Հայաստանի ազգային կինոկենտրոնը պետության աջակցությամբ վերակառուցվել և հիմնովին նորոգվել է – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
28 03 2024
  • $
    394.46
  • RUBLE
    4.27
  • 425.62
WEATHER
+11.09 oC

Հայաստանի ազգային կինոկենտրոնը պետության աջակցությամբ վերակառուցվել և հիմնովին նորոգվել է

19:03 08.04.2022

Երևանի կենտրոնում` Տերյան 3ա հասցեում, 1928-1929 թթ․կառուցված պատմական շենքում բացվել է «Հայաստանի ազգային կինոկենտրոնի» վերակառուցված և հիմնանորոգված գրասենյակը, տեղեկացնում են ՀՀ ԿԳՄՍ նախարարությունից:

2006 թվականից վարձակալված տարբեր տարածքներում գործող Հայաստանի ազգային կինոկենտրոնը վերադարձել է մշտական գործունեության տարածք` ապահովված նոր միջավայրով և աշխատանքային պատշաճ պայմաններով: Շինարարական և նորոգման աշխատանքներն իրականացվել են պետական ֆինանսավորմամբ:

Բացման հանդիսավոր արարողությանը ներկա են եղել ՀՀ վարչապետի աշխատակազմի ղեկավար Արայիկ Հարությունյանը, կրթության, գիտության, մշակույթի և սպորտի նախարար Վահրամ Դումանյանը, նախարարի տեղակալ Արա Խզմալյանը, մշակույթի ականավոր և վաստակաշատ գործիչներ, կինոյի մասնագետներ:

Վարչապետի աշխատակազմի ղեկավար Արայիկ Հարությունյանը շնորհավորել է կենտրոնի բացման կապակցությամբ` նշելով, որ Հայաստանի ազգային կինոկենտրոնի շենքի վերակառուցումն իրականացվել է երկու տարվա ընթացքում:

«Զարգացում ապահովելու համար ենթակառուցվածքների ստեղծումը կարևոր պայման է, բայց ավելի կարևոր պայման է բովանդակության ստեղծումը: Մենք լիահույս ենք, որ նման կենտրոնի ստեղծմամբ կարողանալու ենք ավելի արդյունավետ համագործակցել միջազգային գործընկերների հետ` ստեղծելով նոր կապեր և զարգացման հնարավորություններ` ի նպաստ հայկական կինոյի զարգացման»,- նշել է Արայիկ Հարությունյանը:

ԿԳՄՍ նախարարի տեղակալ Արա Խզմալյանը նոր կենտրոնի բացումը համարել է ձեռքբերում` ընդգծելով, որ ամենալայն միջազգային հարաբերություններ ձևավորող արվեստի ճյուղը` կինոն, այլևս ունի այդ հարաբերություններին վայել և հարիր միջավայր:

«Վերջին երկու-երեք տարիներին մշակութային կազմակերպություններում պետության կողմից իրականացվող աննախադեպ կապիտալ ներդրումները պետական վերաբերմունքի հստակ դրսևորում են և ամբողջացնում են մշակութային քաղաքականությունը: Մինչև տարեվերջ մենք առիթներ ենք ունենալու ներկա գտնվելու նմանօրինակ այլ միջոցառումների և շնորհավորելու միմյանց` պետական հատկացումների շնորհիվ նոր, ավելի քաղաքակիրթ իրականություն թևակոխելու համար: Մեր ցանկությունն է, որ կինոժառանգության թվայնացման, կինոյի միջազգայնացման և, ամենակարևորը, կինոկրթության ուղղությամբ Հայաստանի ազգային կինոկենտրոնն իր լուրջ դերակատարումն ունենա»,- նշել է Ա. Խզմալյանը:

Բացման հանդիսավոր արարողությունից հետո հյուրերը շրջել են Հայաստանի ազգային կինոկենտրոնի տարածքում, ծանոթացել պայմաններին, կատարված աշխատանքներին:

Լրագրողների հետ զրույցում ԿԳՄՍ նախարար Վահրամ Դումանյանը նշել է, որ Հայաստանի ազգային կինոկենտրոնն ապահովվել է նոր միջավայրով, որը կարևոր է կինոյի ոլորտի արտադրանքի հանրահռչակման և ըստ արժանվույն ներկայացման համար:

«Մեր կինոգործիչներն առաջ են քաշում բազմաթիվ հարցեր` կապված տարբեր խնդիրների, մասնավորապես կինոժառանգության թվայնացման հետ: Մենք հավատում ենք, որ այս հրաշալի, նոր և տրամադրող միջավայրն անպայման նպաստելու է կինոարտադրության նորովի զարգացմանը: Մենք մոտենում ենք հայկական կինոյի 100-ամյակին, որը պետք է դիմավորենք արժանապատիվ` առաջին հերթին լուծելով առաջնային կարևոր խնդիրները»,- նշել է Վահրամ Դումանյանը:

Հայաստանի ազգային կինոկենտրոնի տնօրեն Շուշանիկ Միրզախանյանը, ներկայացնելով կատարված աշխատանքները, նշել է, որ նախկին «Հայֆիլմ» կինոստուդիան «Հայաստանի ազգային կինոկենտրոն» վերանվանվելուց հետո` 2006 թվականից ի վեր, իրենք գործունեություն են ծավալել վարձակալած տարածքներում:

«Այսօր վերջապես մենք վերադարձել ենք մեր տուն: Դեռևս 1920-ական թվականների վերջին այստեղ կառուցվել է փակ կինոտաղավար, որը խորհրդային տարիներին երրորդն էր իր մեծությամբ: Հետագայում, երբ տարածքում կառուցվեց բնակելի շենք, մեզ այստեղից հատկացվեց փոքր տարածք, որտեղ երկար տարիներ չկային ներդրումներ, և մենք չունեինք պայմաններ: Այժմ մենք վերջապես ունենք աշխատանքային պայմաններ»,- փաստել է Շ. Միրզախանյանը` կատարված աշխատանքի համար շնորհակալություն հայտնելով Կառավարությանը և ԿԳՄՍ նախարարությանը:

Նշենք, որ ՀՀ կառավարության մի շարք որոշումներով գումար է հատկացվել կինոկենտրոնի 147․6 քմ մակերեսով տարածքի նախագծահաշվարկային, վերականգնման, վերակառուցման և կահավորման աշխատանքների համար։

ՀՀ կառավարության աջակցությամբ ընդհանուր առմամբ 2019-2021 թթ. «Հայաստանի ազգային կինոկենտրոն» ՊՈԱԿ-ի գրասենյակի հիմնանորոգման աշխատանքների իրականացման համար տրամադրվել է 126958.8 հազ. ՀՀ դրամ:

2022 թ․ հունվարի 1-ից արդեն Հայաստանի ազգային կինոկենտրոնն իր գործունեությունը շարունակում է նոր ու հիմնական՝ Տերյան 3ա հասցեում։

 

Բոլոր լուրերը

Կապակցված լուրեր

Հանձնաժողովը քննարկել է Կառավարության ծրագրի 2023 թ. աշխատանքների կատարման վերաբերյալ զեկույցը

19:49 28.03.2024

Հանձնաժողովը քննարկել է Կառավարության ծրագրի 2023 թ. աշխատանքների կատարման վերաբերյալ զեկույցը

ԱԺ մարդու իրավունքների պաշտպանության եւ հանրային հարցերի մշտական հանձնաժողովը մարտի 28-ի արտահերթ նիստում քննարկել ու ի գիտություն է ընդունել ՀՀ կառավարության ծրագրի (2021-2026 թթ.) 2023 թվականի կատարման ընթացքի եւ արդյունքների մասին զեկույցը: Կրթության, գիտության, մշակույթի, սպորտի եւ երիտասարդության ոլորտներում իրականացված ծրագրերը ներկայացրել է ԿԳՄՍ նախարար Ժաննա Անդրեասյանը: Ընդգծելով, որ ՀՀ կրթության` մինչեւ 2030 թվականը զարգացման […] ...

Տուգանքի 50 տոկոսը վճարելու դեպքում պարտավորությունը կհամարվի կատարված

19:45 28.03.2024

Տուգանքի 50 տոկոսը վճարելու դեպքում պարտավորությունը կհամարվի կատարված

ՆԳՆ կողմից իրականացված օրենսդրական բարեփոխումների արդյունքում՝ մինչև ապրիլի 5-ը կատարված իրավախախտումների շրջանակում գոյացած պարտավորությունների մասով ապրիլի 5-ից սկսած՝ 3 ամսվա ընթացքում քաղաքացին կարող է մարել ամբողջ պարտավորությունը բոնուսային համակարգով: Եթե մինչև ապրիլի 5-ը կատարված իրավախախտման վերաբերյալ ունեք պարտավորություն, բայց այն չի գտնվում հարկադիր կատարման ծառայությունում, ապա դրա 50 տոկոսը վճարելու դեպքում պարտավորությունը կհամարվի ամբողջությամբ կատարված: […] ...

ԱԺ պատգամավորները կգործուղվեն Բեռլին

19:33 28.03.2024

ԱԺ պատգամավորները կգործուղվեն Բեռլին

ԵԱՀԿ խորհրդարանական վեհաժողովում Հայաստանի ազգային ժողովի պատվիրակության ղեկավար, ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը, պատվիրակության անդամ, ԱԺ պատգամավոր Մարիա Կարապետյանը կգործուղվեն Գերմանիայի Դաշնային Հանրապետություն: Պատգամավորները Բեռլին կգործուղվեն 18-21-ը: ...

Թումանյան փողոցում ծառի ճյուղը թեքվել և ընկել էր էլեկտրական լարերի վրա

19:22 28.03.2024

Թումանյան փողոցում ծառի ճյուղը թեքվել և ընկել էր էլեկտրական լարերի վրա

Մարտի 28-ին՝ ժամը 10:48-ին, Ճգնաժամային կառավարման ազգային կենտրոն ահազանգ է ստացվել, որ Երևանի Թումանյան փողոցում ծառի ճյուղը թեքվել և ընկել է էլեկտրական լարերի վրա, առկա է ընկնելու վտանգ․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Փրկարարները մասնատել են ծառի ճյուղը և […] ...

ՀՀ կառավարության ուղարկած մարդասիրական օգնությունը հասել է Եգիպտոս

19:14 28.03.2024

ՀՀ կառավարության ուղարկած մարդասիրական օգնությունը հասել է Եգիպտոս

Հայաստանի Հանրապետության կողմից Գազայի բնակչությանն ուղղված ավելի քան 30 տոննա կշռող մարդասիրական օգնությունը տեղափոխող ինքնաթիռը մարտի 28-ին վայրէջք է կատարել Եգիպտոսի ալ-Արիշ քաղաքի ռազմական օդանավակայանում։ Այս մասին տեղեկացնում են Եգիպտոսում Հայաստանի դեսպանությունից: Եգիպտոսում ՀՀ դեսպան Հրաչյա Փոլադյանը օդանավակայանում դիմավորել է ուղեբեռը և օդանավի անձնակազմի հետ միասին այն հանձնել Եգիպտոսի Կարմիր մահիկ ընկերությանը, որի համակարգմամբ մեկ-երկու […] ...

Ավագ հինգշաբթին Մայր Աթոռ Սուրբ Էջմիածնում

19:00 28.03.2024

Ավագ հինգշաբթին Մայր Աթոռ Սուրբ Էջմիածնում

Մարտի 28-ին՝ Ավագ հինգշաբթի, Հայաստանյայց Առաքելական Սուրբ Եկեղեցին հիշատակեց մեր Տեր և Փրկիչ Հիսուս Քրիստոսի Վերջին ընթրիքը և Սուրբ Հաղորդության խորհրդի հաստատումը: Այս առիթով առավոտյան Մայր Աթոռ Սուրբ Էջմիածնի Սուրբ Հովհաննես Մկրտիչ-Սուրբ Վարդան մատուռ-մկրտարանում կատարվեց Ապաշխարողաց կարգ: Այնուհետև Մայր Աթոռի միաբանությունը, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ, Սուրբ Գայանե վանքում մասնակցեց […] ...

BACK_TO_TOP