16:24 21.09.2021
Արցախի ՆԳ նախարար Կարեն Սարգսյանը երեկ՝ սեպտեմբերի 20-ին, հերթական աշխատանքային այցն է կատարել ոստիկանության և ԱԻ պետական ծառայության Մարտակերտի շրջանային բաժիններ:
Նախարարը, Մարտակերտի շրջվարչակազմի ղեկավար Արսեն Ավանեսյանի, ոստիկանության և ԱԻՊԾ Մարտակերտի շրջանային բաժնի պետերի՝ Ռոմա Հարությունյանի և Արայիկ Դանիելյանի ուղեկցությամբ, շրջայց է կատարել 2 բաժինների տարածքում, ծանոթացել խնդիրներին:
Ոստիկանության շենքը պատերազմի օրերին 2 անգամ թիրախավորվել և հրթիռակոծվել է, այժմ այստեղ պայմանների բարելավվման և վերանորոգման անհրաժեշտություն կա: Շուտով կմեկնարկեն շենքի վերանորոգման-վերակառուցման շինարարական աշխատանքները:
Նախարարը միաժամանակ հետևել է ծառայության ընթացքին, բարձրացված հարցերի շուրջ՝ սեղմ ժամկետներում դրանք լուծելու առաջարկներ արել:
Մարտակերտի շրջանային բաժնի պատասխանատուներին Կարեն Սարգսյանը տվել է մի շարք հանձնարարականներ, ևս մեկ անգամ կարևորել ներքին անվտանգության, հասարակության անվտանգության և հասարակական կարգի ապահովման ռազմավարությունը, որը մեծապես կախված է իրավապահ մարմիններից:
Նախարարը ևս մեկ անգամ հավելել է, որ ուժեղացված ծառայությանը զուգահեռ՝ կարևոր է կենցաղային պայմանների պատշաճ ապահովումը և ՆԳՆ ծառայությունների նյութատեխնիկական բազայի թարմացումը:
Պատերազմի օրերին նյութական վնասներ է կրել նաև ԱԻ պետական ծառայության Մարտակերտի շրջանային բաժնի շենքը: Նոր ու ժամանակակից պայմաններն այստեղ էլ չեն ուշանա: Բաժնի պետ գնդապետ Արայիկ Դանիելյանը Կարեն Սարգսյանին է ներկայացրել առկա խնդիրները:
Նախարարի հաջորդ կանգառը Մարտակերտի վերին ենթաշրջանի Գետավան տեղամասում էր: Նախ՝ հարգանքի տուրք՝ հայրենիքի պաշտպանության ընթացքում նահատակված հերոսների շիրիմներին:
ՆԳ նախարարն այնուհետև ոստիկանության Գետավանի բաժանմունքում և ԱԻ պետական ծառայության հրշեջ փրկարար ջոկի տեղամասում հետաքրքրվել է հերթապահության մեջ ընդգրկված անձնակազմի տրամադրությամբ, տեղում արձանագրվել են ծառայողներին հուզող խնդիրները:
Կարեն Սարգսյանը ևս մեկ անգամ հավաստիացրել է, որ ՆԳՆ համակարգում բարեփոխումները շարունակական բնույթ կունենան: Այսուհետ ևս ուշադրության կենտրոնում կլինեն արհեստավարժ ու երիտասարդ կադրերով համալրումը և ստորաբաժանումների բարեկարգ վիճակը, որոնք էապես կփոխեն ծառայությունների մատուցման որակը:
23:00 20.08.2025
Օգոստոսի 21-ին կդադարեցվի Երևանի որոշ հասցեների գազամատակարարումը«Գազպրոմ Արմենիա» ընկերությունը տեղեկացնում է, որ ձմռան նախապատրաստական, պլանային աշխատանքներ իրականացնելու նպատակով՝ օգոստոսի 21-ին ժամը 10:00-ից մինչև ժամը 18:00-ն, կդադարեցվի Երևան քաղաքի Աջափնյակ վարչական շրջանի Լենինգրադյան փողոցի թիվ 27/3 հասցեում գտնվող բազմաբնակարան շենքի Ա, Բ, Գ, և Դ մասնաշենքերի («Լույսեր» բնակելի համալիրի) գազասպառողների գազամատակարարումը։ Ընկերությունը հայցում է գազասպառողների ներողամտությունը և խնդրում պահպանել անվտանգության պահանջները: ...
