20:00 29.01.2021
Շիրակի մարզի գյուղական բնակավայրերի 25 անօթևան ընտանիքների հատկացված բնակարանի գնման վկայագրերը մարվել են: Նրանք չեն կարողացել սահմանված ժամկետում բնակարան գնել: Հիշեցնենք՝ 2020 թվականին Շիրակի մարզի 8 գյուղական բնակավայրերում ԲԳՎ ծրագիրն իրականացվեց: 8 գյուղերում 90 ընտանիք վկայագիր ստացավ, ընդհանուր՝ 370 մլն դրամ արժողության: Վկայագրերի գործողության ժամկետն ավարտվել է անցած տարվա նոյեմբերին և բնակարան կարողացել է գնել 65 ընտանիք:
Ջաջուռ գյուղի ամենահին տներից մեկն է, կառուցված 1930-ականներին։ Այստեղ է ապրում Մարուսյա Թումասյանը 93-ամյա մոր հետ: 1988-ից հետո վթարային դարձած տնից մայր ու դուստր տեղափոխվել էին հարևանությամբ տեղադրված տնակը: Այն ժամանակ տնակն էր ապահով օթևան: Հիմա նորից վթարային տուն են տեղափոխվել: Ձմռանը տնակում ապրել այլևս հնարավոր չէ:
Տիկին Մարուսյան երկու սենյականոց բնակարանի վկայագիր էր ստացել: Ժամկետը լրացել է, ընտանիքն էլի խարխուլ տան մեջ է մնացել: Վկայագրի արժեքին համապատասխան բնակարան չեն կարողացել գտնել: Նշում են՝ վկայագրի ու բնակարանների շուկայական գնի անհամապատասխանությունը միակ խոչընդոտող գործոնը չէր: Նոր տուն գնելու դեպքում պարտադիր է հին կացարանի ապամոնտաժումը, ինչին գյուղերում շահառու ընտանիքները չեն համաձայնում:
«Ջաջուռում 21 անօթևաններ էին: 21-ից 10-ը ստացել են բնակարանի գնման վկայագիր: 1-ի համար տուն է կառուցվում: Շինարարությունն ընթացքի մեջ է, մնացել են ներքին հարդարման աշխատանքները: Մնացած 11 ընտանիքները չկարողացան տուն գտնել՝ մեկը չէր ուզում գյուղից հեռանալ, մյուսը չի ուզում հին կացարանը քանդել»,- Shantnews-ին ասել է Մարմաշենի համայնքապետարանի առաջատար մասնագետ Կոլյա Գրիգորյանը:
2008 թվականին հաշվառված, ԲԳՎ ստացած ու դրանք չիրացրած 71 ընտանիք էլ Գյումրիում կա:
«Մենք հարցումներ ենք կատարել, որին մասնակցել են գյուղերի բոլոր անօթևան 148 ընտանիքները: Նրանցից 55-ը ցանկություն էր հայտնել, որ իրենց համար բնակարանաշինական ծրագիր լինի: Կառավարությունն էլ գումարը հատկացրել է այդ ընտանիքների համար տուն կառուցելու նպատակով: Իսկ 90 ընտանիք ցանկություն է հայտնել բնակարանի գնման վկայագիր ստանալ: Նրանց տրվել են վկայագրերը: 25 ընտանիքի վկայագիր մարվել է՝ չկարողացան կամ չուզեցին բնակարան գնել: Այդ ընտանիքները մնում են 2008 թվականից հաշվառված իրենց համայնքների հերթացուցակներում»,- Shantnews-ին ասել է Շիրակի մարզպետարանի քաղաքաշինության վարչության պետ Ալբերտ Մարգարյանը:
Գյուղացիներին բնակարանաշինության նոր մոդելը անծանոթ էր, ինչն էլ ծրագրից հրաժարվելու պատճառ էր հանդիսացել։ Բայց բնակարանների կառուցման նոր տարբերակը ընթացք ունեցավ 7 գյուղերում: Գյուղացու և միջնորդ ընկերության մասնակցությամբ են տները կառուցվում: 27 տուն էր նախատեսված կառուցել:
4 տների շինարարությունն ավարտված է, 20-ն ընթացքի մեջ է ու կավարտվի այս տարի: Շիրակի մարզպետարանին հատկացված ֆինանսավորմամբ այս տարի քաղաքաշինական մեծ ծրագրեր նախատեսված չեն: Պետբյուջեից կֆինանսավորվեն միայն ճանապարհների սպասարկումը և սուբվենցիոն ծրագրերը, որոնց ծավալն առայժմ հայտնի չէ: Մարզպետարանը սուբվենցիոն ծրագրերի հայտեր ընդունում է մինչև փետրվարի 5-ը:
18:35 17.07.2025
Իրավունք չունեինք պարտվելու․ Եղիշե Մելիքյան
18:52 17.07.2025
«Արսենալն» իրականացրել է կանանց ֆուտբոլի պատմության ամենաթանկ տրանսֆերը«Արսենալը» կանանց թիմի համար ձեռք է բերել «Լիվերպուլի» հարձակվող Օլիվիա Սմիթին, հայտնում է լոնդոնյան ակումբի պաշտոնական կայքը։ BBC-ի տվյալներով` «Արսենալը» 20-ամյա կին ֆուտբոլիստի տեղափոխության համար վճարել է 1 միլիոն ֆունտ ստերլինգ և իրականացրել կանանց ֆուտբոլի պատմության ամենաթանկ տրանսֆերը։ Նախորդ ռեկորդն այս տարվա հունվարին գրանցել էր «Չելսին»` 900 հազար եվրոյով ամերիկյան «Սան Դիեգո Ուեյվից» ձեռք բերելով […] ...
18:46 17.07.2025
Ընդունելության քննությունների արդյունքները կհրապարակվեն հուլիսի 18-ին. տեղի է ունեցել հանրապետական ընդունող հանձնաժողովի նիստըՀՀ կրթության, գիտության, մշակույթի և սպորտի նախարար Ժաննա Անդրեասյանի գլխավորությամբ այսօր տեղի է ունեցել հանրապետական ընդունող հանձնաժողովի նիստը: Նիստին մասնակցել են Բարձրագույն կրթության և գիտության նախագահ Սարգիս Հայոցյանը, Գնահատման և թեստավորման կենտրոնի տնօրեն Արմեն Փաշայանը, տեղակալ Կարո Նասիբյանը, բուհերի ռեկտորներ և պրոռեկտորներ։ Հանրապետական ընդունող հաձնաժողովը նախ հաստատել է օրակարգը, այնուհետև քննարկել է ՀՀ բուհերի՝ 2025-2026 […] ...
18:40 17.07.2025
Ալեն Սիմոնյանն ընդունել է Չինաստանի նորանշանակ դեսպանինՀՀ ԱԺ նախագահ Ալեն Սիմոնյանը հուլիսի 17-ին ընդունել է Հայաստանում Չինաստանի Ժողովրդական Հանրապետության նորանշանակ արտակարգ եւ լիազոր դեսպան Լի Սինվեյին: Շնորհավորելով դեսպանին նշանակման կապակցությամբ` Ալեն Սիմոնյանը հույս է հայտնել, որ նրա գործունեության շնորհիվ երկու երկրների համագործակցությունը նոր թափ կստանա` իրացնելով առկա ամբողջ ներուժը: Կողմերն անդրադարձել են նաեւ տարածաշրջանային անվտանգությանը վերաբերող եւ երկկողմ հետաքրքրություն ներկայացնող հարցերին: ...
18:35 17.07.2025
Իրավունք չունեինք պարտվելու․ Եղիշե ՄելիքյանՈւԵՖԱ Կոնֆերենցիաների լիգայի 2025/2026թթ․ խաղարկության որակավորման առաջին փուլի՝ «Փյունիկ» – «Տրե Ֆիորի» պատասխան հանդիպումից առաջ երևանյան թիմի գլխավոր մարզիչ Եղիշե Մելիքյանը խոսել է նախորդ հանդիպման արդյունքի մասին։ «Անկախ նրանից՝ պատրաստ էինք նախորդ հանդիպմանը, թե` ոչ, մենք իրավունք չունեինք պարտվելու։ Փառք Աստծո, դեռ ունենք հնարավորություն ամեն ինչ շտկելու։ Մեր առաջադրանքն է՝ հաղթահարել այս թիմի արգելքը»,- նշել […] ...
18:30 17.07.2025
Ձերբակալվածի խուզարկությամբ հայտնաբերվել է փաթեթներով մարիխուանաՔրեական ոստիկանության Երևան քաղաքի վարչության ծառայողները, իրացնելով օպերատիվ տեղեկությունները, հուլիսի 14-ին մայրաքաղաքի զբոսայգիներից մեկում ձերբակալել և վարչություն են տեղափոխել 29-ամյա մի երիտասարդի: Նրա անձնական խուզարկությամբ հայտնաբերվել է մարիխուանայի զանգվածով 2 փաթեթ՝ ընդհանուր 10 գրամից ավելի քաշով, և մոխրացած հետքերով կաթուցիչ։ Նախաձեռնվել է քրեական վարույթ։ Երևանի բնակիչ 29-ամյա երիտասարդը տեղափոխվել է ձերբակալվածների պահման վայր: Ծանուցում. Ենթադրյալ […] ...
18:24 17.07.2025
Մհեր Գրիգորյանը և Ռաֆայել Ֆիտոն մտքեր են փոխանակել ՀՀ-ԵՄ առևտրատնտեսական հարաբերությունների զարգացման հնարավորությունների շուրջԲրյուսել կատարած աշխատանքային այցի շրջանակներում փոխվարչապետ Մհեր Գրիգորյանը հանդիպում է ունեցել Եվրոպական հանձնաժողովի համախմբվածության և բարեփոխումների հարցերով գործադիր փոխնախագահ Ռաֆայել Ֆիտոյի հետ: Հանդիպման սկզբում երկուստեք գոհունակությամբ ընդգծվել է Հայաստան-ԵՄ նոր առավել ինտենսիվ փուլ մտած քաղաքական երկխոսության կարևորությունը: Զրուցակիցները շեշտել են տարածաշրջանային նախաձեռնություններում Հայաստանի ներգրավվածության անհրաժեշտությունը՝ մասնավորապես քննարկելով Սևծովյան տարածաշրջանի վերաբերյալ ԵՄ նոր ռազմավարական մոտեցումը։ Մհեր […] ...
