11:52 18.10.2022
Կյանքից հեռացել է ատոմային էներգետիկայի բնագավառում աշխարհում ամենահայտնի գիտնականներից մեկը, խորհրդային և ռուսական ատոմային ռազմածովային նավատորմի հիմնադիրներից մեկը՝ Ռուսաստանի գիտությունների ակադեմիայի ակադեմիկոս Աշոտ Սարկիսովը: Նա 98 տարեկան էր։
Ինչպես հաղորդել է ՌԳԱ ատոմային էներգետիկայի անվտանգ զարգացման խնդիրների ինստիտուտի ներկայացուցիչը, գիտնականի մահվան պատճառ են դարձել սրտի հետ կապված խնդիրները:
Ակադեմիկոս Սարկիսովի կատարած տեսական և փորձարարական ուսումնասիրությունները հնարավորություն են տվել ստեղծել ջերմաէլեկտրական գեներատոր, որը ներկառուցվել է միջուկային ռեակտորի ակտիվ գոտում։ Դա էներգիայի սկզբունքորեն նոր լուռ աղբյուր էր:
Նրա աշխատանքների արդյունքները նաև թույլ են տվել ձևակերպել միջուկային ռեակտորի դինամիկ տեսությունը, ինչն իր հերթին թույլ է տվել մշակել նավերի վրա միջուկային էներգետիկական տեղակայանքների ավտոմատ վթարային պաշտպանության ստեղծման տեղեկատվական-վիճակագրական մոդելներն ու մեթոդաբանությունը: Այս մեթոդներն օգտագործվել են խորհրդային և ռուսական միջուկային սառցահատների մի քանի սերունդների, ինչպես նաև լողացող ատոմակայանների նախագծման ժամանակ։
Տարբեր տարիներին Սարկիսովը եղել է Սևաստոպոլի բարձրագույն ռազմածովային ինժեներական ուսումնարանի տնօրեն, աշխատել է Ռուսաստանի գիտությունների ակադեմիայի ատոմային էներգետիկայի անվտանգ զարգացման խնդիրների ինստիտուտում:
Ակադեմիկոս Սարկիսովի ընկերներն ու գործընկերները նրա մահը համարել են անդառնալի կորուստ համաշխարհային և ռուսական գիտական հանրության համար։
21:55 27.06.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 30-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Թումանյան փ. 30, 32, 34 շենքեր, Թումանյան փ. 21 շենք և հարակից ոչ բնակիչ-բաժանորդներ, Տերյան փ. 42 շենք և հարակից ոչ բնակիչ-բաժանորդներ, Աբովյան փ. 5, 7 շենքեր, Սայաթ-Նովայի պող. […] ...
21:50 27.06.2025
Վահե Գևորգյանը՝ «Ալաշկերտի» գլխավոր մարզիչՎահե Գևորգյանը նշանակվել է «Ալաշկերտի» գլխավոր մարզիչ, հայտնում է երևանյան ակումբի մամուլի ծառայությունը: ««Ալաշկերտն» իր նոր էջը սկսում է Վահե Գևորգյանի գլխավորությամբ»,- նշված է հայտարարության մեջ: 37-ամյա մասնագետը մինչև այս գլխավորել է Վայքի «Նորավանքը», Չարենցավանի «Վանը»: «Ալաշկերտի» գլխավոր մարզչի պաշտոնում նա եղել է նաև 2023 թվականի դեկտեմբերից մինչև 2024 թվականի հունիսը։ 2021/22 մրցաշրջանում «Նորավանքը» նրա […] ...
21:43 27.06.2025
Պուտինը ավարտել է իր այցը ԲելառուսՌուսաստանի նախագահ Վլադիմիր Պուտինն ավարտել է իր այցը Բելառուս, հաղորդում է Կրեմլի մամուլի ծառայությունը։ «Ռուսաստանի նախագահի այցը Բելառուս ավարտվեց», – ասվում է Կրեմլի Telegram ալիքում։ Պուտինը երկօրյա այցով գտնվում էր Մինսկում։ Պետության ղեկավարը հինգշաբթի օրը ելույթ ունեցավ Եվրասիական տնտեսական ֆորումի լիագումար նիստում։ ...
21:37 27.06.2025
Շրջանառվող պնդումները, թե «Քրեակատարողական հիմնարկներում ընդամենը 100 ազատ տեղ է մնացել», չեն համապատասխանում իրականությանը․ ՀՀ ԱՆՀՀ արդարադատության նախարարությունը հաղորդագրություն է տարածել, որտեղ ասվում է․ «Տեղեկացնում ենք, որ սոցիալական ցանցերում և զանգվածային լրատվամիջոցներում շրջանառվող պնդումները, թե «Քրեակատարողական հիմնարկներում ընդամենը 100 ազատ տեղ է մնացել», չեն համապատասխանում իրականությանը։ Նման հարցադրում Նախարարությունը չի ստացել, և այն հանդիսանում է ակնհայտ կեղծիք։ Հորդորում ենք զերծ մնալ կեղծ և չհաստատված տեղեկություններ տարածելուց»: ...
21:30 27.06.2025
Թրամփը հայտարարել է, որ չի տատանվի կրկին հարձակվել Իրանի վրաԱՄՆ նախագահ Դոնալդ Թրամփը հայտարարել է, որ չի տատանվի կրկին հարձակվել Իրանի վրա, եթե հետախուզական տեղեկությունները ցույց տան, որ այն ուրան է հարստացնում։ «Իհարկե, առանց որևէ հարցի», – Սպիտակ տանը լրագրողներին ասել է Թրամփը՝ ի պատասխան հարցի։ ...
