Մի խումբ հետախուզվողներ են հայտնաբերվել

Հունիսի 7-ին Երևան-Սևան-Դիլիջան ճանապարհին հայտնաբերվել և ոստիկանության Դիլիջանի բաժին բերման է ենթարկվել Իշխան Ս.-ն, որը հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:

Ոստիկանության Արտաշատի, Արարատի և Վայքի բաժինների ծառայողների համատեղ ձեռնարկած օպերատիվ-հետախուզական միջոցառումների արդյունքում հունիսի 7-ին «Զվարթնոց» օդանավակայանում հայտնաբերվել և ոստիկանության Արտաշատի բաժին բերման է ենթարկվել 32-ամյա Սասուն Ա.-ն, որը մայիսի 4-ից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) մեղադրանքով:
Նա ներկայացվել է վարույթն իրականացնող մարմնին:
Խափանման միջոցը՝ ստորագրություն:
Ոստիկանության Աշտարակի բաժնի ՔՀԲ ծառայողների ձեռնարկած օպերատիվ-հետախուզական միջոցառումների արդյունքում հունիսի 7-ին Ներսես Աշտարակեցու հրապարակից բերման է ենթարկվել Վալերիկ Պ.-ն, որը հետախուզվում էր ՀՀ քրեական օրենսգրքի 242-րդ հոդվածի (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը) մեղադրանքով:
Նա ներկայացվել է վարույթն իրականացնող մարմնին:
Խափանման միջոցը՝ ստորագրություն:
Ոստիկանության Էրեբունու բաժնի ՔՀԲ ծառայողների բացատրական աշխատանքի շնորհիվ հունիսի 7-ին բաժին է ներկայացել 30-ամյա Ալեքսան Հ.-ն, որը հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Նա ներկայացվել է նախաքննական մարմնին:
Խափանման միջոցը՝ ստորագրություն:

Ոստիկանության ՔՈԳՎ և Շենգավիթի բաժնի քրեական հետախույզների համատեղ ձեռնարկած օպերատիվ-հետախուզական միջոցառումների շնորհիվ հունիսի 7-ին Րաֆֆու փողոցից բերման է ենթարկվել 54-ամյա Հայկազ Ա.-ն, որը 2021 թ. սեպտեմբերի 3-ից հետախուզվում էր ՀՀ քրեական օրենսգրքի 38-267.1-րդ (Թմրամիջոցների, հոգեմետ (հոգեներգործուն) նյութերի և (կամ) դրանց պրեկուրսորների մաքսանենգությանը հանցակցելը) և 34-266-րդ (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու փորձը) հոդվածների մեղադրանքով:
Խափանման միջոցը՝ կալանք:
Ոստիկանության Մաշտոցի բաժնի քրեական հետախույզների և ԱՎՎ անձնագրային բաժանմունքի ծառայողների ձեռնարկած միջոցառումների շնորհիվ հունիսի 7-ին անձնագրային բաժանմունքից Մաշտոցի բաժին բերման է ենթարկվել 50-ամյա Արման Մ.-ն, որը 2020 թ. հուլիսի 15-ից հետախուզվում էր ԱՄՆ իրավապահ մարմինների կողմից:
Խափանման միջոցը՝ կալանք:
Ոստիկանության Կենտրոնական բաժնի ՔՀԲ ծառայողները հունիսի 7-ին Գարեգին Նժդեհի փողոցի և Արշակունյաց պողոտայի խաչմերուկում հայտնաբերել և բաժին բերման են ենթարկել 29-ամյա Շավարշ Հ.-ին, որը հետախուզվում էր ՀՀ քրեական օրենսգրքի 178-րդ հոդվածի (Խարդախությունը) մեղադրանքով:
Խափանման միջոցը՝ ստորագրություն:
Ոստիկանության Մարաշի բաժանմունքի քրեական հետախույզները հունիսի 7-ին Քաջազնունու փողոցից բերման են ենթարկել 43-ամյա Գագիկ Բ.-ին, որը ապրիլի 25-ից ՌԴ իրավապահ մարմինների կողմից հետախուզվում էր ապօրինի միգրացիայի մեղադրանքով:
Առանց խափանման միջոցի: