18:41 15.03.2022
Գործարանային 2ա շենքի բնակիչ Արա Կիրակոսյանը մոտ 20 տարի առաջ է եկել այստեղ բնակվելու, երկրաշարժին կորցրած 2-սենյականոց բնակարանի դիմաց այս շենքում մեկ սենյակ են տվել ու հանել անօթևանների հերթացուցակից։ Շենքի հարթ տանիքն այլևս անպիտան է, տեղումների ու ձնհալի ժամանակ ներսում մնալ անհնար է։ Ձյան տեղումներ, ձնհալ թե անձրև՝ տան մեջ չոր տեղ չի մնում։ Գիշերվա ցրտից այսօր ջրերը սառել էին, ինչի հետևանքով շենքի միջանցքը սահադաշտի էր վերածվել։
Այս պայմանների պատճառով շենքում մնացել է ընդամենը 10 բնակիչ։ Կոմունալ, կենցաղային տարրական պայմանների մասին բնակիչներն արդեն ավելորդ են համարում խոսելը։ Սանհանգույց, ջուր, խոհանոց․ ոչինչ չունեն։ Այս բացակայություններին հարմարվել են, բայց ծածկ չունեցող հարթ տանիքից անարգել ներս լցվող ջրահոսքերի դեմ պայքարելու այլևս ուժ չունեն։ Արդեն թասերն ու մեծ տարաները չեն օգնում, առաստաղը պոլիէթիլենային թաղանթով են պատել, որ գոնե ջուրը հատակին չհասնի:
Թե ինչպես են մարդիկ հայտնվել այս շենքում, պատմությունները տարբեր են։ Եղել են մարդիկ, որոնց 2000-ականներին քաղաքապետարանն է ուղղորդել, իսկ ոմանք էլ, տնակներից կամ բնակարանը վաճառելով, հայտնվել են բնակության համար ոչ պիտանի գործարանային շենքերում։
«Էդ շենքերը բնակեցման ենթակա չեն, և ոչ ոք նրանց չի պարտադրել կամ խնդրել, որ գնան էնտեղ բնակվեն։ Ո՛չ պետությունը, ո՛չ համայնքը նման պարտավորություն չունի, որ բարենպաստ պայմաններ ստեղծի իրենց համար»,- բնակիչների բողոքներին ի պատասխան նշում է Գյումրիի գլխավոր ճարտարապետ Հենրիկ Գասպարյանը։
Երկվորյակ շենքերից մեկը, որտեղ ընդամենը մեկ բնակիչ է ապրում, քաղաքապետարանի հաշվեկշռում է, իսկ մյուսը՝ ոչ, համարվում է պետական սեփականություն։ Երկու շենքն էլ, սակայն, հայտնի են ձեռքից ձեռք անցնելու պատմություններով։ Շվեյցարահայ գործարար Վարդան Սրմաքեշից այն անցավ «Հայաստան» համահայկական հիմնադրամին, հետո կարճ ժամանակ անց նորից փոխանցվեց նույն գործարարին՝ «Ֆրանկ Մյուլլեր» ընկերությանը, ըստ գործարարի առաջարկի, այստեղ կառուցվելու է արհեստների կենտրոն, իսկ երբ, ինչ ժամկետներում, քանի տարի է հստակեցում չկա։
«Ներկա դրությամբ դեռևս ծրագիրը ուժի մեջ է, սակայն ժամանակի՝ շինարարության մեկնարկի, ծրագրի ավարտի մասին դեռևս ոչինչ չեմ կարող ասել»,- նշում է Գյումրիի գլխավոր ճարտարապետը։
Ներկայումս բնակիչներին հետաքրքրողը կամ մտահոգողը սեփականատերը կամ թե ինչ կկառուցվի հարցերը չեն։ Քաղաքապետարան են դիմում ծակ տանիքը թեկուզ մասնակի փակելու խնդրանքով։ Հենրիկ Գասպարյանի ասելով՝ շենքերը վթարային չեն, բայց ենթակա չեն բնակության։ Բայց փաստացի 10-ը բնակիչ է ապրում, որոնց բնակության կամ պայմանների բարելավման խնդիրը գլխավոր ճարտարապետը համարում է ոչ համայնքինը, այլ ներդրողինը։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
