18:00 03.01.2023
ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն այսօր ընդունել է պրոֆեսիոնալ բռնցքամարտի WBA վարկածով աշխարհի չեմպիոն, ֆրանսահայ Արսեն Գուլամիրյանին, տեղեկացնում են ԿԳՄՍ նախարարությունից:
ԿԳՄՍ նախարարի տեղակալը ողջունել է Ֆրանսիան ներկայացնող հայազգի բռնցքամարտիկի այցը հայրենիք, շնորհակալություն հայտնել նրան կատարած աշխատանքի և հայի անունը մշտապես բարձր պահելու համար.
«Ուրախ եմ, որ Հայաստանում եք: Ուզում եմ իմանաք, որ Հայաստանն իսկապես հպարտ է Ձեզնով և գնահատում է Ձեր անցած ճանապարհը: Շնորհակալություն հայ ազգի պատիվը բարձր պահելու համար:
2022 թվականին սպորտն ամենամեծ հաջողություններ գրանցած ասպարեզներից է Հայաստանում: Այս տարի մենք ռեկորդային՝ 307 մեդալ ենք ունեցել: Ինձ համար կարևոր է այն, որ պետության գնահատանքին և ուշադրությանն արժանանան ոչ միայն Հայաստանը ներկայացնող հայ մարզիկները, այլև այլ երկրների դրոշների ներքո հանդես եկող, բայց հայի անունը մշտապես բարձր պահող հայազգի մարզիկները»:
Արսեն Գուլամիրյանը շնորհակալություն է հայտնել ընդունելության համար՝ ընդգծելով, որ յուրաքանչյուր հաղթանակից հետո հայրենիք այցելելն իր համար մեծ հպարտություն է.
«Այս գնահատանքն իսկապես շատ կարևոր է ինձ համար: Հայ ժողովրդի սերն ու ուշադրությունն ինձ մեծ ուժ են տալիս: Ես դա մշտապես զգում եմ: Հուսով եմ՝ այս տարի ևս երկու տիտղոս կպաշտպանեմ ու Ֆրանսիայի դրոշին զուգահեռ կբարձրացնեմ նաև Հայաստանի դրոշը՝ որպես հայ»:
Հայազգի բռնցքամարտիկը պրոֆեսիոնալ ռինգում անցկացրել է 27 մենամարտ ու տարել նույնքան հաղթանակ, որոնցից 19-ը՝ նոկաուտով: Վերջին մենամարտն անցկացրել է 2022 թվականի նոյեմբերի 19-ին՝ պաշտպանելով WBA վարկածով առաջին ծանր քաշային կարգում աշխարհի չեմպիոնի տիտղոսը: Ֆրանսիայի Կան քաղաքում կայացած մենամարտում Գուլամիրյանը մրցավարների միաձայն որոշմամբ հաղթել է ռուս Ալեքսեյ Եգորովին՝ 116-112, 116-112, 117-111 հաշիվներով։
«Երկու տարուց ավելի որևէ մենամարտ չէի անցկացրել, ու թե՛ ֆիզիկապես, թե՛ հոգեբանորեն դժվար էր: Շատ սպասված օր էր: Լավ էի պատրաստվել ու կարողացա հաջողության հասնել: Սրտանց ուզում էի մենամարտել: Իմ կարիերայի ընթացքում դա, իսկապես, շատ լուրջ մենամարտ էր՝ ուժեղ մրցակցի դեմ»,- ասում է Արսեն Գուլամիրյանը:
Հայազգի բռնցքամարտիկն իր հաջորդ մենամարտը կանցկացնի մարտի 25-ին և կփորձի պաշտպանել WBA վարկածով աշխարհի սուպերչեմպիոնի տիտղոսը:
21:30 27.06.2025
Թրամփը հայտարարել է, որ չի տատանվի կրկին հարձակվել Իրանի վրաԱՄՆ նախագահ Դոնալդ Թրամփը հայտարարել է, որ չի տատանվի կրկին հարձակվել Իրանի վրա, եթե հետախուզական տեղեկությունները ցույց տան, որ այն ուրան է հարստացնում։ «Իհարկե, առանց որևէ հարցի», – Սպիտակ տանը լրագրողներին ասել է Թրամփը՝ ի պատասխան հարցի։ ...
