Գյումրիում Տեխնո կրթական ակադեմիան IT դարաշրջան է խոստանում

Մասնագետներ իրենց ու այլ կազմակերպությունների համար։ Այս գաղափարախոսությամբ Գյումրիում բացվեց «Տեխնո կրթական ակադեմիան»։ Սա պահանջարկից ծնված առաջարկ է, ընկերության ներկայացուցիչների խոսքով ՏՏ ոլորտում առկա աշխատատեղերը թափուր են մնում, քանի որ չկան համապատասխան կադրեր, այդ իսկ պատճառով հիմնելով կրթական ակադեմիան կլրացվի իրենց կադրային բացը։ Կրթական հաստատության առաքելությունը` որակյալ մասնագետների պատրաստումն է լինելու:

Տեխնո կրթական ակադեմիայում ուսանողներին կդասավանդեն հանրապետությունում ճանաչված ու առաջատար մասնագետները:

«Դասավանդել կսկսեն վեբ ծրագրավորումից»,- նշում է «Տեխնո կրթական ակադեմիայի» տնօրեն Կարեն Նիկողոսյանը։

«Ընդլայնվելու ենք mobile, hardware և ծրագրավորաման այլ ուղություններով ևս, ծրագրավորման մեջ շատ կարևոր դեր ունի project management-ը, թե ընդունեն պրոեկտը, ինչպե՞ս ճիշտ կառավարեն և կարողանան հաճախորդին տան սպասվածից լավ արդյունք, սա ևս մեզ մոտ կարող են սովորել»,- նշեց Կարեն Նիկողոսյանը։

Լավագույն շրջանավարտներն աշխատանքով կապահովվեն: Գործող մյուս ՏՏ ընկերությունների նկատմամբ ունեցած առավելություններից մեկն այն է, որ «Տեխնո կրթական ակադեմիան» պատրաստում է կադրեր՝ որոնք մրցունակ կլինեն ոլորտում և աշխատանք կգտնեն նաև այլ ընկերություններում։ Դասընթացները կմեկնարկեն մայիս ամսից։ Ընկերությունը կարևորելով որակը, մի քանի տասնյակ դիմորդներից ընդունել է միայն 12-ին, ստուգվել է նրանց մաթեմատիկական գիտելիքներն ու մտածողությունը։ Ակադմեիան կարող է մինչև 40 ուսանող ունենալ, առարկայացանկն ու ուսուցման մեթոդաբանությունը կատարված է միջազգային ձևաչափով։

«Դասընթացների ընթացքում՝ ամեն ամսվա վերջում, ունենք նաև պլանավորած թեստեր, որ ստուգենք ուսանողները արդյո՞ք հասել են համապատասխան մակարդակի, սա նաև դասընթացների ավարտին ցուցիչ կլինի հասկանալու համար տվյալ ուսանող կարո՞ղ է անցնել աշխատանքի, թե ոչ»,- նշեց ընկերության տնօրեն Կարեն Նիկողոսյանը։

Մասնագետների վստահեցմամբ Գյումրիում ծրագրավորողները չեն քայլում ժամանակին համընթաց, իսկ սովորած ծրագրերն էլ հին են։

«Մեզ մոտ երկու տարի տրամադրում ենք՝ սովորում լեզու, որը երկու տարի հետո արդեն կիրառությունից դուրս է գալիս, դրա համար մենք շեշտը դնում ենք նորարարական տեխնոլոգիաների կիրառման ու ուսուցման վրա, այսպես Գյումրիում ՏՏ ոլորտի կադրային բացը կկարողանանք լրացնել»,-նշում է ընկերության տնօրեն Կարեն Նիկողոսյանը։

«Տեխնո կրթական ակադեմիայի» բացումը քաղաքում նոր IT կրթական շունչ ու երիտասարդ մասնագետների բազա կբերի, նպաստելով հայրաքաղաքում նորորարության գաղափարախոսությանն ու կիրառմանը։ Ակադմիայի շնորհիվ ոչ միայն կնվազի գործազրկության թիվը, այլև կբարձրանա կթական որակը։ Հավելենք, որ 2017 թվականի տվյալներով ՏՏ-ն Հայաստանում այն եզակի ոլորտն է, որտեղ ոչ թե մասնագետն է աշխատանք փնտրում, այլ գործատուն մասնագետ։ Դասընթացների և ընթացիկ ու սպասվող ծրագրեիր մասին է պատմում նաև ընկերության պաշտոնական կայքը` www.g-tea.am -ը։