19:41 29.06.2018
Հանրային խորհրդի նախագահ, «Ազգային ժողովրդավարական միություն» (ԱԺՄ) կուսակցության նախագահ Վազգեն Մանուկյանը արտահերթ խորհրդարանական ընտրություններին իր ղեկավարած քաղաքական ուժի մասնակցությունը չի բացառում, սակայն նշում է՝ դեռ հստակ որոշում չկա:
SHANTNEWS.am-ի հետ զրույցում Մանուկյանը նշեց.
«Ես ինչքան կարողանում եմ մամուլից հասկանալ, ընտրությունները գարնանից շուտ չեն լինի, այնպես որ բավական ժամանակ կա՝ մտածելու և որոշում ընդունելու»:
Հարցին՝ պատրաստվո՞ւմ է մասնակցել ընտրություններին, նա ասաց, որ իրենց կուսակցությունը կողմնակից է մասնակցել ընտրություններին, թեպետ վերջնական որոշում ընդունված չէ, բայց եթե կուսակցությունը այդպիսի որոշում ընդունի, ինքը, բնական է, պետք է խառնվի նաև այս գործին: Հետաքրքրվեցինք՝ ինչի՞ց է կախված որոշման կայացումը, ի՞նչ գործոններ կարող են ազդել դրա վրա, նա պատասխանեց.
«Ամեն ինչը՝ և՛ այն, թե երկիրը ինչ վիճակում է, և՛ թե ընտրության օրենքի փոփոխությունը ինչպիսին է: Շատ բաներից է կախված, դրա համար դժվարանում եմ ասել»:
Մանուկյանը նշեց, որ ընտրություններին իր ղեկավարած քաղաքական ուժի մասնակցության մասին մամուլին ասել է որպես ենթադրություն, ցանկություն, իսկ երբ գա դրա իրականացման պահը, անպայման տեղյակ կպահի: ՀԽ նախագահը դժվարացավ նշել՝ արտահերթ ընտրություններին կուսակցությունը միայնակ կգնա՞, թե՞ դաշինքով.
«Ինքներդ հասկանում եք, որ հիմա այդ հարցին ոչ մեկը չի կարող պատասխանել»:
Մանուկյանն ավելի վաղ նաև չէր բացառել, որ կհրաժարվի Հանրային խորհրդի ղեկավարի պաշտոնից:
«Նոր Հանրային խորհրդի կազմը, ապագան, խնդիրները, որի վրա շեշտադրում կարվի, դեռ անորոշ է, այդտեղից էլ է կախված՝ նայած Հանրային խորհուրդը ինչ դերակատարություն կունենա, իշխանությունները որքանով են հակված հաշվի նստել խորհուրդների հետ, այդ ամենը նշանակություն ունի»,- ասաց նա:
Հարցին՝ հնարավո՞ր է Հանրային խորհուրդը, իբրև կառույց, չշարունակի գործել, Մանուկյանը պատասխանեց, որ Հանրային խորհուրդը սահմանադրական մարմին է, այն անպայման պիտի գործի, դա շատ կարևոր է: Նա նշեց՝ նման կառույց 70 տարբեր երկրներում կա, այն իր գործառույթներն ունի, և դրանք տարբեր են ցանկացած երկրում:
«Սա նաև պրակտիկան է ցույց տալիս, թե ով ինչով է զբաղվում և թե իր այդ խորհուրդներն ինչ կշիռ են ունենում»,- ասաց նա:
23:59 25.07.2025
Վերջին տարիներին գլոբալ երաշտների աճ է նկատվում«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել վերջին տարիներին նկատվող գլոբալ երաշտների աճի տեմպերի մասին: ՄԱԿ-ի կողմից աջակցվող նոր զեկույցի համաձայն՝ մարդկության պատմության ընթացքում ամենամասշտաբային և ավերիչ երաշտներից մի քանիսը տեղի են ունեցել 2023 թվականից ի վեր, որոնք պայմանավորված են կլիմայի փոփոխությամբ և ցամաքային ու ջրային ռեսուրսների վրա անդադար ճնշմամբ: «Երաշտի թեժ կետերը աշխարհում […] ...
