքան Ֆիդանը կներկայացնի Թուրքիան հուլիսի 6-7-ը Բրազիլիայում կայանալիք BRICS գագաթնաժողովում: Այս մասին TASS-ին հայտնել են Թուրքիայի արտաքին գործերի նախարարության աղբյուրները: «Արտաքին գործերի նախարար Հաքան Ֆիդանը մեր նախագահի անունից կմասնակցի ԲՐԻԿՍ-ի 17-րդ գագաթնաժողովին Ռիո դե Ժանեյրոյում հուլիսի 6-7-ը», – հայտնել են աղբյուրները։ Նրանց խոսքով՝ արտաքին գործերի նախարարության ղեկավարը կմասնակցի «Բազմակողմանիության ամրապնդում, տնտեսական և […] ...
18:33 05.07.2025
Իսրայելի պաշտպանության բանակի անօդաչու թռչող սարքի հարձակման հետևանքով քաղաքացիական անձ է զոհվել Լիբանանի հարավումԻսրայելի ռազմաօդային ուժերի անօդաչու թռչող սարքերը (ԱԹՍ) մի շարք հարվածներ են հասցրել Լիբանանի հարավում գտնվող Բինտ Ջբեյլ քաղաքի ծայրամասին, որի հետևանքով զոհվել է առնվազն մեկ քաղաքացիական անձ, վիրավորվել՝ հինգը, ասվում է երկրի առողջապահության նախարարության կողմից հրապարակված հաղորդագրության մեջ։ «Սաֆա ալ-Հավա շրջանում իսրայելական անօդաչու սարքերի կողմից մեքենայի վրա հարձակման ժամանակ մեկ մարդ զոհվել է, երկուսը՝ վիրավորվել։ […] ...