21:18 27.06.2025
Հայաստանի մարմնամարզության հավաքականը թիմային պայքարում երկրորդն է․ Yerevan OpenԿայացել է սպորտային մարմնամարզության ամենամյա Yerevan Open մրցաշարը: Հայաստանի երիտասարդական հավաքականը թիմային պայքարում գրավել է երկրորդ տեղը, իսկ հաղթող է դարձել Ռուսաստանի հավաքականը: Հայաստանի թիմից նժույգ թափերում ոսկե մեդալ է նվաճել Արման Ղուկասյանը, արծաթե մեդալ` Արսեն Ղազարյանը, հենացատկում բրոնզե մեդալակիր է դարձել Ռոմիկ Մելքոնյանը, զուգափայտի վրա արծաթե մեդալ է նվաճել Մարատ Հովհաննիսյանը: ...
21:10 27.06.2025
ԱՄՆ-ն և Չինաստանը համաձայնության են եկել առևտրային հարաբերությունների զարգացման հարցումՄիացյալ Նահանգները և Չինաստանը համաձայնության են եկել առևտրային հարաբերությունները զարգացնելու վերաբերյալ, սակայն համաձայնագիրը ուժի մեջ կմտնի միայն ավելի ուշ, ուրբաթ օրը հայտարարել է ԱՄՆ նախագահ Դոնալդ Թրամփը։ «Մենք համաձայնագիր ունենք Չինաստանի հետ։ Կիրառումը կսկսվի մի փոքր ավելի ուշ», – լրագրողներին ասել է Թրամփը՝ հավելելով, որ առևտրային տարաձայնությունները կարգավորելու համար մի շարք այլ երկրների հետ նույնպես […] ...
21:00 27.06.2025
Երևանի Սայաթ-Նովայի անվան երաժշտական դպրոցում անցկացվել են վիետնամցի անվանի դաշնակահար Լու Դուկ Անի վարպետության դասերըԵրևանի Սայաթ-Նովայի անվան երաժշտական դպրոցում անցկացվել են վիետնամցի անվանի դաշնակահար Լու Դուկ Անի վարպետության դասերը՝ «Վարպետության դաս. մեկնարկ» կրթամշակութային ծրագրի շրջանակում։ Ծրագիրն իրականացվում է ԿԳՄՍ նախարարության աջակցությամբ և «Հարմոնիում» ՀԿ-ի նախաձեռնությամբ (գեղարվեստական ղեկավար՝ ՀՀ վաստակավոր արտիստ, պրոֆեսոր Արմեն Բաբախանյան), այս մասին հայտնում են ԿԳՄՍՆ-ից։ «Վարպետության դասերին մասնակցել են տարբեր երաժշտական դպրոցների պատանի դաշնակահարներ։ Ծրագրի մասին […] ...
20:48 27.06.2025
Մխիթարյանը ասել է, թե ինչով է զբաղվում ազատ ժամանակ«Ինտերի» կիսապաշտպան Հենրիխ Մխիթարյանը La Repubblica-ի հետ զրույցում խոսել է իր ժամանցի մասին։ 36-ամյա ֆուտբոլիստը նշել է, որ խաղադաշտից դուրս սիրում է շախմատ խաղալ, հատկապես թիմակից Ստեֆան դե Վրեյի հետ։ «Մենք տախտակ չունենք, բայց ես օնլայն խաղում եմ Դե Վրեյի հետ»,- ասել է Մխիթարյանը։ Հարցազրույցում Մխիթարյանը հայտնել է, որ իր սիրելի բառը «դրականն» է․ «Երջանիկ […] ...
20:40 27.06.2025
Իրանի արտգործնախարարը անիմաստ է համարում Գրոսիի ցանկությունը՝ այցելել իրանական միջուկային օբյեկտներԻրանի արտաքին գործերի նախարար Աբբաս Արաղչին ասել է, որ Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսիի պնդումը՝ այցելել վնասված իրանական միջուկային օբյեկտներ, անիմաստ է և կարող է չարամիտ լինել։ «Ռաֆայել Գրոսիի՝ անվտանգության երաշխիքների պատրվակով ռմբակոծված վայրեր այցելելու պնդումն անիմաստ է և, հնարավոր է, նույնիսկ չարամիտ։ Իրանը իրավունք է վերապահում ձեռնարկել ցանկացած միջոց՝ իր […] ...