22:58 20.08.2025
Երևանի քաղաքապետարանի հասարակական կարգի պահպանության ծառայության աշխատակիցները շարունակում են ստուգայցեր իրականացնել հանրային տրանսպորտումԵրևանի քաղաքապետարանի հասարակական կարգի պահպանության ծառայության աշխատակիցները շարունակում են ստուգայցեր իրականացնել հանրային տրանսպորտում։ Այս մասին հայտնել են Երևանի քաղաքապետարանից: Անցած երկու օրերի ընթացքում առանց տոմս երթևեկելու, այլ անձի արտոնությունից օգտվելու և հանրային տրանսպորտի վճարումը չկատարելու համար կազմվել է շուրջ 110 արձանագրություն։ Մանրամասները՝ տեսանյութում: ...
22:54 20.08.2025
Պորտուգալիայի ընտրանու առաջատարներից մեկը կարող է բաց թողնել Հայաստանի ընտրանու հետ հանդիպումը2026 թվականի աշխարհի առաջնության որակավորման փուլի շրջանակներում Հայաստանի ազգային հավաքականը սեպտեմբերի 6-ին «Հանրապետական» մարզադաշտում կհյուրընկալի Պորտուգալիայի հավաքականին: Մեծ է հավանականությունը, որ «Միլանի» և Պորտուգալիայի հավաքականի հարձակվող Ռաֆայել Լեաուն բաց կթողնի Հայաստանի հավաքականի հետ հանդիպումը վնասվածքի պատճառով։ Լրատվամիջոցների տվյալներով՝ նա խաղադաշտ կվերադառնա միջազգային դադարից հետո և կմասնակցի Ա Սերիայի երրորդ տուրի խաղին։ ...
22:49 20.08.2025
Երևանում խոշոր հրդեհ է բռնկվել․ հրշեջները ավտոտնակում հայտնաբերել են անգիտակից տղամարդու ու նրան մոտեցրել շտապօգնությանըՕգոստոսի 20-ին, խոշոր հրդեհ է տեղի ունեցել Երևանում։ Ժամը 21։20-սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մամիկոնյանց փողոցի 34 Գ շենքի մոտ ավտոտնակներից մեկում կրակ է ծուխ է նկատվում։ Ինչպես հայտնում է shamshyan.com-ը, օպերատիվորեն ժամանել են Երևանի թիվ 5-րդ հրշեջ փրկարարական ջոկատից՝ 1 մարտական հաշվարկ։ Հրշեջ […] ...
22:43 20.08.2025
Լուսառատ գյուղում «Mercedes»-ում հրդեհ է բռնկվել․ հրշեջները կանխել են դրա տարածումըՕգոստոսի 20-ին, արտակարգ դեպք է տեղի ունեցել Արարատի մարզում։ Ժամը 16։50-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Լուսառատ գյուղում ավտոմեքենա է այրվում։ Ինչպես հայտնում է shamshyan.com-ը, օպերատիվորեն ժամանել են Վեդիի հրշեջ փրկարարական ջոկատից՝ 1 մարտական հաշվարկ։ Հրշեջ փրկարրաները նախ կանխել են Արարատի մարզի բնակիչ 21-ամյա […] ...
22:37 20.08.2025
«Նոայի» հայտացուցակը ԿԼ-ի որակավորման փլեյ-օֆֆում«Նոայի» մամուլի ծառայությունը ներկայացրել է Կոնֆերենցիաների լիգայի որակավորման փլեյ-օֆֆի համար նախատեսված հայտացուցակը։ Դարպասապահներ. Օգնյեն Չանչարևիչ, Արթուր Կոնեգլյան, Կիմ Թովմասյան, Դավիթ Ավետիսյան։ Պաշտպաններ. Սերգեյ Մուրադյան, Գուդմունդուր Թորարինսոն, Էրիկ Բոակյե, Հովհաննես Համբարձումյան, Դավիդ Սուալեհե, Գունսալու Սիլվա, Ներմին Զոլոտիչ։ Կիսապաշտպաններ. Արտակ Դաշյան, Իմրան Ուլադ Օմար, Տակուտո Օշիմա, Զավեն Խուդավերդյան, Գոռ Մանվելյան, Յան Էթեկի, Հովհաննես Հարությունյան։ Հարձակվողներ. Հելդեր Ֆերեյրա, […] ...
