21:42 24.02.2022
Ռուսաստանը վաղ առավոտից հարվածներ է հասցնում ռազմական թիրախների, օդանավակայանների և տարբեր ենթակառուցվածքների Ուկրաինայի մի շարք քաղաքներում և մայրաքաղաք Կիևում։ Ըստ Ուկրաինայի զինված ուժերի՝ ոչնչացվել է ռուսական 7 ինքնաթիռ, չորս ուղղաթիռ, ավելի քան մեկ տասնյակ զրահատեխնիկա, 15 տանկ։ Ուկրաինական կողմը հաղորդում է ռուսական զինված ուժերի շրջանում շուրջ 100 զոհի, ինչպես նաև գերեվարվածների մասին։
Ուկրաինայի զինված ուժերն օգտագործում են թուրքական «Բայրաքթար» անօդաչուներ, որոնց միջոցով սահմանը հատելու փորձի ժամանակ խոցվել են ռուսական 5 զրահամեքենաներ և ավտոմեքենա։
Միևնույն ժամանակ ուկրաինական կողմը հաղորդում է, որ ռուսական ուժերին հաջողվել է գրավել Գենիչեսկ և Նովայա Կախովկա քաղաքները։ Համացանցում կադրեր և տեղեկություններ են տարածվել նաև այն մասին, որ ռուսական զորքերը գրավել են Խարկովը։ Մինչդեռ ուկրաինական կողմը հաղորդում է, որ Խարկովում խուճապ չկա, իրավիճակը լիովին վերահսկվում է Ազգային գվարդիայի կողմից։
Ռուսաստանը նաև դեսանտայիններ է իջեցրել Ուկրաինայի տարածք, նրանց կողմից գրավվել է Խերսոնում Դնեպր գետի վրայով անցնող կամուրջներից մեկը։ Խերսոնի շրջանում ռուսական ուժերը գրավել են նաև Հյուսիսղրիմյան ջրանցքի գլխավոր շենքը։ Գրավվել է նաև Կախովկայի հիդրոէլեկտրակայանը։
Օդեսայի շրջանի Լիպեցկոյե գյուղի զորամասի վրա ռուսական հարվածի հետևանքով 22 մարդ է մահացել, այդ թվում՝ 11 կին։ 6 հոգու հաջողվել է փրկել փլատակների տակից։
Համացանցում կադրեր են տարածվել, ըստ որոնց ռուսական ուղղաթիռները հարվածներ են հասցնում Կիևին։
Իսկ CNN-ի թղթակիցը դեպքի վայրից հաղորդում է, ու ռուս դեսանտայիններն արդեն վերահսկողություն են հաստատել Կիևի օդանավակայանի վրա։ Ըստ թղթակցի՝ ուկրաինական ուժերը փորձում են հետ վերցնել օդանավակայանը։
Ռուսական կողմը հայտնում է, որ ուկրաինական բանակի զինվորականները զանգվածային կերպով լքում են զբաղեցրած դիրքերը։ Լուգանսկի ժողովրդական միլիցիան կադրեր է տարածել՝ համաձայն որոնց ուկրաինայի բանակի 57-րդ բրիգադի զինվորականները վայր են դրել զենքերը և հանձնվել։
Ռուսաստանի տարբեր քաղաքներում, այդ թվում՝ Մոսկվայում, Սանկտ, Պետերբուրգում, Եկատերինբուրգում ցույցեր են կազմակերպվել պատերազմը դադարեցնելու կոչով։ Հաղորդվում է տասնյակ ձերբակալվածների մասին։
В Екатеринбурге разогнали антивоенный митинг. pic.twitter.com/2x3TEV7JpD
— Большой Ух (@bolshoi_yx) February 24, 2022
Թբիլիսիում ևս բազմահազարանոց երթ է անցկացվում ի աջակցություն Ուկրաինայի։
23:59 16.07.2025
Համայնքային հողերն ազատվել են ինքնակամ կառուցված շինություններիցՀամայնքային զավթված հողերը քաղաքին վերադարձնելու գործընթացը Երևանում շարունակվում է: Այս մասին հայտնել են Երևանի քաղաքապետարանից: Կենտրոն վարչական շրջանում ապամոնտաժվել է Սբ. Գրիգոր Լուսավորիչ 12 հասցեին կից ինքնակամ շինությունը, Նոր Նորք վարչական շրջանում՝ Նորքի 9-րդ զանգվածի 43 շենքին կից ինքնակամ շինությունը, Աջափնյակ վարչական շրջանում՝ Նազարբեկյան 11/2 հասցեին կից ինքնակամ շինությունը, Շենգավիթ վարչական շրջանում՝ Արշակունյաց պողոտա 127 […] ...
