ԱՐՑԱԽ

ՆԱՏՕ-ի Եվրոպական զարգացման կոմիտեի նախագահ Գյունտեր Ֆելինգերը կոչ է արել ռմբակոծել Բելգրադը՝ դաշինքի նոր միջամտության շրջանակներում։ Այս մասին նա հայտնել է X սոցիալական ցանցում (նախկինում՝ Twitter)․ «Կոսովոյի դեմ սերբական պատերազմը սկսվեց Բանսկայում։ Ես կոչ եմ անում ՆԱՏՕ-ին անհապաղ միջամտություն նախապատրաստել Սերբիայի դեմ։ Ռմբակոծեք Բելգրադը հենց հիմա»,-ասվում է հաղորդագրության մեջ։ Բացի այդ, Ֆեհլինգերը մեղադրել է Ռուսաստանին […]

ԼՂ տեղեկատվական շտաբի հաղորդմամբ՝ նախագահ Սամվել Շահրամանյանը սեպտեմբերի 24-ին հանդիպել է վերջին ռազմական գործողությունների հետևանքով տարհանված, անօթևան մնացած և Իվանյանում ռուս խաղաղապահների մշտական տեղակայման վայրի հարևանությամբ հանգրվանած քաղաքացիների հետ: Ծանր կացության մեջ հայտնված քաղաքացիները ցանկություն են հայտնել տեղափոխվել ՀՀ-ում գտնվող իրենց հարազատների մոտ: Ձեռք բերված պայմանավորվածության արդյունքում ընդունվել է որոշում, համաձայն որի հատկացվել է թվով […]

Ասկերանի շրջանի Սառնաղբյուր համայնքը մինչև սեպտեմբերի 19-ի Ադրբեջանի հարձակումն ուներ 76 բնակիչ։ Նրանցից 5–ը զոհվել է, 15–ը՝ վիրավորվել, 4-ը գերեվարվել է Ադրբեջանի կողմից։  Այս մասին X-ի իր միկրոբլոգում գրել է ԼՂ Մարդու իրավունքների պաշտպանի գրասենյակը։ Գրասենյակը հրապարակել է սառնաղբյուրցի քաղաքացիական զոհերի անունները. Ալեքսանդր Ալեքսանյան Գոհար Գրիգորյան Նվեր Պողոսյան (երեխա) Միքայել Պողոսյան (երեխա) Դավիթ Ալեքսանյան (երեխա)։ […]

Վերջին ռազմական գործողությունների ժամանակ Շուշիի շրջանի Եղցահող համայնքի բնակիչները տարհանվել են, փաստացի մնացել անօթևան և ցանկություն հայտնել տեղափոխվելու ՀՀ-ում գտնվող իրենց հարազատների մոտ, այս մասին հայտնում է Արցախի տեղեկատվական շտաբը։ Ըստ աղբյուրի՝ համաձայն ձեռք բերված պայմանավորվածության՝ ՌԴ խաղաղապահների ուղեկցությամբ նրանք արդեն հասել են Կոռնիձոր։

Սեպտեմբերի 24-ին Ստեփանակերտի «Հանրապետական բժշկական կենտրոնից» ՀՀ մասնագիտացված բուժհաստատություններ է տեղափոխվել վերջին ռազմական գործողությունների հետևանքով ծայրահեղ ծանր վիրավորում ստացած 23 քաղաքացի: Այս մասին հայտնում է ԱՀ առողջապահության նախարարությունը։ Վիրավորների տեղափոխումն իրականացվել է Կարմիր խաչի միջազգային կոմիտեի միջնորդությամբ՝ ՀՀ առողջապահության նախարարության կողմից հատկացված շտապօգնության մեքենաներով՝ համապատասխան բուժանձնակազմի աջակցությամբ: Առաջիկայում ևս նախատեսվում է ծանր վիրավորում ստացած անձան […]

ԼՂ կառավարությունը տեղեկացնում է՝ կիրականացվի վերջին ռազմական գործողությունների հետևանքով անօթևան մնացած և Լեռնային Ղարաբաղից դուրս գալու ցանկություն հայտնած ընտանիքների տեղափոխում Հայաստանի Հանրապետություն՝ ռուս խաղաղապահների ուղեկցությամբ: Հաղորդվում է, որ բնակչության մյուս խմբերի տեղափոխման մասին ԼՂ կառավարությունը առաջիկայում հանդես կգա տեղեկատվությամբ:

