Օրական 10 հազար կիլոկալորիայով սնվող ամերիկացի տղամարդը նիհարել է և դարձել բոդիբիլդեր

ԱՄՆ Միչիգան ​​քաղաքի բնակիչը, ով օրական սնվել է 10 հազար կիլոկալորիայով, բացահայտել է իր նիհարելու գաղտնիքը և խորհուրդներ տվել նիհարել ցանկացողներին։ Պատմությունն այն մասին, թե ինչպես է գեր տղամարդը դարձել բոդիբիլդեր, հրապարակում է Daily Mail-ը։

31-ամյա Դեյվիդ Ռոդենն ասում է, որ մեծացել է սիրառատ ընտանիքում, բայց չնայած տանը լավ մթնոլորտին, նա անառողջ հարաբերություններ է զարգացրել սննդի հետ: Դեռահաս տարիքում Ռոդենը շատ վիդեոխաղեր էր խաղում և միաժամանակ շատ կալորիականությամբ և յուղոտ սնունդ էր ուտում։

Ամերիկացին ամեն օր ուտում էր 15 չափաբաժին գետնանուշի կարագ՝ որպես խորտիկ և չէր մերժում որևէ հյուրասիրություն: Ժամանակի ընթացքում նա սկսեց կշռել մոտ 180 կիլոգրամ, ինչը բացասաբար է ազդել նրա առողջության վրա՝ Ռոդենի մոտ ախտորոշվել է նախադիաբետ և հիպերտոնիա։

Բացի առողջական խնդիրներից, Դավիթը տառապում էր ցածր ինքնագնահատականով։ Ավելորդ քաշի պատճառով հասակակիցների կողմից բռնության է ենթարկվել, իսկ աղջիկները մերժել են նրան ու հրաժարվել ժամադրվելուց։ Ինչ-որ պահի Ռոդենը հոգնել է դրանից և վճռականորեն որոշել է փոխել իր կյանքը: Նա սկսել է նոր առողջ սովորություններ մտցնել,  գրքեր կարդալ և լսել իր իրական ցանկությունները։

Նա որոշել է նիհարել շաբաթական մեկ կիլոգրամով և գովել իրեն միջանկյալ արդյունքների հասնելու համար։ Նա առողջ նախուտեստներ էր պատրաստում։ Միաժամանակ, շաբաթը երկու անգամ իրեն թույլ էր տալիս ընկերների շրջապատում համեղ ուտել։

Սկզբում Ռոդենը կարդիո վարժություններ էր անում՝ ճարպերն այրելու համար։ Երբ քաշը իջնում է, սկսում է հետաքրքրվել փաուերլիֆթինգով։ Նիհարել ցանկացողներին նա խորհուրդ է տալիս կենտրոնանալ ոչ թե դիետաների, այլ ապրելակերպի փոփոխության վրա։

«Դուք պետք է հասկանաք, որ դուք փոխվում եք ձեր մնացած կյանքի համար», – զգուշացրել է նա:

Դեյվիդը խորհուրդ է տվել կենտրոնանալ կալորիականության դեֆիցիտի վրա, ավելացնել սպիտակուցի ընդունումը և ընտրել ճիշտ սպորտաձևը, որից չեք խորշում: Նա եզրափակել է՝ առաջարկելով տոնել անգամ ամենափոքր ձեռքբերումները։