16:53 15.02.2022
Հայ-իրանական դիվանագիտական հարաբերությունների հաստատման 30-ամյակի միջոցառումների շրջանակում ՀՀ ԿԳՄՍ նախարարության և ՀՀ-ում Իրանի Իսլամական Հանրապետության դեսպանատան աջակցությամբ Սոս Սարգսյանի անվան «Համազգային» թատրոնը փետրվարի 6-11-ը Թեհրանում մասնակցել է «Ֆաջր» միջազգային թատերական փառատոնին, տեղեկացնում են ՀՀ ԿԳՄՍ նախարարությունից:
«Համազգային» թատրոնը փառատոնին ներկայացել է Հովհաննես Թումանյանի «Լոռեցի Սաքոն» ստեղծագործության հիման վրա ստեղծված ներկայացմամբ:
Թատրոնի դերասաններն այս ներկայացմամբ «Նազերզադեհ» սրահում անցկացված փառատոնին հանդես են եկել 2 անգամ։ «Լոռեցի Սաքոն» ներկայացվել է նաև տեղի հայ համայնքին՝ Իսպահանի և Թեհրանի Հայ մշակութային «Արարատ» կազմակերպության սրահներում՝ արժանանալով թե՛ իրանցի, թե՛ հայ հանդիսատեսի բարձր գնահատանքին։ Միջոցառումներին ներկա էին Իրանի Իսլամական Հանրապետությունում Հայաստանի Հանրապետության արտակարգ և լիազոր դեսպան Արսեն Ավագյանը, դեսպանատան աշխատակիցներ։
Ռեժիսոր, դերասան Նարինե Գրիգորյանի խոսքերով՝ հյուրախաղային օրերը եղել են շատ հագեցած։
«Հինգ օրվա ընթացքում թատրոնի դերասանները հանդես են եկել 4 ներկայացմամբ: Փառատոնի շրջանակում դիտել ենք նաև մի շարք ներկայացումներ։ «Ֆաջր» փառատոնին մասնակցում ենք արդեն երկրորդ անգամ, սակայն այս անգամ, համաճարակով պայմանավորված, փառատոնի ծրագիրը համեմատաբար ավելի փոքր էր։ Հյուրախաղերի օրերին հանդիպել ենք «Ֆաջր» փառատոնի տնօրենի հետ, որը բավականին տպավորված էր մեր ներկայացմամբ։ Հանդիպման ընթացքում կողմերը ցանկություն են հայտնել առավել ընդլայնելու մշակութային համագործակցությունը, և այդ համատեքստում մենք իրանցի գործընկերներին տեղեկացրել ենք այն ծրագրերի մասին, որոնք նախանշել ենք իրականացնելու երկու երկրների դիվանագիտական հարաբերությունների հաստատման 30-ամյակի շրջանակում»,- նշել է Նարինե Գրիգորյանը՝ շնորհակալություն հայտնելով ՀՀ ԿԳՄՍ նախարարությանը, Իրանում Հայաստանի դեսպանատանը, հայ համայնքին, և իրանցի գործընկերներին փառատոնին մասնակցելու գործում ցուցաբերած աջակցության համար:
20:48 13.08.2025
Եթե սահմանված ժամկետից երկար եք մնացել ԱՄՆ-ում, ձեզ կարող են արտաքսել. դեսպանատունԵթե սահմանված ժամկետից երկար եք մնացել Միացյալ Նահանգներում, ձեզ կարող են արտաքսել, կամ դուք կարող եք մշտապես զրկվել ԱՄՆ հետագայում մուտք գործելու հնարավորությունից։ Այս մասին հայտնել են ՀՀ-ում ԱՄՆ դեսպանատնից: ...
20:39 13.08.2025
CBS. Ռուսաստանի, ԱՄՆ-ի և Ուկրաինայի գագաթնաժողովը կարող է տեղի ունենալ հաջորդ շաբաթվա վերջինԱՄՆ նախագահ Դոնալդ Թրամփի վարչակազմը փնտրում է վայր՝ Ռուսաստանի և Ուկրաինայի հետ եռակողմ գագաթնաժողով անցկացնելու համար, որը նախատեսվում է անցկացնել հաջորդ շաբաթվա վերջին, հաղորդում է CBS News-ը՝ հղում անելով իր սեփական աղբյուրներին։ Երկու աղբյուրներ հաստատել են այս տեղեկությունը: Օգոստոսի 8-ին Թրամփը հայտարարել է, որ ակնկալում է հանդիպել Ռուսաստանի նախագահ Վլադիմիր Պուտինի հետ Ալյասկայում օգոստոսի 15-ին։ […] ...
20:28 13.08.2025
«Բավարիան» հաղթել է 17 ու 18 տարեկան ֆուտբոլիստների գոլերի շնորհիվ«Բավարիան» նախամրցաշրջանային պատրաստության վերջին ընկերական խաղում 2-1 հաշվով հաղթել է Շվեյցարիայի Սուպերլիգան ներկայացնող «Գրասհոպերսին»։ Հատկանշական է, որ մյունխենյան թիմից գոլերը խփել են 17-ամյա Լենարթ Կառլն ու 18-ամյա Ջոնա Կուսի-Ասարեն։ Վենսան Կոմպանիի թիմը հաջորդ հանդիպումը կանցկացնի օգոստոսի 16-ին` Գերմանիայի Սուպերգավաթը վիճարկելով երկրի գավաթակիր «Շտուտգարտի» հետ։ ...
20:17 13.08.2025
Կստեղծվի Բյուջետային ծրագրերի գնահատման խորհուրդՀՀ փոխվարչապետ Մհեր Գրիգորյանը որոշում է ստորագրել, ըստ որի՝ կստեղծվի Բյուջետային ծրագրերի գնահատման խորհուրդ: «Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով և հիմք ընդունելով Հայաստանի Հանրապետության կառավարության 2025 թվականի հունվարի 23-ի N 57-Ն որոշմամբ հաստատված՝ բյուջետային ծրագրերի գնահատման կարգի 2-րդ կետի 9-րդ ենթակետը և 6-րդ կետը՝ 1. Ստեղծել Հայաստանի […] ...
19:53 13.08.2025
Գոռ Մալաքյանը ավարտել է ֆուտբոլիստի կարիերան«Արարատի» կիսապաշտպան Գոռ Մալաքյանը տեսաուղերձով հայտնել է կարիերան ավարտելու մասին: 31-ամյա ֆուտբոլիստը սակայն չի հեռանում ֆուտբոլից, նա ընդգրկվել է «Փյունիկի» նորանշանակ գլխավոր մարզիչ Արտակ Օսեյանի շտաբում։ Մալաքյանն «Արարատի» կազմում հանդես էր գալիս 2021թ. հուլիսից, 119 խաղում նա խփել է 3 գոլ, կատարել 6 գոլային փոխանցում։ Նախկինում նա խաղացել է նաև «Փյունիկում», «Արարատ-Արմենիայում», «Շիրակում», «Ալաշկերտում», ուկրաինական […] ...