ԱՀ տեղեկատվական շտաբից հայտնում են՝ քաղաքացիներից ստացված ահազանգերից (ջրից դիզվառելիքին հատուկ հոտ զգալու մասին) անմիջապես հետո Ստեփանակերտի «Ջրմուղ-կոյուղի» ՓԲԸ-ն բնակչությանը մատակարարվող խմելու ջրից նմուշառումներ է կատարել և ենթարկել լաբորատոր ստուգման: Շտաբից հայտնում են՝ լաբորատոր ստուգումներն ընթացքում են, բայց մինչ այս պահը որևէ վտանգավոր նյութ չի հայտնաբերվել:

Այսօր ԿԽՄԿ-ի ավտոշարասյունով մոտ 70 տոննա մարդասիրական օգնություն հատել է Լաչինի ճանապարհը: Այս մասին հայտնում է ԿԽՄԿ-ն X-ի իր միկրոբլոգում։ Նշվում է, որ ուժած համայնքների համար նախատեսված մարդասիրական օգնությունը ներառում է. – 66 տոննա ցորենի ալյուր – 2700 կգ աղ – 450 կգ չոր խմորիչ – 375 լիտր արեւածաղկի ձեթ Today, nearly 70 metric tons […]

ՀՀ ԱԺ պատգամավոր, ԱԺ Պետական-իրավական հարցերի մշտական հանձնաժողովի նախագահ Վլադիմիր Վարդանյանը «Արմենպրես»-ի հետ զրույցում մեկնաբանել է Լեռնային Ղարաբաղում ստեղծված իրավիճակի առնչությամբ ԵԽԽՎ-ում հրատապ նիստ հրավիրելու թեման։ – Լրատվական դաշտում տեղեկություն է տարածվում, որ ԵԽԽՎ-ում նախապատրաստվում է հրատապ նիստ՝ Լեռնային Ղարաբաղի բնակչության նկատմամբ ադրբեջանական վայրագությունների հարցով և որ այդ նիստի շրջանակներում շրջանառելու համար տեսանյութեր են հարկավոր: […]

ԱՄՆ սենատոր Գերի Փիթերսը, ով այսօր այցելել է Հայաստանում Եվրոպական Միության դիտորդական առաքելության կենտրոնակայան, X-ի իր միկրոբլոգում գրել է. «Իրավիճակը Լեռնային Ղարաբաղում ծանր է. Ալիևի ռեժիմը պետք է թույլ տա միջազգային դիտորդներին ներս մտնել, որպեսզի աշխարհը հստակ տեսնի, թե ինչ է կատարվում: Ես մարզպետ Ղուկասյանի և Հայաստանում ԱՄՆ դեսպանի հետ դիտել եմ Լաչինի միջանցքի դաժան […]

Արցախի շուրջ իրավիճակը վաղուց դուրս է զուտ տեղային բնույթից, այն տարածաշրջանային ու միջազգային նշանակություն ունի: Ինչո՞ւ Արցախում հարձակումը տեղի ունեցավ միջազգային դերակատարների թույլտվությամբ: Ինչո՞ւ դարձյալ խոսվեց 3+3 ձևաչափի մասին: Ի՞նչ առանձնահատկություններ ու ենթատեքստեր կան: Այս հարցերին անդրադարձել է Արմեն Պետրոսյանը՝ «Հորիզոնի» հետ հարցազրույցում: Ամբողջական հարցազրույցը` տեսանյութում։  

Մարտակերտի շրջանում հրադադարի խախտման մեկ դեպք է գրանցվել. այս մասին հայտնում են ՌԴ ՊՆ խաղաղապահ առաքելությունից սեպտեմբերի 23-ի տեղեկագրում: Փոխհրաձգության արդյունքում ադրբեջանական զինուժի մեկ զինծառայող վիրավորվել է։ Ռուսական խաղաղապահ զորախմբի հրամանատարությունը ադրբեջանական կողմի և Ղարաբաղի ներկայացուցիչների հետ համագործակցությամբ այս փաստի առնչությամբ հետաքննություն է անցկացնում։ Նշվում է, որ ի կատարումն ռազմական գործողությունների դադարեցման մասին ձեռք բերված […]

