18:57 25.03.2021
Ռուսաստանի և Թուրքիայի պաշտպանության նախարարներ Սերգեյ Շոյգուն և Հուլուսի Աքարը մարտի 25-ին հեռախոսազրույց են ունեցել։ ТАСС գործակալությունը, հղում անելով CNN Turk-ին, հաղորդում է, որ Աքարը Շոյգուին հայտնել է «(Իդլիբի հարցում) փոխըմբռնման վերաբերյալ հուշագրի խախտումների մասին», իսկ կողմերը պայմանավորվել են փոխադարձ միջոցներ ձեռնարկել։
Մարտի 21-ին Թուրքիայի ազգային պաշտպանության նախարարությունը պնդել էր, որ Անկարան Մոսկվային հայտնել է Սիրիայի զինված ուժերի կողմից Իդլիբում մարտական գործողությունները դադարեցնելու անհրաժեշտության մասին։ Ըստ Թուրքիայի պաշտպանական գերատեսչության տարածած հաղորդագրության՝ սիրիական զինուժն ավելի վաղ հարված էր հասցրել Էլ-Աթարիբե հոսպիտալին, ինչպես նաև հրթիռակոծել էր Իդլիբի ապաէսկալացման գոտում գտնվող Կախա բնակելի շրջանը և բեռնատարներ ու կցասայլեր Սարմադա քաղաքի մոտակայքում։
Բացի դրանից՝ մարտի 23-ին Թուրքիայի ԱԳՆ-ում ТАСС գործակալության աղբյուրը հայտնել էր, որ արտաքին գերատեսչությունում տեղի է ունեցել հանդիպում Թուրքիայում ՌԴ դեսպանի հետ, որին Անկարան հայտնել է իր մտահոգությունը՝ կապված Իդլիբում տիրող իրավիճակի հետ։
Նույն օրը հակամարտող կողմերի հաշտեցման ռուսական կենտրոնը թուրքական կողմին կոչ էր արել աջակցել մարտի 21-ին Հալեպի բնակելի թաղամասերի գնդակոծման մեղավորներին հայտնաբերելու և պատժելու գործում։ Կիրակի օրը սիրիական ընդդիմության զինված խմբավորումները կրակ էին բացել Հալեպի բնակելի թաղամասերի ուղղությամբ․ զոհվել էր 2 խաղաղ բնակիչ, վիրավորվել՝ 17-ը, այդ թվում՝ երեխաներ։
Սիրիայի իշխանությունները գնդակոծման պատասխանատվությունը դրել էին սիրիական ընդդիմության թուրքամետ խմբավորումների վրա, որոնք տեղակայված են Հալեպից արևմուտքում և հարևան Իդլիբում։
00:30 14.05.2025
Լիլիթ Մակունցը հայ գործարարների հետ քննարկել է ՀՀ-ԱՄՆ տնտեսական և առևտրային համագործակցությանը վերաբերող հարցերՄայիսի 12-ին ԱՄՆ-ում ՀՀ դեսպան Լիլիթ Մակունցը դեսպանությունում հյուրընկալեց «SelectUSA» ներդրումային գագաթաժողովի շրջանակներում Վաշինգտոն ժամանած հայ գործարար համայնքի ներկայացուցիչներին։ Այս մասին հայտնել են ԱՄՆ-ում ՀՀ դեսպանությունից։ Հանդիպմանը քննարկվեցին ՀՀ-ԱՄՆ տնտեսական և առևտրային համագործակցությանը վերաբերող հարցեր, ինչպես նաև ԱՄՆ-ում ՀՀ դեսպանության և հայ գործարար շրջանակների համագործակցության հնարավորությունները։ ...
00:19 14.05.2025
ՀՀ ՏԿԵ նախարարի տեղակալն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանըՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանը՝ գործադիր տնօրեն Սուլթան Իսա Ալ Մատրուշիի գլխավորությամբ։ Այս մասին հայտնել են ՏԿԵ նախարարությունից: Հանդիպման ընթացքում Սուլթան Իսա Ալ Մատրուշին ներկայացրել է ընկերության գործունեության հիմնական ուղղությունները և հարուստ փորձը։ Միաժամանակ հայտնել է, որ Royal Investment Bureau-ն […] ...
00:09 14.05.2025
«Երիտասարդ արքա»․ Ռեշֆորդը՝ Յամալի մասին«Մանչեսթեր Յունայթեդի» հարձակվող Մարկուս Ռեշֆորդը, որը վարձավճարով խաղում է «Ասթոն Վիլայում», գովել է «Բարսելոնայի» և Իսպանիայի հավաքականի երիտասարդ հարձակվող Լամին Յամալին։ «Երիտասարդ արքա» — գրել է Ռեշֆորդը X սոցիալական ցանցում։ 17-ամյա Յամալը «Բարսելոնայի» առաջին թիմում խաղում է 2023 թվականից։ Այս մրցաշրջանում նա բոլոր մրցաշարերում անցկացրել է 52 խաղ և կատարել 40 արդյունավետ գործողություն (16 գոլ […] ...
23:59 13.05.2025
«Եռաբլուր» զինվորական պանթեոնին հարող լանջերի շուրջ նոր քաղաքային անտառ է հիմնվելՏասնամյակներ շարունակ անխնամ մնացած ու շինաղբով պատված «Եռաբլուր» զինվորական պանթեոնին հարող լանջերի շուրջ 15 հա տարածքում ևս նոր քաղաքային անտառ ենք հիմնել. անցկացվել է 7 կմ ոռոգման նոր ցանց: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Վերջին 3 տարում Երևանում ընդհանուր առմամբ ավելացրել ենք շուրջ 55 հա նոր կանաչ տարածք, որից […] ...
23:53 13.05.2025
Թբիլիսյան խճուղում բախվել են «Chevrolet»-ն ու «Kia»-ն. կա վիրավորՄայիսի 13-ին, ավտովթար է տեղի ունեցել Երևանում։ Ժամը 20:10-ի սահմաններում Թբիլիսյան խճուղում բախվել են Արարատի մարզի բնակիչ 39-ամյա Նելսոն Ս.-ի վարած «Kia» մակնիշի և Կոտայքի մարզի բնակիչ 25-ամյա Բագրատ Ս.-ի վարած «Chevrolet» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով «Chevrolet»-ի վարորդը տեղափոխվել է հիվանդանոց։ Վթարի մասին ՊԾ Երևան քաղաքի գնդից տեղեկությունը փոխանցել են ՀՀ […] ...
23:47 13.05.2025
Պեսկով. Ռուսաստանի պատվիրակությունը մայիսի 15-ին Ստամբուլում կսպասի ուկրաինացի ներկայացուցիչներինՌուսական պատվիրակությունը հինգշաբթի օրը կլինի Ստամբուլում և այնտեղ կսպասի ուկրաինական կողմին։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով ВГТРК -ի լրագրող Պավել Զարուբինի հարցին։ «Մենք գնահատում ենք միայն (խմբ.Ռուսաստանի) նախագահ Վլադիմիր Պուտինի հայտարարությունները, որն առաջարկել էր հինգշաբթի օրը Ստամբուլում պատվիրակությունների միջև բանակցություններ անցկացնել։ Մեր պատվիրակությունը կլինի այնտեղ և կսպասի ուկրաինական կողմին», – […] ...