23:58 16.07.2025
Թակարդ տեսախցիկն արձանագրել է արջի բնական վարքագիծը՝ խաղալու և շրջելու պահերըՀայաստանի վայրի բնությունը կրկին խոսում է իր լեզվով։ Թակարդ տեսախցիկն արձանագրել է արջի բնական վարքագիծը՝ խաղալու և շրջելու պահերը։ Այս մասին հայտնել են ՀՀ ՇՄՆ էկոպարեկային ծառայությունից: Այս յուրօրինակ կադրերը ոչ միայն ուրախ պահ են բնական միջավայրից, այլև կարևոր տեղեկատվություն՝ վայրի կենդանիների սովորությունների, տարածքների և կենսակերպի վերաբերյալ։ Էկոպարեկային ծառայությունը մշտապես հետևում է վայրի բնության կյանքի […] ...
23:57 16.07.2025
Հայտնի է՝ Թիկնիզյանի «Ցրվենա Զվեզդայի» մրցակիցը ՉԼ որակավորման երկրորդ փուլումՍերբիայի չեմպիոն «Ցրվենա Զվեզդան» Չեմպիոնների լիգայի որակավորման երկրորդ փուլում կմրցի Ջիբրալթարը ներկայացնող «Լինքոլն Ռեդ Իմպսի» հետ։ «Լինքոլն Ռեդ Իմպսը» որակավորման առաջին փուլում պայքարից դուրս է թողել Ֆարերյան կղզիների չեմպիոն «Վիկինգուրին»` հաղթելով ընդհանուր 4-2 հաշվով։ Հիշեցնենք, որ «Ցրվենա Զվեզդայի» կազմում է հանդես գալիս Հայաստանի ազգային հավաքականի պաշտպան Նաիր Թիկնիզյանը, ով հուլիսին էր Մոսկվայի «Լոկոմոտիվից» տեղափոխվել սերբական […] ...
23:55 16.07.2025
ՀՀ քաղաքների մթնոլորտային օդում փոշու պարունակությունը հուլիսի 6-12-ըՀիդրոօդերևութաբանության և մոնիթորինգի կենտրոնը ներկայացրել է ՀՀ քաղաքների մթնոլորտային օդում փոշու պարունակությունը հուլիսի 6-12-ը (2025թ․): Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ հուլիսի 12-ին, Վարդանանց փողոցի հարակից տարածք՝ չի գերազանցել, Հերացի փողոցի հարակից տարածք՝ չի գերազանցել։ Հրազդան քաղաքում՝ հուլիսի 7-ին, 11-ին և 12-ին, Գյումրի քաղաքում՝ հուլիսի 11-ին: ...
23:52 16.07.2025
Սյունիքի մարզում մոտ 25 տոննա մազութով բեռնված բեռնատարը մասամբ կախվել է Ողջի գետի վրա. մազութն ամբողջությամբ թափվում է գետըՀուլիսի 16-ին, խոշոր ավտովթար ու արտակարգ ու վտանգավոր իրավիճակ է ստեղծվել Սյունիքի մարզում։ Ժամը 22:00-ի սահմաններում իրանական համարանիշերով «Scania» մակնիշի՝ մոտ 25 տոննա մազութով բեռնված բեռնատարը Կապան-Քաջարան ավտոճանապարհին դեռևս անհայտ հանգամանքներում դուրս է եկել երթևեկելի գոտուց, բախվել բետոնե պաշտպանիչ պատնեշներին ու մասամբ կախվել Ողջի գետի վրա։ Ինչպես հայտնում է shamshyan.com-ը, ըստ նախնական տեղեկությունների կա տուժած, […] ...
23:50 16.07.2025
Վերահաստատել ենք շարունակել Բուլղարիայի հետ քաղաքական համագործակցությունը․ ԲՏԱ նախարարՀՀ ԲՏԱ նախարար Մխիթար Հայրապետյանը Ֆեյսբուքի իր էջում գրել է, որ Սոֆիա աշխատանքային այցի շրջանակներում երկկողմ հանդիպում է ունեցել Բուլղարիայի արտաքին գործերի նախարար Գեորգ Գեորգիևի հետ։ «Հանդիպման ընթացքում ընդգծվել են երկու երկրների ժողովուրդների միջև գոյություն ունեցող պատմական և մշակութային դարավոր կապերը, փոխադարձ հարգանքի և ընդհանուր արժեքների հիմքի վրա ձևավորված բարեկամական հարաբերությունները։ Վերահաստատել ենք քաղաքական, տնտեսական, […] ...