Հայաստանում ԿԽՄԿ պատվիրակության հաղորդակցման ծրագրերի ղեկավար Զառա Ամատունին ԶԼՄ-ներին հայտնել է, որ Կարմիր խաչն այսօր Մարտակերտից վիրավորներ  է տեղափոխել Ստեփանակերտ։ Նրա խոսքով՝ շրջափակման մեջ գտնվող Մարտակերտից 17 վիրավորի է հաջողվել տեղափոխել Ստեփանակերտ։

ՀՀ նախկին ՄԻՊ Արման Թաթոյանը ֆեյսբուքյան իր էջում գրում է. «Արցախում մոտ 100 զոհվածների մարմիններ գտնվում են Ստեփանակերտից կտրված բնակավայրերում (Մարտունի, Մարտակերտ և այլն): Կան դեպքեր, երբ մեկ ընտանիքից մի քանի սպանված խաղաղ բնակիչներ կան: Մարդիկ չեն կարողանում զոհվածների մարմինները բժշկական փորձաքնությունների տանել, որ կարողանան հուղարկավորել, քանի որ ադրբեջանական զինված ծառայողները բնակավայրերն իրարից կտրած են […]

ԱՄՆ սենատոր Գաի Փեթերսը Սենատում խոսել է ԼՂ-ի ժողովրդի իրավունքների պաշտպանության անհրաժեշտության մասին: Այս մասին նա հայտնել է X-ի իր միկրոբլոգում: «Ալիևի ռեժիմը հումանիտար աղետ է իրականացնում Լեռնային Ղարաբաղում. Սենատի հարթակում ես քաջալերեցի իմ գործընկերներին և վարչակազմին միանալ ինձ՝ կանգնելու հայ ժողովրդի կողքին»,-գրել է նա:   The Aliyev regime is perpetrating a humanitarian disaster in […]

ԼՂ տեղեկատվական շտաբից Ֆեյսբուքյան գրառմամբ հայտնում են. «Ռազմական գործողությունների դադարեցման մասին ռուսական կողմի միջնորդությամբ Ադրբեջանի հետ սեպտեմբերի 20-ին ձեռք բերված պայմանավորվածության hամաձայն՝ ներկա դրությամբ իրականացվում են հետևյալ աշխատանքները. Պաշտպանության բանակի ստորաբաժանումների դուրսբերում մարտական դիրքերից ու տեղափոխում մշտական տեղակայման վայրեր՝ բանակի կազմալուծման աշխատանքներին զուգահեռ որոնողական աշխատանքներ զոհվածների ու անհայտ կորածների հայտնաբերման ուղղությամբ, ծանր և ծայրահեղ ծանր […]

Ադրբեջանի վերջին ռազմագործողության հետևանքով Արցախի տարբեր շրջաններից տարհանված հազարավոր մեր հայրենակիցներ շարունակում են մնալ Ստեփանակերտի օդանավակայանի հարակից տարածքում. հիմնականում տարեցներ, կանայք ու երեխաներ են։ Արդեն 5-րդ օրն է՝ ոմանք բաց երկնքի տակ են գիշերում, ոմանք՝ մեքենաներում, որոշներն էլ վրաններ են տեղադրել: Սնունդը, վառելափայտը, խմելու ջուրն այստեղ հայթայթում են՝ ով ինչպես կարողանում է: Այս մասին տեղեկացնում […]

Գերմանիայի մայրաքաղաք Բեռլինում` Բունդեսթագի դիմաց, սեպտեմբերի 23-ին հայ համայնքը բողոքի ակցիա է անցկացրել՝ պահանջելով կանգնեցնել Ադրբեջանի կողմից Լեռնային Ղարաբաղի ժողովրդի դեմ իրականացվող ցեղասպան գործողությունները։ Ինչպես տեղեկացնում է «Արմենպրես»-ը, բողոքի ցույցին մասնակցել են նաև Գերմանիայի մի խումբ քաղաքական գործիչներ, ուսանողներ և տարբեր հասարակական կազմակերպությունների ներկայացուցիչներ։ «Ձեր մասնակցությունը շատ կարևոր է ՝ ցույց տալու համար, որ մենք […]

