17:12 19.10.2022
«Դպրոցական սնունդ» ծրագրի գործընկերները՝ Հայաստանում ՄԱԿ-ի Պարենի համաշխարհային ծրագիրը (ՊՀԾ), Ռուսաստանի Դաշնության Ճյուղային սննդի ինստիտուտը (SIFI) և ԿԶՆԱԿ հիմնադրամի «Դպրոցական սնունդ և երեխաների բարեկեցություն» հիմնարկը, Արմավիր մարզի Մեծամորի թիվ 1 հիմնական դպրոցի տարրական դասարանների 93 աշակերտների հետ այսօր հավաքվել էին՝ նշելու Պարենի համաշխարհային օրը։
Պարենի համաշխարհային օրվա հիմնական նպատակն է բարձրացնել բնակչության իրազեկվածությունն աշխարհում առկա պարենային խնդրի վերաբերյալ։ Այն ևս մեկ առիթ է՝ անդրադառնալու, թե ինչ է արվում համամարդկային խնդրից՝ սովից, թերսնումից և աղքատությունից ազատվելու համար: Այս տարվա միջոցառման հիմնական նպատակն ուղղված է շրջակա միջավայրի, սնուցման ու պարենի արտադրության բարելավմանը, ինչպես նաև ագրոպարենային համակարգերի վերափոխմանն ու հետագա զարգացմանը:
Ամեն տարի ՀՀ դպրոցների տարրական դասարանների աշակերտները մասնակցում են առողջ սննդի հետ կապված թեմատիկ միջոցառումների, որոնք կազմակերպում են «Դպրոցական սնունդ» ծրագրի գործընկերները։
Պարենի համաշխարհային օրը մեծամորցի դպրոցականները տոնել են՝ մասնակցելով ինտերակտիվ թատերական ներկայացմանը, քվեստ խաղին և վարպետության դասին՝ ձեռք բերելով առողջ սնունդ ընտրելու հմտություններ, բույսերի աճի վերաբերյալ գիտելիքներ, ինչպես նաև տեղեկանալով, թե ինչպես իրենց ամենօրյա ընտրությունն ու քայլերը կարող են օգնել ավելի բարեկեցիկ ու կայուն ապագա կառուցել բոլորի համար:
Ներկայացման ընթացքում երեխաները հանդիպել են «Խոհանոցավանի պատմությունները»՝ առողջ սննդի հեքիաթային քաղաքի հերոսներին, ապա վերջիններիս հետ մասնակցել քվեստ խաղին, որի ընթացքում մասնակիցները ծանոթացել են բույսեր աճեցնելու հիմնական կանոններին:
Խաղից հետո վարպետության դասի մասնակիցները ձեռք են բերել միկրոկանաչիներ աճեցնելու գործնական հմտություններ։
10:26 28.06.2025
Միքայել արքեպիսկոպոս Աջապահյանը կկալանավորվի երկու ամսովԵրևանի ընդհանուր իրավասության քրեական դատարանը (Ավան նստավայր)` դատավոր Մասիս Մելքոնյանի գլխավորությամբ, բավարարեց Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի կալանքի միջնորդությունը։ Աջապահյանը կկալանավորվի երկու ամսով։ ...
10:15 28.06.2025
Միքայել Աջապահյանի նկատմամբ քրեական հետապնդում հարուցելու հիմքերից մեկը 2025 թվականի հունիսի 21-ին իշխանությունը զավթելուն ուղղված հրապարակային կոչն էՄիքայել (Գևորգ) Արտաշեսի Աջապահյանի նկատմամբ 2025 թվականի հունիսի 26-ին կայացված՝ հանրային քրեական հետապնդում հարուցելու մասին որոշման հիմք է հանդիսացել 2025 թվականի հունիսի 21-ին, զանգվածային լրատվության միջոցների ներկայացուցիչներին տրված հարցազրույցների ընթացքում իշխանությունը զավթելուն ուղղված հրապարակային կոչեր հնչեցնելը, որտեղ նա վերահաստատել է 2024 թվականի փետրվարի 3-ին տրված հարցազրույցում հնչեցրած՝ հեղաշրջում կատարելու և իշխանությունը ՀՀ Սահմանադրությամբ չնախատեսված եղանակներով՝ բարձրաստիճան […] ...
09:34 28.06.2025
Երկրաշարժ Սպիտակ քաղաքից 8 կմ հյուսիսՀունիսի 28-ին` տեղական ժամանակով ժամը 01:40-ին (Գրինվիչի ժամանակով` հունիսի 27-ին ժամը 21։40-ին), ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.90⁰ և արևելյան երկայնության 44․28⁰ աշխարհագրական կոորդինատներով Հայաստան՝ Սպիտակ քաղաքից 8 կմ հյուսիս, օջախի 10 կմ խորությամբ 2․9 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 4 բալ: Երկրաշարժը […] ...
21:55 27.06.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 30-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Թումանյան փ. 30, 32, 34 շենքեր, Թումանյան փ. 21 շենք և հարակից ոչ բնակիչ-բաժանորդներ, Տերյան փ. 42 շենք և հարակից ոչ բնակիչ-բաժանորդներ, Աբովյան փ. 5, 7 շենքեր, Սայաթ-Նովայի պող. […] ...
21:50 27.06.2025
Վահե Գևորգյանը՝ «Ալաշկերտի» գլխավոր մարզիչՎահե Գևորգյանը նշանակվել է «Ալաշկերտի» գլխավոր մարզիչ, հայտնում է երևանյան ակումբի մամուլի ծառայությունը: ««Ալաշկերտն» իր նոր էջը սկսում է Վահե Գևորգյանի գլխավորությամբ»,- նշված է հայտարարության մեջ: 37-ամյա մասնագետը մինչև այս գլխավորել է Վայքի «Նորավանքը», Չարենցավանի «Վանը»: «Ալաշկերտի» գլխավոր մարզչի պաշտոնում նա եղել է նաև 2023 թվականի դեկտեմբերից մինչև 2024 թվականի հունիսը։ 2021/22 մրցաշրջանում «Նորավանքը» նրա […] ...
