19:20 16.08.2018
Գյումրիի ավագանու որոշմամբ քաղաքում հանրային օգտագործման ավտոկայանատեղիներն անվճար են, իսկ իրականում վճարովի: Այս հակասական իրավիճակը շտկել չի հաջողվում արդեն քանի տարի: Այսօր քաղաքապետարանում հանրային քննարկում էր կազմակերպվել, բայց ոչ թե անօրինական գումար վերցնողների գործողությունները կանխելու, այլ կայանատեղիները օրինական կերպով վճարովի դարձնելու համար։ Նման առաջարկություն է արել իսրայելական ընկերությունը, որը պատրաստակամ է ներդրումներ անել Գյումրիում ավտոկայանատեղիները սպասարկելու համար, դրանք վճարովի դարձնելու դիմաց:
Բայց հանրային քննարկմանը իսրայելական ընկերության պատասխանատուները չէին ներկայացել, իսկ միակ ներկայացուցիչն էլ ներկաների հարցերին պատասխանելու լիազորություն չուներ և միայն գրի էր առնում դիտարկումները։
Ըստ ներկայացված նախագծի՝ առաջարկվում է կայանատեղիները կապույտ և կարմիր գծանշումներով գոտևորել, ապա սահմանել վարձավճար՝ մեկ ժամի համար՝ 100, մեկ օրվա համար՝ 300, մեկ ամսվա համար՝ 1500 և մեկ տարվա համար՝ 7500 դրամ։
Վճարումները լինելու են պիտակներով, որոնք վարորդները պետք է ձեռք բերեն կրպակներից կամ սմարթֆոնների հատուկ հավելվածների միջոցով։
Առաջարկվում է վճարովի դարձնել հիմնականում քաղաքի ամենաբանուկ փողոցները՝ կենտրոնական հրապարակը, շուկային հարակից տարածքները, օդանավակայանի ու 58 թաղամասի ավտոկայանատեղիները։
Հանդիպմանը ներկա ավագանու միակ անդամ Լևոն Բարսեղյանը նշել է, որ ներկայացված առաջարկությունը լուրջ ուսումնասիրության ու քննարկման կարիք ունի: Կան հարցեր, որոնց պատասխանները պետք է հստակեցվեն ընկերության պատասխանատուների հետ։ Ըստ Լևոն Բարսեղյանի՝ այս նախագիծը հանրության դժգոհությունն է առաջացնելու և չի ընդունվելու։
Հանրային հաջորդ լսումը անցկացվելու է հնգօրյա ժամկետում, որին կհրավիրվեն նաև վարորդները, որոնք էլ համարվում են ներկայացված 160 հազար եվրո արժողությամբ ծրագրի հիմնական շահառուները։
13:14 10.08.2025
Գեղարքունիքի մարզում բախվել են «Chevrolet»-ն ու «ՎԱԶ 2112»-ը. կա վիրավորՕգոստոսի 10-ին, ավտովթար է տեղի ունեցել Գեղարքունիքի մարզում: Ժամը 08:30-ի սահմաններում Սևան-Մարտունի-Գետափ ավտոճանապարհի 58 կմ հատվածում բախվել են Գեղարքունիքի մարզի բնակիչներ 47-ամյա Հովիկ Ս.-ի վարած «Chevrolet» մակնիշի և 56-ամյա Աշոտ Պ.-ի վարած «ՎԱԶ 2112» մակնիշի ավտոմեքենաները: Ինչպես հայտնում է shamshyan.com-ը, վթարի հետևանքով Աշոտ Պ.-ն մարմնական վնասվածքներով տեղափոխվել է «Մարտունի» բժշկական կենտրոն: Վթարի մասին ՊԾ Գեղարքունիքի […] ...