ԱՄՆ կոնգրեսական Փրենկ Փալոնը կոնգրեսականներ Դեյվիդ Վալադաոյի և Ադամ Շիֆի հետ հայերին պաշտպանելու և Հայաստանին և Լեռնային Ղարաբաղին մարդասիրական օգնություն տրամադրելու վերաբերյալ նախագիծ են ներկայացրել Կոնգրեսին՝ ի պատասխան Ադրբեջանի կառավարության կողմից ձեռնարկված դաժան և անարդար գործողությունների։ Ինչպես տեղեկացնում է «Արմենպրես»-ը, այս մասին հայտնում է Ամերիկայի հայկական համագումարը։ «Ադրբեջանի ագրեսիայի դեմ հայերի աջակցության մասին» օրենքի նախագիծն […]

Համացանցում շրջանառվող լուրը, թե իբր ադրբեջանական զորք է մտել Ստեփանակերտ, իրականությանը չի համապատասխանում: Այս մասին հայտնում է Արցախի տեղեկատվական շտաբը: «Ստեփանակերտի մատույցներում սեպտեմբերի 21-ին ադրբեջանական կողմի՝ հրադադարի խախտումից հետո, իրավիճակի հետագա լարումից խուսափելու նպատակով, ռուս խաղաղապահներ են տեղակայվել քաղաքի մատույցներում՝ ներառյալ Կրկժան թաղամասում: Խնդրում ենք տուրք չտալ խուճապային տրամադրություն ստեղծող գրառումներին, հետևել միայն պաշտոնական լրահոսին: […]

Արցախի մարդու իրավունքների պաշտպանի գրասենյակը բազմաթիվ սահմռկեցուցիչ հաղորդումներ է ստանում Արցախի խաղաղ բնակչության դեմ ադրբեջանական տեղեկատվական ահաբեկչության վերաբերյալ։ Այս մասին X-ի միկրոբլոգում հաղորդագրություն է տարածել Արցախի ՄԻՊ գրասենյակը: «Ադրբեջանական հեռագրային ալիքները խրախուսում են գտնել, սպանել, խոշտանգել և բռնաբարել Արցախի անհայտ կորածներին՝ նույնիսկ դրա համար գումար առաջարկելով։ Անհայտ կորածների բազմաթիվ հարազատներ, որոնք առանց այդ էլ հոգեբանական […]

ԱՄՆ խոշորագույն թերթերից «Վաշինգտոն Փոստ»-ը ծավալուն վերլուծությամբ անդրադարձել է Լեռնային Ղարաբաղի դեմ Ադրբեջանի սանձազերծած ռազմական գործողություններին՝ ընդգծելով, որ ոչինչ չպետք է խոչընդոտի աշխարհին կանգնեցնելու 2023 թվականին կատարվող Հայոց ցեղասպանությունը: «Արմենպրես»-ի փոխանցմամբ՝ թերթը հիշեցնում է, որ 2021-ին նախագահ Բայդենը ցեղասպանություն է ճանաչել 1915 թվականին Անատոլիայում՝ ներկայիս Թուրքիայի տարածքում գտնվող իրենց հողերից հայերի արտաքսումը՝ ընդգծելով, որ Միացյալ […]

Սեպտեմբերի 22-ին մեր թիմերը տարհանել են վերջին ռազմական գործողությունների ժամանակ վիրավորված ինը քաղաքացու: Այս մասին հայտնում են ԿԽՄԿ-ից։ Թեև սեպտեմբերի 20-ին զինադադար է հայտարարվել, ռազմական գործողությունները թողել են զգալի հետևանքներ: Համայնքները տեղահանվել են, հարազատները կորցրել են միմյանց հետ կապը, իսկ ռազմական գործողությունների ժամանակ վիրավորված մարդիկ դեռ օգնության կարիք ունեն։ Սեպտեմբերի 18-ին ԿԽՄԿ-ն առաջին անգամ կազմակերպեց […]

