ՀԱՅԱՍՏԱՆ

ՀՀ արտակարգ իրավիճակների նախարարությունը տեղեկացնում է, որ ժամը 14:00-ի դրությամբ ՀՀ տարածքում կան փակ և դժվարանցանելի ավտոճանապարհներ. տեղ-տեղ առկա է մերկասառույց:

Սոթք-Քարվաճառ ավտոճանապարհը փակ է:

Գյումրու «Ոսկե Բլուր» ռեստորանային համալիրում պահվող արջը տեղափոխվել է Երևանի կենդանաբանական այգի։ Կենդանաբանական այգու համապատասխան մասնագետները Մաշա անունով 2 տարեկան արջին նախ քնեցրել են, ապա տեղափոխել Երևանի կենդանաբանական այգի, որտեղ արջը կմնա մինչ կարանտինային շրջանի ավարտը, ինչից հետո մասնագետները կորոշեն նրա հետագա ճակատագիրը։

Աշխատանքային այցով Վիեննայում գտնվող ԱԳ նախարար Էդվարդ Նալբանդյանը հանդիպել է Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին:

Հանդիպման ընթացքում զրուցակիցներն անդրադարձել են երեկ Վիեննայում կայացած Հայաստանի և Ադրբեջանի արտգործնախարարների հանդիպմանը:

Անձնագրային ծառայությունների կողմից իրականացվող գրոծողությունները վճարվում են անկանխիկ եղանակով. իրազեկում է անձնագրային և վիզաների վարչությունը:

Ճանապարհային ոստիկանությունը տեղեկացնում է, որ 2017 թվականի դեկտեմբերի 9-ից Երևան քաղաքի Դավիթ Անհաղթի փողոց-ՈՒլնեցու փողոց և Աճառյան փողոց-Աճառյան 2-րդ փակուղի փողոց խաչմերուկներում կտեղակայվեն կրկնող լուսացույցներ:

Վարչապետ Կարեն Կարապետյանի մոտ տեղի է ունեցել Վանաձորի զարգացմանն ուղղված հերթական խորհրդակցությունը, որին մասնակցել են նաև քաղաքի ու մարզի ղեկավարությունը:
Քննարկվել են Գյումրիի պատմական կենտրոնի վերականգնման նպատակով ստեղծված «Կումայրի վերածնունդ» ոչ հրապարակային պայմանագրային մասնագիտացված ներդրումային ֆոնդի օրինակով Վանաձորի հետ կապված նմանատիպ ֆոնդի հիմնման հնարավորություններն ու հեռանկարները: Կառավարության ղեկավարը հանձնարարել է ստեղծված աշխատանքային խմբին առաջիկայում ներկայացնել համապատասխան առաջարկություն:

Տրանսպորտային միջոցների երթևեկության հապաղումներից և կուտակումներից խուսափելու նպատակով այսօրվանից Երևան քաղաքի Կոմիտասի պողոտա-Շահսուվարյան փողոց խաչմերուկում կկատարվի երթևեկության կազմակերպման փոփոխություն:
Կոմիտասի պողոտայով Դավիթ Անհաղթի փողոցի ուղղությամբ երթևեկող տրանսպորտային միջոցներին նշված խաչմերուկում կարգելվի հետադարձը և ձախ շրջադարձը դեպի Շահսուվարյան փողոց:

Տտրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ ժամը 09:30-ի դրությամբ, Սևանի թերակղզուց մինչև թունել բուք է, տեսանելիությունը՝ 10մ:

Ապարանի, Սպիտակի և Հրազդանի տարածաշրջանների ավտոճանապարհներին ձյուն է տեղում:

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ դեկտեմբերի 7-ին՝ ժամը 20:00-ի դրությամբ, Ջերմուկի, Սիսիանի, Գորիսի տարածաշրջանների ավտոճանապարհներին, Սարավանի և Վարդենյաց լեռնանցքներում ձյուն է տեղում:

Գորիսի, Արթիկ – Ալագյազ ճանապարհներին, Գյումրի- Սպիտակ ավտոճանապարհի Ջաջուռի հատվածում և Քեթիի լեռնանցքում տեղ – տեղ մերկասառույց է:

Մերկասառույցի և առատ ձյան պատճառով ծանրաքաշ մեքենաներին ժամանակավորապես խորհուրդ չի տրվում երթևեկել Վարդենյաց լեռնանցքով:

Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին շուրջօրյա կատարում են մաքրման, աղով ու ավազով մշակման աշխատանքներ:

Վթարներից, պատահարներից, խցանումներից և արտակարգ իրավիճակներից խուսափելու նպատակով նախարարությունը վարորդներին հորդորում է երթևեկել բացառապես ձմեռային անվադողերով:

ՀՀ միջպետական և հանրապետական նշանակության բոլոր ավտոճանապարհները բաց են:

ՀՀ քննչական կոմիտեի Շիրակի մարզային քննչական վարչությունում հարուցվել է քրեական գործ՝ Գյումրի քաղաքի բնակչուհու նկատմամբ կատարված ավազակային հարձակման դեպքի առթիվ:

Կառավարությունը հավանություն տվեց Երևանի մեկ միասնական առաջին ատյանի դատարանի ստեղծման որոշման նախագծին:

ԱԻՆ փրկարար ծառայության տնօրենի տեղակալ Հովհաննես Եմիշյանն այսօր խոսել է ՀՀ փրկարարների պատրաստվածությոնից ու պնդել, որ 1988 թվականից հետո շատ բան է փոխվել: Այսօր Հայաստանը 3300 փրկարար ունի: Բնականաբար, խոշոր աղետների պարագայում սա չի կարող բավարար ուժ համարվել, ուստի կամավոր փրկարարներ ունենալու հանգամանքը կարևորվել է:

Գյումրիի Ամենափրկիչ եկեղեցու բակում կառուցված 1988-ի եևկրաշարժերի զոհերի հիշատակը հավերժացնող հուշարձանի մոտ այսօր ծաղկեսպսակ են դրել հասարակական, քաղաքական գործիչներ, պաշտոնյաներ, նաև Հայաստանի վարչապետ Կարեն Կարապետյանը: Լրագրողները առիթը բաց չեն թողել վարչապետին ևս մեկ անգամ հարցեր ուղղելու Գյումրիի ցավոտ խնդիրների, մասնավորապես, աշխատատեղերի բացակայության մասին:

Մասնագետները տարակարծիք են այն հարցում, թե որքան զոհ կունենաք, եթե հանրապետությայն տարածքում Սպիտակի երկարաշարժի ուժգնությամբ ցնցումներ գրանցվեն: ԱԻՆ «Սեյսմիկ պաշտպանության արևմտյան ծառայություն» ՊՈԱԿ-ի շենքերի ու շինությունների սեյսմակայունության բաժնի պետ Գուրգեն Նամալյանի հաշվարկներով ամենավտանգավոր օջախում ամենաուժգին երկարաշարժի դեպքումի զոհերի կարող է լինել 100 հազարի մոտ:

«Մենք ունենք տարբեր երկրաշարժային օջախներ: Ամենավտանգավորը օջախը Արարատի օջախն է, որն ավելի վտանգավոր է, քանի Գառնիի օջախը: Եվ այդ վտանգավոր օջախում ամենաուժգին երկրաշարժի դեպքում, որն ի դեպ քիչ հավանական է, գիշերային ժամերին կարող է լինել 110 հազար զոհ », -ասել է Գուրգեն Նամալյանը:

Զոհերի շատ ավելի մեծ թվի մասին է խոսում ճարտարապետ Սարհատ Պետրոսյանը:

«Էս շինարարության որակը, որ ես եմ տեսնում, ցավալիորեն իրականությանը շատ մոտիկ է 250 հազար զոհը», ասել է ճարտարապետը:

ԱԻՆ փրկարար ծառայության տնօրենի տեղակալ Հովհաննես Եմիշյանի խոսքերով, ի տարբերություն 1988-ի, հիմա մեծ է նաև տուժածների փրկելու հավանականությունը:

Սպիտակի ավերիչ երկրաշարժի օրը հիշեցրել է նաև այն խնդիրների մասին, որոնք չեն լուծվում արդեն 30 տարի: Օրինակ՝ Հանրապետության 18 հազար բազմաբնակարան շենքերից 64-ի դեպքում միայն կարելի է ասել, թե տեխնիկապես ինչ վիճակում են, այսինքն՝ 18 հազարից 64-ը միայն տեխնիկական անձնագիր ունի:

Սպիտակի երկրաշարժի զոհերին նվիրված «Եվ յոթերորդ օրը …» ֆիլմը ներկայացնում է երկրաշարժից ավերված գյուղի մարդկանց ճակատագրերը, որոնք մոռացվել էին փրկարարների կողմից։ Աղետը ներկայանում է փլատակների տակ մնացած թոռանը փրկել փորձող մեծահասակ մարդու ջանքերով ու ներաշխարհով։

ՀՀ հատուկ քննչական ծառայությունում քննվող քրեական գործի նախաքննության ընթացքում պարզվել է, որ 55 անձինք, առանց ՀՀ Արագածոտնի մարզի Բյուրական գյուղի և Աշտարակ քաղաքի տարբեր բնակարաների համասեփականատերերի համաձայնության, առանց օրինական հիմքերի, 2012-2014թթ. ընթացքում հաշվառվել են նշված հասցեներում: Այնուհետև հիշյալ անձինք ՀՀ ոստիկանության անձնագրային և վիզաների վարչության տարբեր ստորաբաժանումներից, մասնավորապես Աշտարակի անձնագրային բաժանմունքից ստացել են հաշվառված լինելու մասին ակնհայտ կեղծ նշումով կենսաչափական տվյալներ պարունակող, իրավունք վերապահող ՀՀ քաղաքացու անձնագրեր:

Տնտեսական զարգացման և ներդրումների նախարարության զբոսաշրջության պետական կոմիտեի և Հայաստանի զբոսաշրջության զարգացման հիմնադրամի աջակցությամբ նկարահանվել է Հայաստանի մասին պատմող հերթական տեսահոլովակը: Գունեղ ու դինամիկ հոլովակը բացահայտում է Հայաստանն իր ողջ գեղեցկությամբ: Չքնաղ բնություն, խորհրդավոր վանքեր, ջրվեժներ, քարանձավներ ու անկրկնելի տեսարաններ:

Մոսկվայում անցկացվող «Տրանսպորտային շաբաթ-2017» միջոցառման շրջանակներում ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը դեկտեմբերի 7-ին մասնակցել է ԱՊՀ անդամ պետությունների տրանսպորտը համակարգող խորհրդակցության 37-րդ նիստի աշխատանքներին։

ԱԺ-ում քննարկում են «Ծառուկյան» դաշինքի անդամներ Միքայել Մելքումյանի, Նաիրա Զոհրաբյանի և Վարդևան Գրիգորյանի կողմից ներկայացված «կազմակերպությունների և անհատ ձեռնարկատերերի կողմից ներմուծվող ակցիզային հարկով հարկման ոչ ենթակա այն ապրանքների ցանկը հաստատելու մասին, որոնց ներմուծումը ազատված է ԱԱՀ-ից» ՀՀ օրենքում լրացում կատարելու մասին օրենքի նախագիծը առաջին ընթերցմամբ ընդունելու հարցը:

ՀՀ տրանսպորտի,կապի և տեղեկատվական տեխնոլոգիաների նախարարությունը տեղեկացնում է, որ դեկտեմբերի 7-ին՝ ժամը 14:30-ի դրությամբ, Սիսիանի, Գորիսի, Կապանի, Մեղրու տարածաշրջանների ավտոճանապարհներին և Վարդենյաց լեռնանցքում ձյուն է տեղում:

Արթիկ – Ալագյազ ճանապարհին, Գյումրի- Սպիտակ ավտոճանապարհի Ջաջուռի հատվածում և Քեթիի լեռնանցքում տեղ-տեղ մերկասառույց է:

Առավոտյան ժամը 10-ից հոգեհանգստի պատարագ է հնչել Գյումրիի Սուրբ Աստվածածին ՝ Յոթվերք եկեղեցում։ Պատարագին ներկա են եղել մարզային իշխանության ներկայացուցիչները, բազմաթիվ գյումրեցիներ՝ ովքեր վերապրել են աղետը, նաև երիտասարդներ, ովքեր, սակայն մինչ օրս տեսնում են ավերիչ երկրաշարժի հետքերը:

Արդարադատության նախարարի տեղակալ Արթուր Հովհաննիսյանը ներկայացրեց ԱԺ օրակարգում ընդգրկված հաջորդ հարցը, այն է՝ «Նոտարիատի մասին ՀՀ օրենքում լրացումներ և փոփոխություններ կատարելու մասին և պետական տուրքի մասին» օրենքում լրացում կատարելու մասին օրենքների նախագծերի փաթեթը առաջին ընթերցմամբ ընդունելու հարցը:

Աշխատանքային այցելությամբ Վիեննայում գտնվող արտգործնախարար Էդվարդ Նալբանդյանն այսօր մասնակցել է Հավաքական անվտանգության պայմանագրի կազմակերպության անդամ պետությունների արտաքին գործերի նախարարների հանդիպմանը։

Սպիտակի երկրաշարժի 29-րդ տարելիցի շրջանակում ասյօր լրագրողների հետ է հանդիպել ՀՀ ԱԻ նախարարի սեյսմիկ պաշտպանության գծով խորհրդական Հրաչյա Պետրոսյանը: Պետրոսյանից լրագրողները հետաքրվել են, թե ինչ վիճակում է հիմա ՀՀ ընդերքն ու ինչ են արձանագրում սալերի տեղաշարժն արձանագրող սարաքավորումները, ինչքանով է մեծ 1988 թվականի երկրաշարժի կրկնությունը:

Քաղաքաշինության պետական կոմիտեի շինարարության և գիտատեխնիկական նորմավորման վարչության խորհրդական Ալեքսանդր Մովսիսյանի խոսքով՝ նորություն չէ, որ Երևանը 7-8 բալ ուժգնությամբ կառուցված քաղաք է, և եթե լինի 9 և ավելի բալ ուժգնությամբ երկրաշարժ, վնասներ կլինեն:

Գործադիրն էլ որոշել է 868 մլն դրամով շենք-շինությունները վաճառքի ձևով օտարել «Հին Նորք» բիզնես կենտրոն ՓԲԸ-ին: Գնորդին է օտարվում նաև գույքի զբաղեցրած, օգտագործման ու սպասարկման համար անհրաժեշտ 2.8 հեկտար մակերեսով հողամասը՝ 455 մլն դրամ կադաստրային արժեքով:

ԱԺ-ում քննարկվել է դատական ակտերի մասին օրենքում փոփոխություններ և լրացումներ կատարելու մասին նախագիծը: Արդարադատության նախարարի տեղակալ Արթուր Հովհաննիսյանը, ներկայացնելով նախագիծը, նշեց, որ այն չափազանց կարևոր է և բավականին շատ փոփոխություններ կամ բարեփոխումներ է նախատեսում հատկապես դատական ակտերի հարկադիր կատարման համակարգում:

Հայաստանի և Ադրբեջանի արտգործնախարարների հանդիպման օրակարգում էին երկու երկրների ղեկավարների Վիեննայի, Սանկտ Պետերբուրգի և Ժնևի գագաթաժողովներին ձեռք բերված պայմանավորվածությունների իրագործման ուղիները», – ասված է հաղորդագրությունում։

Առանձնապես խոշոր չափերով կաշառք ստանալու, դրան օժանդակելու և կաշառք տալու դեպքերի վերաբերյալ ՀՀ հատուկ քննչական ծառայությունում քննվող քրեական գործով իրականացված նախաքննության ընթացքում հիմնավորվել է, որ ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի ավագ քննիչ Միքայել Զադոյանը նախնական համաձայնությամբ, ՀՀ փաստաբանների պալատի փաստաբան Գայանե Գալոյանի օժանդակությամբ ստացել է առանձնապես խոշոր չափերով կաշառք: