19:59 04.02.2021
«Հյուսիս-հարավ» արագընթաց մայրուղու Լանջիկ-Գյումրի հատվածում կրկին նախագծային փոփոխություններ կկատարվեն: Մասնավորապես, Բենիամին գյուղի հատվածին է վերաբերում, իսկ քննարկումներն արդեն մի քանի տարի է շարունակվում են։ Գյուղի մուտքի մոտ, որտեղ նախատեսված է շրջանցիկ ճանապարհ կառուցել, հնագիտական շերտ է և կառուցապատումները թույլատրելի չեն: Բացի դրանից՝ «Հյուսիս-հարավի» կառուցումը Բենիամինում տների ու վարելահողերի օտարում է ենթադրում: Ինչպե՞ս արագընթաց մայրուղին կառուցել գյուղի համար քիչ կորուստներով, այս հարցն օրեր առաջ գյուղացիների հետ քննարկել ու նախնական նոր նախագիծ են ներկայացրել ՀՀ տարածքային կառավարման և ենթակառուցվածքների նախարարության «Ճանապարհային դեպարտամենտ»-ի աշխատակիցները:
Բենիամինը Շիրակի մարզի այն գյուղերից է, որտեղ հայտնաբերվել են գրեթե բոլոր ժամանակաշրջաններին վերաբերող պատմական հուշարձաններ: Այստեղ հնագիտական պեղումները բացահայտել են վաղ բրոնզեդարյան բնակատեղի, որտեղ Ք.ա. V-II հազարամյակի մեգալիթյան կառույցներ կան: Գյուղի տարածքում նաև Դրասխանակերտ քաղաքատեղին է եղել, որը գոյություն է ունեցել Ք.ա. V դարից: Պատմաճարտարապետական այս հարստությունն էլ պատճառ է դարձել «Հյուսիս-հարավ» մայրուղու Բենիամինի հատվածի շինարարության նախագիծը տարիներով քննարկելու ու մի քանի անգամ փոփոխելու։
«Մշակույթի նախարարությունը առարկություններ գրեց, որ այդտեղ հնագիտական տարածքներ են, պատմամշակութային հուշարձաններ են: Պեղելու համար երկար ժամանակ է պետք: Ասում էին 2-3 տարի: Բայց այդ ժամանակահատվածը պատվիրատուի համար շատ երկար էր: Ամենակարևորը՝ հարցն այսպես էր ներկայացվում, որ եթե պեղենք ու ինչ-որ բան նորից հայտնաբերենք, թույլ չենք տալու շինարարությունը շարունակել: Դրա համար մի քանի տարի շարունակ մի քանի տարբեր նախագիծ է արվել»,– Shantnews-ին ասել է Բենիամինի գյուղապետ Արտակ Անտոնյանը:
Վերջին նախագծով ճանապարհի, այսպես կոչված, ազդեցության գոտում մնում են գյուղի ջրովի վարելահողերը և սկզբնամասում գտնվող տները: Օրեր առաջ «Ճանապարհային դեպարտամենտ»-ի մասնագետները տեղում գյուղացիների հետ են քննարկել, թե ինչպես նորից փոխեն նախագիծը:
Բենիամինի բազմանդամ 2 ընտանիքի տարիներ առաջ նոր տուն կառուցելու համար գյուղի սկզբնամասում են հողհատկացում կատարել: Նախկին նախագծով ճանապարհը անցնելու էր տների տարածքով, իսկ դա նշանակում էր, որ տները պետք է գերակա շահ ճանաչվեին ու քանդվեին:
Բնակիչների հետ տների տարածքի օտարման հարցերը քննարկել էին, հայտնել, որ յուրաքանչյուր տան դիմաց փոխհատուցելու են շուկայական գին գումարած 15 տոկոս հաշվարկով: Բայց օրեր առաջ մասնագետները բենիամինցիներին հայտնել են, որ նախագիծը նորից փոխվում է՝ այս անգամ գյուղի համար ավելի քիչ կորուստներով:
«Որոշեցին, որ գլխավոր ճանապարհը պետք է մնա իր տեղում, իսկ շրջանցիկ հատվածը պետք է կառուցվի մեր գյուղ չհասած՝ մոտ 500 մետր հեռու գտնվող խաչմերուկի վրա: Ազդեցության գոտում կմնա մոտ 2 հեկտար վարելահող: Դրանից շատ չեն դժգոհում, որովհետև ամեն բնակչից քիչ-քիչ հողակտորներ են կորելու»,- նշել է Բենիամինի գյուղապետը։
