14:18 07.04.2022
Գեղարքունիքի մարզի Մարտունի քաղաքում երկու օր առաջ սպանված գտնված Կամո Ալեքսանյանը, որը զբաղված էր շրջիկ դրամափոխությամբ, երեք երեխայի հայր էր. երեխաներից մեկն անչափահաս է։
Ինչպես «Արմենպրես»-ին տեղեկացրեց ՀՀ ոստիկանության Մարտունու բաժանմունքի պետ Ստյոպա Հակոբյանը, դեպքը տեղի է ունեցել 2022 թվականի ապրիլի 4-ի երեկոյան՝ ժամը 20-00-ի սահմաններում։ Ոստիկանության աշխատակիցների օպերատիվ աշխատանքի արդյունքում հանցագործությունը շատ արագ բացահայտվել է ապրիլի 5-ի ընթացքում։ «Թարմ հետքով ոստիկանություն բերման ենթարկվեց Մարտունի համայնքի Գեղհովիտ գյուղի բնակիչ, 1998 թվականին ծնված Հակոբ Ասատրյանը։ Փաստերի պնդման տակ նա տվեց ինքնախոստովանական ցուցմունք և պատմեց, որ Կամո Ալեքսանյանի հետ ապրիլի 4-ին Մարտունու մարզադաշտի շրջակայքում իրեն պատկանող ավտոմեքենայի մեջ վիճաբանել է պարտքերի շուրջ, ապա իր մոտ եղած դանակի բազմաթիվ հարվածներով մահվան է հասցրել նրան, հագից հանել զգեստները, հափշտակել 1 միլիոն 200 հազար դրամ գումար, որով տարել ու փակել է իր պարտքերը և մերկ դիակը գցել Մարտունու հանգստյան տանը մոտիկ մացառուտի մեջ, իսկ շորերը թաղել է Գեղհովիտ գյուղից դեպի Վայոց ձոր տանող ճանապարհի եզրում։ Գեղհովիտի տարածքում է թաքցրել նաև հանցագործության գործիք հանդիսացող դանակը։ Բոլոր իրեղեն ապացույցները մեր կողմից ձեռք են բերվել, տարվել է դատաբժշկական փորձաքննություն, հանցագործը կալանավորված է, ընթանում է նախաքննություն։ Փորձաքննության արդյունքներով՝ հանցագործը զոհի որովայնին և մարմնի տարբեր մասերին հասցրել է դանակի 17 հարված, այնուհետև դաժանությունը շարունակել է՝ անմարդկային վերաբերմունք դրսևորելով նաև դիակի հանդեպ։ Զարմանալին այն է, որ հանցագործը նախկինում չի դատվել, հանցավոր որևէ արարքով աչքի չի ընկել։ Ինչ վերաբերում է սպանվածին, ապա պետք է ասել, որ նա Մարտունիում օրինակելի ու հարգված, մարդամոտ անձնավորություն էր, երեք երեխայի հայր, որոնցից մեկն անչափահաս է։ Մարտունին ցնցված է այս դաժան դեպքից»,- ներկայացրեց Ստյոպա Հակոբյանը։
Ոստիկանության Մարտունու բաժանմունքի պետը նաև շեշտեց, որ նման բնույթի հանցագործությունները հաճախակի են տեղի ունենում, քանի որ առանց լիցենզիայի, թաքնված շրջիկ դրամափոխությամբ զբաղվող անձանց նկատմամբ կատարվող ոտնձգությունները դժվար է լինում կանխել աչքից հեռու տարածքներում գործունեություն ծավալելու պատճառով։ Ցավոք, նման դեպքերը հաճախ, բացի հափշտակությունից, ավարտվում են սպանությամբ։ «Մենք ամեն կերպ փորձում ենք բացառել մեր տարածքում դրամափոխների ապօրինի ու թաքնված գործունեությունը, կիրառում ենք վարչական տույժեր, քրեական գործեր ենք հարուցում, որպեսզի արմատախիլ անենք նման երևույթները։ Սա շատ կարևոր է նաև այն տեսանկյունից, որ թաքնված շրջիկ դրամափոխությամբ զբաղված անձինք արդեն չեն հայտնվի հանցագործների ուշադրության կենտրոնում կամ թիրախում։ Փառք ու պատիվ մեր աշխատակիցներին, որ կարողացան ժամերի ընթացքում բացահայտել հանցագործությունը, գտնել դիակը, հանցագործին և իրեղեն ապացույցները»,- նշեց Ստյոպա Հակոբյանը։
23:21 17.07.2025
Լեհաստանի հավաքականը նոր գլխավոր մարզիչ ունի
23:21 17.07.2025
Լեհաստանի հավաքականը նոր գլխավոր մարզիչ ունիՅան Ուրբանը նշանակվել է Լեհաստանի ազգային հավաքականի գլխավոր մարզիչ։ Այս մասին հայտնում է ԼՖՄ պաշտոնական կայքը։ Կողմերի կնքած պայմանագրի մանրամասները չեն հաղորդվում։ 63-ամյա մասնագետը պաշտոնում փոխարինել է Միխալ Պրոբեժին։ Ուրբանը նախկինում մարզել է լեհական «Գուռնիկ Զաբժեն», Վրոցլավի «Շլյոնսկը», «Լեխը», Վարշավայի «Լեգիան», իսպանական «Օսասունան» և այլ ակումբներ։ ...
23:17 17.07.2025
ՀՀ ԱԳ նախարարի տեղակալի հանդիպումը «Կլինգենդայլ» ինստիտուտի տնօրեն Ռոն Թոնի հետՀուլիսի 17-ին Հաագայում Հայաստանի Հանրապետության ԱԳ նախարարի տեղակալ Ռոբերտ Աբիսողոմոնյանը հանդիպել է «Կլինգենդայլ» միջազգային հարաբերությունների ինստիտուտի տնօրեն Ռոն Թոնի հետ: Այս մասին հայտնել են ԱԳՆ-ից: Կողմերը գոհունակությամբ արձանագրել են Հայաստանի Հանրապետության և «Կլինգենդայլ» միջազգային հարաբերությունների ինստիտուտի միջև ձևավորված երկարամյա արդյունավետ փոխգործակցությունը: ԱԳ նախարարի տեղակալը կարևորել է կարողությունների զարգացման և փորձագիտական աջակցության հարցում Ինստիտուտի կողմից Հայաստանին […] ...
23:11 17.07.2025
Մաստարա գյուղի բնակիչը կանեփ էր աճեցնում․ հայտնաբերվել է կանեփի 151 բույսՀամայնքային ոստիկանության Թալինի բաժնի ծառայողներն օպերատիվ տեղեկություններ էին ստացել, որ Մաստարա գյուղի բնակիչ 61-ամյա տղամարդը պահում և օգտագործում է մարիխուանա, իսկ այգում աճեցնում է կանեփ։ Այս մասին հայտնել են ՀՀ ՆԳՆ ոստիկանությունից: Հուլիսի 14-ին 61-ամյա տղամարդը Մաստարա գյուղի արոտավայրերից մեկում հայտնաբերվել, ձերբակալվել և տեղափոխվել է բաժին։ Նրա անձնական խուզարկությամբ հայտնաբերվել է մարիխուանայի նմանվող 3 գրամից […] ...
23:03 17.07.2025
Ռոբերտ Աբիսողոմոնյանի հանդիպումը Անհայտ կորած անձանց հարցերով միջազգային հանձնաժողովի գլխավոր տնօրեն Քեթրին Բոմբերգերի հետՀուլիսի 17-ին Հաագայում Հայաստանի Հանրապետության ԱԳ նախարարի տեղակալ Ռոբերտ Աբիսողոմոնյանը հանդիպել է Անհայտ կորած անձանց հարցերով միջազգային հանձնաժողովի (ICMP) գլխավոր տնօրեն Քեթրին Բոմբերգերի հետ: Այս մասին հայտնել են ԱԳՆ-ից: Հանդիպմանը մտքեր են փոխանակվել Հայաստանի և Անհայտ կորած անձանց հարցերով միջազգային հանձնաժողովի միջև համագործակցության ընդլայնման հեռանկարների վերաբերյալ, մասնավորապես՝ Հայաստանում համապատասխան լաբորատորիաների տեխնիկական վերազինման և կարողությունների զարգացման […] ...
22:58 17.07.2025
ՊՍԺ-ն պատրաստ է երկարաձգել պայմանագիրը Դոնարումայի հետ մեկ պայմանովՖրանսիական ՊՍԺ-ն շարունակում է բանակցությունները թիմի հիմնական դարպասապահ Ջանլուիջի Դոնարումայի հետ պայմանագրի երկարաձգման շուրջ: Այս մասին հայտնում է ինսայդեր Նիկոլո Սկիրան։ Աղբյուրի տեղեկություններով՝ փարիզյան ակումբն առաջարկել է իտալացի դարպասապահին երկարաձգել գործող պայմանագիրը՝ նվազեցնելով աշխատավարձը։ 26-ամյա Դոնարումայի ներկայիս պայմանագիրը նախատեսված է մինչև 2026 թվականի ամառը: Այդ պայմանագրով նա վաստակում է տարեկան 12 միլիոն եվրո։ Կողմերը դեռ […] ...
22:53 17.07.2025
ՀՀ ԱԳ նախարարի տեղակալը հանդիպել է Նիդերլանդների ԱԳ նախարարության գլխավոր տնօրենի հետՀուլիսի 17-ին Հաագայում Հայաստանի Հանրապետության ԱԳ նախարարի տեղակալ Ռոբերտ Աբիսողոմոնյանը հանդիպել է Նիդերլանդների Թագավորության ԱԳ նախարարության գլխավոր տնօրեն Մարսել դե Վինկի հետ: Այս մասին հայտնել են ԱԳՆ-ից: Հանդիպմանն անդրադարձ է կատարվել Հայաստանի և Նիդերլանդների միջև ինչպես երկկողմ, այնպես էլ բազմակողմ ձևաչափերում համագործակցությանը վերաբերող հարցերին: Կողմերը գոհունակությամբ նշել են Հայաստանի և Նիդերլանդների հարաբերություններում առկա դրական դինամիկան՝ […] ...