Սեպտեմբերի 22-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Ֆրանսիայի Հանրապետության Եվրոպայի և արտաքին գործերի նախարար Կատրին Կոլոննայի հետ: Ի շարունակություն նախորդ քննարկումների և սեպտեմբերի 21-ին ՄԱԿ Անվտանգության խորհրդի հրատապ նիստի՝ քննարկվել է Ադրբեջանի կողմից Լեռնային Ղարաբաղի ժողովրդի դեմ ագրեսիայի հետևանքով ստեղծված իրավիճակը։ Անդրադարձ է կատարվել Հարավային […]

ՀՀ նախագահի հրամանագրով՝ Վահագն Աֆյանը նշանակվել է Հնդկաստանում ՀՀ դեսպան։ «Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի և «Դիվանագիտական ծառայության մասին» օրենքի 13-րդ հոդվածի 3-րդ մասի և 14-րդ հոդվածի. Վահագն Աֆյանին նշանակել Հնդկաստանի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Նյու Դելի)»,-նշված է հրամանագրում։

Սեպտեմբերի 22-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Նիդերլանդների նորանշանակ ԱԳ նախարար Հանկը Բրուինս Սլոթի հետ: Արարատ Միրզոյանը շնորհավորել է Հանկը Սլոթեին՝ պաշտոնը ստանձնելու կապակցությամբ և վստահություն հայտնել, որ համատեղ նախաձեռնություններով հնարավոր կլինի շարունակել Հայաստանի և Նիդերլանդների միջև ակտիվ քաղաքական երկխոսությունն ու տարբեր ոլորտներում համագործակցության հետագա […]

Միացյալ Նահանգները Թուրքիային կոչ է անում աջակցել Լեռնային Ղարաբաղում ռազմական գործողությունները դադարեցնելու ջանքերին։ Այս մասին ասված է ԱՄՆ Պետդեպարտամենտի մամուլի ծառայության ղեկավար Մեթյու Միլլերի գրավոր հայտարարության մեջ։ Այն տարածվել է Նյու Յորքում ՄԱԿ-ի Գլխավոր ասամբլեայի 78-րդ նստաշրջանի շրջանակներում ԱՄՆ պետքարտուղար Էնթոնի Բլինքենի և Թուրքիայի արտգործնախարար Հաքան Ֆիդանի հանդիպման արդյունքներով։ «Պետքարտուղարը կոչ է արել աջակցել Լեռնային […]

Սեպտեմբերի 23-ից Ստեփանակերտի «Նոյ» և «Նադեժդա» սրահներում ժամը 10:00-20:00 անվճար տաք սնունդ կտրամադրվի Ադրբեջանի ռազմական ագրեսիայի հետևանքով տարհանված և սննդի կարիք ունեցող քաղաքացիներին: Այս մասին հայտնում են Արցախի տեղեկատավական շտաբից։

Ռուս խաղաղապահներն ավելի քան 50 տոննա մարդասիրական օգնություն են հասցրել Լեռնային Ղարաբաղի խաղաղ բնակչությանը։ Օգնությունը ներառում է սննդամթերք և առաջին անհրաժեշտության ապրանքներ, հայտնում է ՌԴ ՊՆ-ն։ «Ընդհանուր առմամբ, ռուս խաղաղապահների բեռնափոխադրումներով Ստեփանակերտ է հասցվել ավելի քան 50 տոննա բեռ, այդ թվում՝ սննդի չափաբաժիններ և հիգիենայի պարագաներ, ներառյալ՝ առաջին անհրաժեշտության ապրանքները։ Ռուսական խաղաղապահ զորախումբը շարունակում է […]

Սեպտեմբերի 22-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Եվրոպայի խորհրդի Գլխավոր քարտուղար Մարիա Պեյչինովիչ Բուրիչի հետ: Զրուցակիցները քննարկել են Լեռնային Ղարաբաղում ստեղծված իրավիճակը: Արարատ Միրզոյանը ընդգծել է, որ շուրջ 9-ամսյա շրջափակումից հետո սեպտեմբերի 19-ին Լեռնային Ղարաբաղի բնակչության դեմ Ադրբեջանի կողմից սանձազերծված ագրեսիան բացահայտ կերպով ի ցույց […]