17:50 03.05.2023
Լեռնային Ղարաբաղ և հարակից տարածքներ հայ փախստականների վերադարձի իրավունքը մինչև օրս իրացված չէ, թեև դա արձանագրված է նոյեմբերի 9-ի եռակողմ հայտարարությունում: «Արմենպրես»-ի փոխանցմամբ՝ այս մասին ասել է ՀՀ վարչապետ Նիկոլ Փաշինյանը ԱԺ-ում կառավարության հետ հարցուպատասխանին:
ՔՊ խմբակցության պատգամավոր Վիլեն Գաբրիելյանը նշել է, որ օրերս փախստականների իրավունքների բարձրաձայնմամբ զբաղվող ՀԿ-ների կողմից կազմակերպվել է համաժողով՝ «Ադբեջանական ագրեսիայի հին և նոր փախստականները» խորագրով, որի արդյունքում ընդունվել է հռչակագիր, որով բարձաձայնվում են հարյուր հազարավոր հայ փախստականների իրավունքները: Դրանում ընդգծվել է փախստականների՝ կամավոր վերադարձի իրավունքը: Պատգամավորը հետաքրքրվել է, թե ՀՀ-ն մարդկանց ոտնահարված իրավունքների մասով պատրաստվո՞ւմ է որևէ ինստիտուցիոնալ մոտեցում ցուցաբերել, որ այդ մարդկանց իրավունքները բարձաձայնվեն միջազգային ատյաններում:
Վարչապետն ասել է, որ այդ հռչակագրի բովանդակությանը ծանոթացել է, բարձրացրած հարցերի ճնշող մեծամասնությունը լեգիտիմ է:
«Մեր կառավարությունը փախստականների իրավունքների պաշտպանության հարցում նաև որոշակի լուրջ որոշումներ է կայացրել: 2019-ին մենք Ադրբեջանից փախստական դարձած քաղաքացիների բնակարանային ապահովման ծրագիր իրականացրեցինք: Բայց, որ ընդհանուր առմամբ կան ինստիտուցիոնալ խնդիրներ, ես համաձայն եմ»,-ասել է Փաշինյանը:
Նա առաջարկել է աշխատանքային քննարկմամբ մանրամասն քննարկել այդ հարցը, որպեսզի հասկանալի լինի, թե ակնկալիքները կառավարությունից ինչպիսին են:
«Այո, մենք գիտենք, որ այդ խնդիրը կա: Հայաստանում կան Բաքվի, Սումգայիթի ջարդերի հետևանքով փախստական դարձած, Ադրբեջանի տարածքում տեղի ունեցած այլ գործողությունների հետևանքով փախստական դարձած մարդիկ, ԼՂ-ից և շրջակա տարածքներից փախստականների խնդիրը կա, որն արձանագրված է նաև նոյեմբերի 9-ի եռակողմ հայտարարության մեջ: Տեղյակ եմ, որ համաժողովում ներկայացված են եղել նաև նախիջևանահայության ներկայացուցիչները: Հարցը բավականին ծավալուն է, նաև լրացուցիչ ուսումնասիրության կարիք ունի»,-ասել է վարչապետը:
Փաշինյանը հիշեցրել է, որ նոյեմբերի 9-ի եռակողմ հայտարարությունում արձանագրված է ԼՂ և հարակից տարածքներ փախստականների վերադարձի իրավունքը՝ ՄԱԿ-ի փախստականների հարցերով գլխավոր հանձնակատարի հովանու ներքո:
«Բայց մենք նաև տեսնում ենք, որ մեր հայրենակիցների այդ իրավունքը մինչև օրս իրացված չէ, որը թղթի վրա արձանագրված է: Ավելին՝ տեսնում ենք, որ հայաթափված որոշ գյուղեր Ադրբեջանի կողմից բնակեցվում են ադրբեջանցիներով: Ըստ էության, այդ տարածքների հայ բնակչության ունեզրկման գործընթաց է տեղի ունենում, ինչը պետք է վերլուծվի»,-ասել է վարչապետը:
11:50 16.05.2025
Reuters-ը հայտնել է, թե ով կներկայացնի ԱՄՆ-ն Ստամբուլի բանակցություններումԱՄՆ Պետդեպարտամենտի բարձրաստիճան պաշտոնյա Մայքլ Էնթոնը կներկայացնի Միացյալ Նահանգները Ստամբուլում ռուսական պատվիրակության հետ բանակցություններում, հաղորդում է Reuters-ը։ «Քաղաքականության պլանավորման հարցերով տնօրեն Մայքլ Էնթոնը ուրբաթ օրը Ստամբուլում կներկայացնի Միացյալ Նահանգները՝ ռուսական պատվիրակության հետ բանակցություններ վարելիս», – ասվում է գործակալության հայտարարության մեջ։ ...
11:40 16.05.2025
AFP. Ռուբիոն ժամանել է ՍտամբուլԱՄՆ պետքարտուղար Մարկո Ռուբիոն ժամանել է Ստամբուլ, որտեղ այսօր նախատեսված են Ռուսաստանի և Ուկրաինայի միջև բանակցությունները, ինչպես նաև ԱՄՆ-ի, Թուրքիայի և Ուկրաինայի միջև եռակողմ հանդիպումը։ Այս մասին հայտնել է Agence France-Presse-ը։ Մայիսի 15-ին Ռուբիոն այցելել է Անթալիա՝ մասնակցելու ՆԱՏՕ-ի արտաքին գործերի նախարարների ոչ պաշտոնական հանդիպմանը։ ...
11:30 16.05.2025
Մեսսին շնորհավորել է «Բարսելոնային»«Ոսկե գնդակի» 8-ակի դափնեկիր, «Բարսելոնայի» լեգենդ, թիմի նախկին հարձակվող Լիոնել Մեսսին շնորհավորել է կատալոնական ակումբին Իսպանիայի չեմպիոնի տիտղոսը նվաճելու կապակցությամբ: «Շնորհավորանքներ»,- գրել է նա Ինստագրամի Stories բաժնում: «Բարսելոնան» Լա լիգայի 2024/25 մրցաշրջանի ավարտից երկու տուր առաջ անհասանելի է դարձել մոտակա հետապնդող «Ռեալի» համար: Կատալոնական ակումբը երկրի չեմպիոն է հռչակվել 28-րդ անգամ: Նույնքան անգամ էլ «Բարսելոնան» […] ...
11:19 16.05.2025
Կոռուպցիայի մեջ ներգրավված ցանկացած մեկը կպատժվի օրենքի ողջ խստությամբ. Արթուր ՀովհաննիսյանԵթե որևէ մեկը ներգրավված կլինի որևէ կոռուպցիոն գործարքի մեջ, պատժվելու է օրենքի ողջ խստությամբ, եթե հատկապես լինի «Քաղաքացիական պայմանագիր» կուսակցության թիմից: «Արմենպրես»-ի հաղորդմամբ՝ այս մասին խորհրդարանական ճեպազրույցում վստահեցրեց «Քաղաքացիական պայմանագիր» խմբակցության քարտուղար Արթուր Հովհաննիսյանը: Անդրադառնալով Էջմիածնի քաղաքապետի պաշտոնից Դիանա Գասպարյանի հրաժարականի պատճառներին ու կոռուպցիայի մեջ հնարավոր ներգրավվածության վերաբերյալ հարցին՝ Հովհաննիսյանը նախ նշեց, որ Գասպարյանի իր […] ...
11:05 16.05.2025
Օպերատիվ իրավիճակը հանրապետությունում մայիսի 15-16-ըԲացահայտվել է 136 հանցագործություն, որոնցից 4-ը՝ նախկինում կատարված: Մասնավորապես՝ 38 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 14 դեպք՝ թմրանյութի հայտնաբերման, 12 դեպք՝ խարդախության, 11 դեպք՝ ֆիզիկական ներգործության, 8 դեպք՝ մարմնական վնասվածք պատճառելու, 7 դեպք՝ պաշտոնեական կեղծիքի կամ անփութության, 5-ական դեպք՝ անձնական ունեցվածքի […] ...
10:52 16.05.2025
«Բարսելոնան» դարձավ Իսպանիայի չեմպիոն«Բարսելոնան» 28-րդ անգամ դարձավ Իսպանիայի չեմպիոն, նախորդ անգամ տիտղոսը ակումբը նվաճել էր 2022/2023 մրցաշրջանում: Լա լիգայի 36-րդ տուրում Հանս-Դիտեր Ֆլիկի գլխավորած թիմը հյուրընկալվելիս կատալոնական դերբիում 2-0 հաշվով հաղթել է «Էսպանյոլին»: Գեղեցիկ գոլ է խփել և կիսապաշտպան Ֆերմին Լոպեսին գոլային փոխանցում կատարել իսպանացի 17-ամյա Լամին Յամալը: «Բարսելոնան» առաջնության ավարտից երկու տուր առաջ 85 միավորով անհասանելի է […] ...
