11:37 29.08.2018
ԱԺ «Ելք» խմբակցության անդամ Էդմոն Մարուքյանը խորհրդարանի օգոստոսի 29-ի արտահերթ նիստում հանդես եկավ հայտարարությամբ: Նա հայտնեց, որ Վրաստանում սեպտեմբերի 15-ից ուժի մեջ է մտնում Կառավարության որոշումը, համաձայն որի՝ հացահատիկն այլևս Հայաստան չի կարող մտնել վերգետնյա տրանսպորտով: Մարուքյանն ասաց, որ խոսել է Վրաստանում գործող տրանսպորտային ընկերությունների ղեկավարների հետ, վերջիններս հաշվարկել են, ասում են՝ տոննայի մեջ 50 դոլար թանկացում կլինի, եթե միայն Փոթիով գա:
«Այնտեղ ինչ-որ մոնոպոլության հարց կա, բնականաբար՝ դա Վրաստանի ներքին գործն է, բայց եղբայրական պետություններ ենք, կարծում եմ՝ Հայաստան-Վրաստան բարեկամական խումբը պետք է զբաղվի այս հարցով նաև խորհրդարանի մակարդակով: Եթե այն ուժի մեջ մտնի, մենք լուրջ խնդիրներ կունենանք որպես երկիր, առանց այն էլ հացը թանկացել է Ռուսաստանում հացահատիկի թանկացման հիմքով, հիմա էլ այս հիմքով կարող է թանկանալ»,- ասաց նա:
Մարուքյանը կոչ արեց կապվել Վրաստանի իրենց գործընկեր պատգամավորների հետ և փորձել հարցը կարգավորել նաև խորհրդարանական շրջանակներում:
ԱԺ ՀՀԿ-ական պատգամավոր Էդուարդ Շարմազանովը, ով Հայաստան-Վրաստան բարեկամական խմբի ղեկավարն է, արձագանքելով՝ նշեց, որ իրենք սեպտեմբերին, ամենայն հավանականությամբ մինչև սեպտեմբերի 15-ը, պաշտոնական այց կունենան Վրաստան, պատվիրակության կազմում ներկայացված կլինեն բոլոր խմբակցությունների ներկայացուցիչները:
«Ես կապի մեջ եմ մեր վրացի գործընկերների հետ: Խորհրդարանն իր լիազորությունների շրջանակներում ամեն ինչ կանի, բայց այստեղ անելիք ունեն նաև մեր հարգարժան կառավարության ներկայացուցիչները»,- ասաց Շարմազանովը:
ՀՀԿ-ական պատգամավոր Շիրակ Թորոսյանն էլ նշեց, որ տեղյակ է՝ Վրաստանի կառավարության որոշմամբ ընդհանրապես արգելվել է Վրաստանի տարածքում բեռնատարներով հացահատիկի տեղափոխումը, ինչի հետևանքով տեղի բեռնափոխադրողներն էլ են խնդրի առաջ կանգնել: Թորոսյանն ասաց, որ ըստ ներկայացված հաշվարկների՝ մեկ տոննայի մեջ 40 դոլարով թանկանում է հացահատիկը:
«Ստացվում է՝ այնտեղ էլ անհասկանալի իրավիճակ է: Ես զրուցել եմ մեր գործընկերների հետ, առաջիկա նիստում արդեն իսկ այդ հարցը բարձրացվելու է, փորձելու են Վրաստանի կառավարությունից բացատրություն ստանալ՝ ինչո՞ւ են այսպիսի որոշում կայացրել»,- նշեց նա:
23:03 01.05.2025
Ի՞նչ է անելու Բենիամին Նեթանյահուն Բաքվում 5 օր շարունակՊաշտոնապես հաստատվել է Իսրաելի վարչապետի Բաքու կատարելիք այցի մասին տեղեկությունը: Բենիամին Նեթանյահուն Ադրբեջանի մայրաքաղաք կմեկնի մայիսի 7-ն: Թեմային՝ «Հորիզոնի» տաղավարում անդրադարձել է Արտյոմ Երկանյանը՝ պատասխանելով նախ հարցին, թե ի՞նչ է հայտնի այցի ծրագրի մասին։ «Սա Նեթանյահուի 3-րդ այցն է Ադրբեջան։ Մինչ այդ նա Բաքվում եղել է 1997 և 2016 թվականին։ Գիտենք, որ Նեթանյահուի դեմ Միջազգային […] ...