Այսինքն՝ տներն այլևս ազդեցության գոտում չեն լինի, կրճատվում են նաև ճանապարհի տակ մնացող հողակտորները: Հողերի փոխհատուցման հստակ հաշվարկներ Բենիամինում դեռ չեն կատարվել, որովհետև գործը օտարմանն առաջիկայում չի հասնի: Նոր նախագիծ է պատվիրվելու, այն կառավարությունը հաստատելու է: Իսկ սա երկարատև պրոցես է: Մայրուղու Բենիամինի հատվածի շինարարության ժամկետներ, ըստ այդմ, չեն նշվում:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX և Opticom ցանցային օպերատորների կապուղիներով։ Ինչպես նաև Shant Digital Tv հավելվածով ամբողջ աշխարհում։
00:00 02.05.2025
ՆԳՆ շրջիկ սպասարկման գրասենյակները մայիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ մայիս ամսին ծառայություններ կմատուցվեն հետևյալ բնակավայրերում․ մայիսի 2-ին ժամը 11։30-16։00 Կոտայքի մարզի Չարենցավան համայնքում (Կարեն Դեմիրճյան հրապարակ 1, Քաղաքապետարանի դիմաց), ժամը 11։30-16։00 Լոռու մարզի Ստեփանավան համայնքում (համայնքապետարանի տարածքում), մայիսի 12-ին Կոտայքի մարզի […] ...
23:58 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 01.05.2025
Պետդեպ. ԱՄՆ-Իրան բանակցությունների նոր փուլի ամսաթիվը և վայրը դեռևս որոշված չենԱՄՆ-Իրան բանակցությունների նոր փուլի ժամկետներն ու վայրը դեռևս որոշված չեն, սակայն Վաշինգտոնը ակնկալում է, որ այն տեղի կունենա մոտ ապագայում։ Այս մասին լրագրողների համար կազմակերպված հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «ԱՄՆ-ն չի հաստատել իր մասնակցությունը Իրանի հետ բանակցությունների չորրորդ փուլին, որը, որոշ տեղեկությունների համաձայն, պետք է տեղի ունենար շաբաթ […] ...
23:46 01.05.2025
Էկոպարեկային ծառայության Սյունիքի մարզային վարչության ծառայողներն իրականացնում են նաև կենսաբազմազանության մշտադիտարկման գործառույթներՇրջակա միջավայրի նախարարության Էկոպարեկային ծառայության Սյունիքի մարզային վարչության ծառայողները, իրենց ամենօրյա աշխատանքային պարտականությունների շրջանակում, իրականացնում են նաև կենսաբազմազանության մշտադիտարկման (մոնիթորինգի) գործառույթներ։ Այս աշխատանքը ներառում է Հայաստանի տարածքում հանդիպող բուսական և կենդանական աշխարհի, այդ թվում՝ կենսաբազմազանության բացառիկ և վտանգված տեսակների հայտնաբերումն ու փաստագրումը։ Մշտադիտարկման տվյալները ոչ միայն թույլ են տալիս արձանագրել բնապահպանական իրավախախտումներ, այլև նպաստում են […] ...
23:37 01.05.2025
Երևանը ջազ է լսումԵրևանի քաղաքապետարանի նախաձեռնությամբ, Ջազի միջազգային օրվա առթիվ, Գաֆեսճյան քանդակների պուրակում (Կասկադ) տեղի ունեցավ Ջազ երեկո, որի ընթացքում ելույթով հանդես եկան հայաստանյան լավագույն ջազային կատարողներն ու խմբերը՝ Հայաստանի պետական ջազային նվագախումբը, Լևոն Մալխասյանը, Արտո Թունջբոյաջյանը, Վահագն Հայրապետյանը, Հայկ Կարոն, Արտյոմ Մանուկյանը, Կարեն Մամիկոնյանը, Միքայել Ոսկանյանը, Ռաֆայել Պետրոսյանը, Տիգրան Սուչյանը, Արման Փեշտմաջյանը, Կարեն Գրիգորյանը, Ժաննա Դավթյանը, Արեգ […] ...