15:50 01.05.2021
Աշխատանքի և աշխատավորների համերաշխության միջազգային օրվա առթիվ շնորհավորական ուղերձ է հղել Արցախի մարդու իրավունքների պաշտպան Գեղամ Ստեփանյանը.
«Սիրելի՛ հայրենակիցներ,
Շնորհավորում եմ բոլորիս Մայիսի 1-ի՝ Աշխատանքի օրվա առթիվ։ Աշխատասիրությունը, աշխատանքի և աշխատող մարդու նկատմամբ հարգանքը մեր ազգային ինքնատիպ առանձնահատկություններից են, որը մշտապես պետք է պահպանենք՝ մեր ընտանքիների և պետության ամրապնդման համար։
Աշխատանքի օրը առիթ է բարձրաձայնելու այն խնդիրների մասին, որոնց բախվում են աշխատավոր մարդիկ Արցախում, քանզի աշխատանքային իրավունքների իրացումը և աշխատանքի արդարացի պայմանները կարևոր են հասարակական հարաբերությունների ներդաշնակության, սոցիալական արդարության ամրապնդման և պետության կայուն զարգացման համար։
Աշխատանքային իրավունքների պաշտպանության համար Արցախում առկա են օրենսդրական բավարար երաշխիքներ, սակայն մի շարք դեպքերում արձանագրվել և դեռևս շարունակվում են նկատվել աշխատանքային իրավունքների այնպիսի խախտումներ, որոնք կարող էին բացառվել աշխատանքային իրավահարաբերությունների մասնակիցների՝ աշխատանքային իրավունքների պաշտպանության մեխանիզմների մասին բավարար իրազեկվածության պարագայում:
2020թ. Մարդու իրավունքների պաշտպանը ստացել էր աշխատանքային իրավունքներին առնչվող 75 դիմում, որոնք հիմնականում վերաբերել են աշխատանքային պայմանագիրն անհիմն լուծելուն, առանց իրավաչափ հիմքի հաստիքների կրճատմանը, վերջնահաշվարկ չտրամադրելուն, առանց օրենքով սահմանված ընթացակարգի պահպանման՝ կարգապահական տույժերի ենթարկելուն։ Սոցիալ-տնտեսական վիճակով ու թափուր աշխատատեղերի սակավությամբ պայմանաորված, ինչպես նաև աշխատաշուկայի անբավարար լինելու պատճառով հաճախ աշխատողները ստիպված են եղել համակերպվել իրենց աշխատանքային իրավունքների ոտնահարման փաստի հետ։
Իրավիճակն ավելի են բարդացնում 2020թ.-ի աշնանը Արցախի ժողովրդի դեմ սանձազերծված ադրբեջանական ագրեսիայի հետևանքները՝ Ադրբեջանի օկուպացիայի տակ հայտնված տարածքներից Արցախի հազարավոր աշխատավորներ զրկվել են բնականոն պայմաններում իրենց աշխատանքային իրավունքները իրացնելու հնարավորությունից, իրենց արժանապատիվ զբաղմունքից զրկվել են գյուղատնտեսության ոլորտում աշխատող մեր հայրենակիցները։
Նման պայմաններում առավել մեծ ջանքեր են պահանջվում աշխատանքի շուկայի բարելավման և հասարակությանը արժանապատիվ աշխատանքով ապահովելու համար։
Վերստին շնորհավորելով օրվա առթիվ՝ մաղթում եմ, որ մեր ամենօրյա աշխատանքով կարողանանք ոտքի կանգնեցնել և շենացնել մեր հայրենիքը և կառուցել մրցունակ պետություն՝ ապահովելով աշխատանքի կազմակերպման և աշխատավորների իրավունքների պաշտպանության արդի մեթոդներն ու չափանիշները։
ԱՀ մարդու իրավունքների պաշտպան
Գեղամ Ստեփանյան»:
17:55 13.08.2025
ՌԴ-ում մասնակիորեն սահմանափակվել են Telegram-ով և WhatsApp-ով զանգերը«Ռոսկոմնադզոր»-ի մամուլի ծառայությունից հայտնում են, որ Ռուսաստանում Telegram-ի և WhatsApp-ի միջոցով զանգերը մասամբ սահմանափակվել են: «Իրավապահ մարմինների նյութերի համաձայն հանցագործներին հակազդելու համար միջոցներ են ձեռնարկվում տվյալ արտասահմանյան մեսենջերներում զանգերը մասամբ սահմանափակելու համար։ Դրանց ֆունկցիոնալության վրա այլ սահմանափակումներ չեն մտցվում», – ասվում է հաղորդագրությունում: Ըստ հիմնավորման՝ խաբեբաներն ավելի հաճախ զանգահարում են Telegram-ով և WhatsApp-ով։ Նրանք այս […] ...
17:48 13.08.2025
Երևանի Հերացու փողոցում բախվել են «Lexus»-ն ու «Volkswagen»-ըԱյսօր՝ օգոստոսի 13-ին, արտակարգ դեպք է տեղի ունեցել Երևանում: Ժամը 16:20-ի սահմաններում Հերացու փողոցում բախվել են «Lexus» և «Volkswagen» մակնիշի ավտոմեքենաները: Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածեր չկան: Ըստ «Volkswagen»-ի վարորդի հայտարարության՝ վթարից հետո ավտոմեքենան ինքնաբերաբար ետ է ընթացել, կոտրել Բժշկական համալսարանի լաբորատորիայի մասնաշենքի ապակե ցուցափեղկը, մխրճվել ներս ու բռնկվել: Պարեկային […] ...
17:42 13.08.2025
Մեզ զրկում են մեր երազանքից. «Քրիստալ Փելասի» հայտարարությունըԱնգլիայի գավաթակիր և սուպերգավաթակիր «Քրիստալ Փելասի» ղեկավարությունն ակումբի պաշտոնական կայքում հայտարարություն է տարածել՝ ի նշան ՈՒԵՖԱ-ի դեմ բողոքի: «Այն ժամանակ, երբ մենք պետք է տոնեինք Անգլիայի Սուպերգավաթում մեր հաղթանակը, ՈՒԵՖԱ-ի և սպորտային արբիտրաժային դատարանի որոշումը ցույց տվեց, որ մարզական արժեքները կորցնում են իրենց իմաստը: Մենք մայիսին գավաթի եզրափակչում հաղթեցինք «Մանչեսթեր Սիթիին» և նվաճեցինք Եվրոպա լիգայում […] ...
17:35 13.08.2025
ՀՀ քաղաքների մթնոլորտային օդում փոշու պարունակությունը օգոստոսի 3-9-ըՀիդրոօդերևութաբանության և մոնիթորինգի կենտրոնը ներկայացրել է քաղաքների մթնոլորտային օդում փոշու պարունակությունը օգոստոսի 3-9-ը: Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ ✔ Ծատուրյան փողոցի հարակից տարածք՝ չի գերազանցել, ✔ Հերացի փողոցի հարակից տարածք՝ օգոստոսի 3-ին, 5-ին և 6-ին, ✔ Վարդանանց փողոցի հարակից տարածք՝ 3-ին, 7-ին և 9-ին։ Ալավերդի քաղաքում՝ ✔ Սանահին սարահարթ, […] ...
17:27 13.08.2025
Երիտասարդության միջազգային օրը՝ ՆԳՆ ծառայություններումՕգոստոսի 12-ը՝ Երիտասարդության միջազգային օրը, նշանավորվել է նաև ՆԳ նախարարության ենթակա ծառայություններում։ Համայնքային ոստիկանության Ջերմուկի բաժնի և Միասնական սոցիալական ծառայության Ջերմուկի տարածքային կենտրոնի համատեղ նախաձեռնությամբ մի խումբ երիտասարդներ այցելել են Ջերմուկի բաժին։ Նպատակը մասնագիտական կողմնորոշմանը նպաստելն էր․ երիտասարդներին ծանոթացնել ոստիկանության գործունեության առանձնահատկություններին՝ նպաստելով նաև համակարգում ծառայելու գրավչության բարձրացմանը։ Համայնքային ոստիկանները ներկայացրել են ծառայության մեջ օգտագործվող […] ...