23:51 25.07.2025
«Արփի լիճ» ազգային պարկում դեղին ջրաշուշանի (դեղին կոկոռ) ծաղկման շրջանն էՇրջակա միջավայրի նախարարության «Արփի լիճ» ազգային պարկում դեղին ջրաշուշանի (դեղին կոկոռ) ծաղկման շրջանն է: Դեղին կոկոռը գրանցված է ՀՀ Կարմիր գրքում: ՀՀ-ում դեղին կոկոռը աճում է Շիրակի (Ախուրյան) և Լոռու (Ստեփանավան) մարզերի միջին լեռնային գոտիների դանդաղահոս գետերում և կանգուն ջրերում ու լճակներում: ՀՀ շրջակա միջավայրի նախարարությունից հորդորում են՝ չվնասել այս եզակի բուսատեսակը, չքաղել ու չվնասել […] ...
23:48 25.07.2025
Արարատ Միրզոյանն արձակուրդ է մեկնումՀՀ փոխվարչապետ Տիգրան Խաչատրյանը որոշում է ստորագրել ՀՀ ԱԳ նախարար Արարատ Միրզոյանին ամենամյա արձակուրդի մի մասը տրամադրելու մասին։ «Ղեկավարվելով «Հանրային ծառայության մասին» օրենքի 9-րդ հոդվածի 16-րդ մասով, «Կառավարության կառուցվածքի և գործունեության մասին» օրենքի 18-րդ հոդվածի 1-ին և 4-րդ մասերով և «Կառավարչական իրավահարաբերությունների կարգավորման մասին» օրենքի 10-րդ հոդվածի 13-րդ մասով՝ 1. Հայաստանի Հանրապետության արտաքին գործերի նախարար […] ...
23:46 25.07.2025
Lուսացույցների գործարկում՝ Բագրևանդ փողոցի և Ձորաղբյուր (Տ-6-29) ավտոճանապարհի խաչմերուկումԵրևանի քաղաքապետարանից հայտնել են, որ մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հուլիսի 28-ից Բագրևանդի փողոցի և Ձորաղբյուր (Տ-6-29) ավտոճանապարհի խաչմերուկում՝ «Ռոյալ Երևան» ռեստորանի մոտ, երթևեկությունը կկարգավորվի լուսացույցներով: ...
23:44 25.07.2025
«Խոսրովի անտառ» արգելոցն այս կիրակի փակ կլինի այցելուների համարՀաշվի առնելով հանրապետության տարածքում հրդեհավտանգ ժամանակահատվածը և արգելոցի տարածքում առկա խիտ խոտածածկույթը՝ տեղեկացնում ենք, որ «Խոսրովի անտառ» պետական արգելոցը հուլիսի 27-ին փակ կլինի ցանկացած տեսակի այցելությունների համար: Այս մասին հայտնել են շրջակա միջավայրի նախարարությունից: «Հնարավոր հրդեհներից և դրանց անկանխատեսելի հետևանքներից խուսափելու համար հորդորում ենք՝ պետական արգելոցի հարակից տարածքներում պահպանել հակահրդեհային անվտանգության կանոնները՝ չնետել այրվող լուցկի, […] ...
23:42 25.07.2025
Բանակցություններ՝ ՀՀ և ՌԴ ֆինանսների նախարարությունների միջև աջակցության տրամադրման համաձայնագրի շրջանակում 2026-2028 թթ. ծրագրի շուրջՀՀ ֆինանսների նախարարի խորհրդական Արմեն Գևորգյանը և միջազգային համագործակցության վարչության պետ Միլենա Հովհաննիսյանը Մոսկվայում հանդիպել են ՌԴ ֆինանսների նախարարության գիտահետազոտական ֆինանսական ինստիտուտի տնօրեն Գլեբ Պոկատովիչի և հաստատության այլ ներկայացուցիչների հետ: Այս մասին հայտնել են ՀՀ ֆինանսների նախարարությունից: Հանդիպման ընթացքում բանակցություններ են ծավալվել «Հայաստանի Հանրապետության ֆինանսների նախարարության և Ռուսաստանի Դաշնության ֆինանսների նախարարության միջև Ռուսասատանի Դաշնության կողմից […] ...