22:44 01.05.2025
Թրամփ. Ուոլցը կնշանակվի ՄԱԿ-ում ԱՄՆ դեսպանՍպիտակ տան ազգային անվտանգության գծով ներկայիս խորհրդական Մայք Ուոլցը կնշանակվի ՄԱԿ-ում ԱՄՆ մշտական ներկայացուցիչ: Այս մասին հայտարարել է ԱՄՆ նախագահ Դոնալդ Թրամփը: «Ուրախ եմ հայտարարել, որ Մայք Ուոլցին կառաջադրեմ Միավորված Ազգերի Կազմակերպությունում ԱՄՆ հաջորդ դեսպանի պաշտոնում: Մարտադաշտում համազգեստով, Կոնգրեսում և որպես իմ ազգային անվտանգության խորհրդական՝ Մայք Ուոլցը քրտնաջան աշխատել է մեր երկրի շահերը առաջին տեղում […] ...
22:38 01.05.2025
Microsoft-ը հայտարարել է՝ երբ կդադարեցի Skype-ի աշխատանքըMicrosoft-ը հայտարարել է, որ Skype հարթակը կփակվի մայիսի 5-ին։ Այս փոփոխությունը կազդի Skype-ի ինչպես անվճար, այնպես էլ վճարովի օգտատերերի վրա, բայց ոչ Skype for Business-ի վրա։ Ընկերությունը նախկինում հայտարարել էր, որ մայիսին կդադարեցնի հարթակի աջակցությունը, իսկ օգտատերերի հաշիվները կտեղափոխվեն Microsoft Teams ծառայություն։ «Դուք կարող եք շարունակել օգտագործել Skype-ը մինչև մայիսի 5-ը», – ասվում է Microsoft-ի […] ...
22:26 01.05.2025
Ամեն ինչ կենտրոնացնելով Երևանում դատարկում ենք գյուղերը․ զրույց Հայաստանի Արհմիությունների կոնֆեդերացիայի նախագահ Էլեն Մանասերյանի հետԱշխատանքի և աշխատավորների միջազգային օրվա առիթով «Հեռանկարն» այսօր հյուրընկալել էր Հայաստանի Արհմիությունների կոնֆեդերացիայի նախագահ Էլեն Մանասերյանին։ Անդրադարձ է եղել Հայաստանում գրանցված աշխատատեղերի և գործազրկության վերաբերյալ վիճակագրական տվյալներին, աշխատողների իրավունքների պաշտպանությանը, «Նվազագույն աշխատավարձը և սոցիալ-տնտեսական իրողությունները Հայաստանի Հանրապետությունում» հետազոտության արդյունքներին, աշխատաշուկայի անհավասար բաշխվածությանը, մասնավորապես այն փաստին, որ գրեթե ամբողջ տնտեսությունը, հիմնարկ-ձեռնարկությունները կենտրոնացած են Երևանում։ «Սա խնդիր […] ...
22:12 01.05.2025
ՆԳՆ միգրացիայի և քաղաքացիության ծառայությունում տրամադրվում է խորհրդատվություն ՌԴ մուտքի արգելքի հարցերովՆԳՆ միգրացիայի և քաղաքացիության ծառայությունում տրամադրվում է խորհրդատվություն հետևյալ թեմաներով՝ ՀՀ քաղաքացիների համար ՌԴ մուտքի արգելքի, դրա ընթացակարգերի վերաբերյալ տեղեկատվություն, ՌԴ մուտքի արգելքի` ներառյալ վարչական և այլ խախտումների հետևանքով դրված արգելքների մասով հարցերի պարզաբանում, ՌԴ և ԵԱՏՄ անդամ երկրների միգրացիոն օրենսդրության փոփոխությունների վերաբերյալ տեղեկատվություն։ Խորհրդատվությունը տրամադրվում է և՛ հեռախոսազանգով (098-33-40-53), և՛ գրասենյակում (Երևան, Թաիրով, 14 […] ...
