19:30 21.06.2023
«Հորիզոն» լրատվականը հեռավար զրուցել է Արցախի Հանրապետության պետական նախարարի խորհրդական Արտակ Բեգլարյանի հետ: Անդրադարձ է եղել վերջին օրերին իրավիճակի կտրուկ սրացումների պատճառներին: Նախարարի խորհրդականը անդրադարձել է նաև ստեղծված իրավիճակով պայմանավորված կառավարության սահմանած նոր խստացումներին, Արցախի Մարդու իրավունքների պաշտպանի հրապարակած զեկույցներին, Սարսանգի ջրամբարի ներկայիս վիճակին:
Արտակ Բեգլարյանը պատասխանել է նաև հարցին, թե ի՞նչ է սպասվում և ինչպես է այս ամենին դիմակայում սովորական արցախցին:
«Այո, Արցախում վճռականությունը կա, դիմադրողականության ոգին կա: Տարբեր իրավիճակներում տրամադրությունների փոփոխություն բնականաբար տեղի է ունենում, բայց ամենակարևորն այն է, որ արցախցին հասկանում է, որ Արցախի ապագան առաջնահերթորեն կախված է իրենից և Արցախում ապրելուց: Այդ պատճառով մենք պատրաստ ենք այդ զրկանքներին դիմակայել, մենք պատրաստ ենք երկարաժամկետ պայքարի: Մեր ակնկալիքը հիմնականում այն է, որ ամբողջ հայությունը մեր կողքին կանգնած լինի և մենք հասկանանք, գիտակցենք, տեսնենք, որ միայնակ չենք, անտեսված չենք նույնիսկ մեր հայրենակիցներից: Մնացածն ավելի հաղթահարելի է, և ես համոզված եմ, որ ժամանակի ընթացքում մենք կկարողանանք մեր վճռականության շնորհիվ, մեր դիմադրողականության շնորհիվ ավելի լուրջ հաջողություններ ունենալ Արցախի հայկական ու անվտանգ ապագայի ապահովման գործում»,-ասել է Արտակ Բեգլարյանը:
Հարցազրույցն ամբողջությամբ՝ տեսանյութում:
12:55 15.05.2025
Եղանակը՝ առաջիկա օրերինՄայիսի 15-ի ցերեկը հանրապետության առանձին վայրերում և Երևանում սպասվում են ամպրոպային բնույթի հորդառատ անձրևներ, կարկուտ, ամպրոպների ժամանակ քամու ուժգնացում 18-23մ/վ։ Երևանում մայիսի 15-ի ցերեկը, 16-ի գիշերը ժամանակ առ ժամանակ սպասվում է անձրև և ամպրոպ, 15-ի ցերեկն առանձին հատվածներում հորդառատ։ Ամպրոպի ժամանակ սպասվում է նաև քամու ուժգնացում 15-18 մ/վ արագությամբ: Մայիսի 16-ի ցերեկը, 17-20-ին սպասվում է […] ...
12:44 15.05.2025
ԵՊՀ-ականները՝ մեկ հարթակում. մեկնարկել է ԵՊՀ շրջանավարտների ֆորումըԵրևանի պետական համալսարանում առաջին անգամ անցկացվում է ԵՊՀ շրջանավարտների ֆորում, որի նպատակը համալսարանական համայնքի համար հաղորդակցման և համագործակցության հարթակի ստեղծումն է։ ԵՊՀ տարբեր տարիների շրջանավարտները հնարավորություն կունենան քննարկելու արդիական խնդիրներ, ներկայացնելու իրենց մասնագիտական փորձն ու ձեռքբերումները, անդրադառնալու Հայաստանի, տարածաշրջանի և համաշխարհային մակարդակով տարբեր ոլորտներում առկա հնարավորություններին ու մարտահրավերներին: Բացմանը ողջույնի խոսքով հանդես են եկել ՀՀ […] ...
12:32 15.05.2025
Արտաշավանցի տղամարդու տանը ատրճանակ և փամփուշտներ են հայտնաբերվելՀամայնքային ոստիկանության Աշտարակի բաժնի ծառայողները տեղեկություններ էին ստացել, որ Արտաշավան գյուղի 31-ամյա բնակիչը տանը և օժանդակ շինություններում ապօրինի պահում է ատրճանակ և ռազմամթերք: Նախաձեռնվել է քրեական վարույթ: Արտաշավանցու տան խուզարկությամբ հայտնաբերվել են թմբուկավոր ատրճանակ, ինքնաձիգի պահեստատուփեր և տարբեր տրամաչափի 172 փամփուշտ։ Նախաքննությամբ հանգամանքները պարզվում են։ ...
12:19 15.05.2025
Կաշառք ստանալու և տալու մեղադրանքներով 11 ձերբակալվածներից մեկը Շենգավիթ վարչական շրջանի աշխատակից էՀակակոռուպցիոն կոմիտեում քննվող վարույթի շրջանակում կաշառք ստանալու և տալու մեղադրանքներով ձերբակալվել է 11 անձ: Այս մասին տեղեկացրել է Երևանի քաղաքապետի խոսնակ Հայկ Կոստանյանը՝ Ֆեյսբուքի իր էջում կատարած գրառման միջոցով: Գրառման մեջ ընդգծվում է, որ այս պահին նրանցից միայն մեկն է Շենգավիթ վարչական շրջանի ներկայիս աշխատակից։ ...
12:05 15.05.2025
Քննարկվել են ԿԳՄՍ ոլորտներում Եթովպիայի հետ համագործակցության հնարավորություններըՄեկնարկել է ԿԳՄՍ նախարարի տեղակալ Արթուր Մարտիրոսյանի գլխավորած պատվիրակության այցը Եթովպիայի Դաշնային Ժողովրդավարական Հանրապետություն։ Այցի շրջանակում պատվիրակությունը նախ հանդիպել է Եթովպիայի կրթության նախարար, պրոֆեսոր Բերհանու Նեգայի հետ։ Արթուր Մարտիրոսյանը Եթովպիայի կրթության նախարարին է փոխանցել ԿԳՄՍ նախարար Ժաննա Անդրեասյանի ողջույնները և հրավերը՝ այցելելու Հայաստան։ Հանդիպման ընթացքում Բերհանու Նեգան նշել է, որ Հայաստանի և Եթովպիայի միջև հարաբերությունները […] ...