13:02 10.08.2025
9-ամյա հայ տղան նվաճել է Արարատը (լուսանկարներ)9-ամյա հայ տղան նվաճել է Արարատը, և այս պահին համարվում է ամենաերիտասարդ հայ լեռնագնացը, ով բարձրացել է բիբլիական լեռը: Այս մասին նշվում է «4 Գագաթ» մանկապատանեկան լեռնային ակումբի (4 Peaks Alpine Club) Ֆեյսբուքի հրապարակման մեջ: Մեկ այլ գրառման մեջ նշվում է, որ վերելքը տեղի է ունեցել այս տարվա օգոստոսի 1-ին և ընդհանուր առմամբ տևել է […] ...
12:49 10.08.2025
Մարզերում մշակութային կյանքի աշխուժացումը մեր կարևոր անելիքներից է. ԿԳՄՍ նախարարՄարզերում մշակութային կյանքի աշխուժացումը մեր կարևոր անելիքներից է։ Այս մասին Ֆեյսբուքի իր էջում գրել է ԿԳՄՍ նախարար Ժաննա Անդրեասյանը։ «Օպերային թատրոնը իր նոր թատերաշրջանի մեկնարկը կտա Ստեփանավանում, օգոստոսի 28-ին և 29-ին։ Սոս Սարգսյանի անվան մշակույթի պալատի բակում կներկայացվեն Արամ Խաչատրյանի «Դիմակահանդես» բալետը և Արմեն Տիգրանյանի «Անուշ» օպերան։ Հուսով եմ՝ մեր բազմաթիվ քաղաքացիներ կօգտվեն այս հնարավորությունից […] ...
12:37 10.08.2025
ԵՄ-ն պատրաստ է շարունակել Ուկրաինային ռազմական և տնտեսական օգնություն ցուցաբերելըՈւկրաինայում առկա շփման գիծը պետք է դառնա տարածքների վերաբերյալ բանակցությունների մեկնարկային կետը։ Այս մասին ասվում է Ֆրանսիայի, Իտալիայի, Մեծ Բրիտանիայի, Ֆինլանդիայի, Գերմանիայի և Լեհաստանի առաջնորդների և Եվրահանձնաժողովի ղեկավարի համատեղ հռչակագրի մեջ։ «Մենք շարունակում ենք հավատարիմ մնալ միջազգային սահմանների ուժի կիրառմամբ փոփոխության անթույլատրելիության սկզբունքին։ Ներկայիս շփման գիծը պետք է դառնա բանակցությունների մեկնարկային կետը», – ասվում է […] ...
12:24 10.08.2025
Լոռու մարզի մի շարք հասցեներում փորձարկվելու են էլեկտրական շչակներՕգոստոսի 11-ին, ժամը 10:00-ից մինչև 17:00-ն ընկած ժամանակահատվածում, Լոռու մարզի Ստեփանավան քաղաքի և Գյուլագարակ համայնքի Կուրթան բնակավայրի մի շարք հասցեներում փորձարկվելու են էլեկտրական շչակներ: Այս մասին հայտնել են ՆԳՆ Փրկարար ծառայությունից: ...
12:15 10.08.2025
Երևանում 25-ամյա վարորդը «Ford Fusion»-ով վրաերթի է ենթարկել հետիոտնին. վերջինը տեղափոխվել է հիվանդանոցՕգոստոսի 10-ին, վրաերթ է տեղի ունեցել Երևանում: Ժամը 09:20-ի սահմաններում Երևանի բնակիչ 25-ամյա Էդգար Մ.-ն իր վարած «Ford Fusion» մակնիշի ավոմեքենայով Շինարարներ-Արզումանյան փողոցների խաչմերուկում վրաերթի է ենթարկել հետիոտն, Երևանի բնակիչ 27-ամյա Արամ Մ.-ին: Ինչպես հայտնում է shamshyan.com-ը, վարորդը փախուստի չի դիմել: Վրաերթի ենթարկվածը մարմնական վնասվածքներով տեղափոխվել է «Արմենիա» բժշկական կենտրոն: Վրաերթի մասին ՊԾ Երևան քաղաքի […] ...
