Ընտրակաշառքը քրեականացվում է` «փոքրիկ» բացառություններով․ նախագիծ – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
08 05 2025
  • $
    389.28
  • RUBLE
    4.82
  • 442.38
WEATHER
+25.09 oC

Ընտրակաշառքը քրեականացվում է` «փոքրիկ» բացառություններով․ նախագիծ

12:48 30.08.2018

Կառավարության այսօրվա նիստում քննարկվում է արդարադատության նախարարության առաջարկած նախագիծը, որով առաջարկվում է փոփոխություններ իրականացնել համապատասխան օրենքներում և քրեական պատիժ սահմանել ընտրակաշառքի համար։

«Առաջարկվում է հոդվածի դիսպոզիցիայում նախատեսել բացառություն, որի համար հանցագործություն չի համարվի ընտրությունների կամ հանրաքվեի նշանակման որոշումների ուժի մեջ մտնելուց հետո թեկնածուների կամ դաշինքների, կուսակցությունների խորհրդանիշերով կամ պատկեր բովանդակող որոշակի և ողջամիտ չափը չգերազանցող արժեքով ապրանքներ տալը՝ քարոզչական գրիչներ, փոքրիկ խորհրդանիշեր տրամադրելը։ Սրա համար նախատեսվում է  բացառություն, և սա չի դիտվի որպես ընտրակաշառք», – նշեց Արտակ Զեյնալյանը։

Իսկ կողմ կամ դեմ քվեարկելու, մասնակցելու-չմասակցելու համար տրվող կաշառքը կդիտվի հենց որպես ընտրակաշառք՝ հանցագործություն։ Քարոզչությանը հարկադրելը, քվեատուփը կամ ցուցակները հափշտակելը, մեկից ավելի անգամ կամ այլ անձի փոխարեն քվեարկելը կմտնեն այս փոփոխությունների մեջ։ Իսկ դրանց պատիժը կծանրացվի նախապես պայմանավորված կամ նման հանցագործությունները խմբով կատարելը։

Նախագծով նախատեսվում է ապաքրեականացնել այլ անձի փոխարեն քվեարկության մասին սուտ հայտարարություն տալը, եթե դա կատարվել է անփութության պատճառով։ Զեյնալյանը նշեց, որ մինչ այս սա քրեորեն պատժելի էր, և մարդիկ վախենում էին այսպիսի հայտարարություններ անել։

«Կարծում եմ՝ (սրանով ընտրակաշառքի դեմ պայքարի ոլորտում) ոչ թե զգալի առաջ ենք գնալու, այլ գնալու ենք մինչև այն տեղը, որտեղից առաջ գնալու տեղ էլ չկա։ Այսինքն` պետք է բացառենք նման երևույթները։ Եվ Երևանի ավագանու ընտրությունները, իհարկե, այս առումով շատ կարևոր քննություն են մեզ համար, և պետք է այդ քննությունը ստանանք գերազանց», – հարցի վերաբերյալ նշեց վարչապետ Նիկոլ Փաշինյանը։

Արծվիկ Մինասյանը հետաքրքրվեց՝ որոշ դեպքերում պատժաչափը խստացվում է, և հանցագործությունը միջին ծանրությանից վերափոխվում է ծանր հանցագործություն, կատարվե՞լ է արդյոք սրա վերաբերյալ վերլուծություն։ Արտակ Զեյնալյանը պատասխանեց, որ ընտրակաշառքի և բարեգործությունը ընտրության հարկադրելու ազդեցությունն ընտրությունների վրա շատ մեծ է, և սրանով որոշվում է հանցանքի վտանգավորության աստիճանը։ Այս ծանրացումը, ըստ Զեյնալյանի, կառավարության ողերձն է նման հանցանք կատարողներին։

Բոլոր լուրերը

Կապակցված լուրեր

Հետախուզվում էր զենք-զինամթերքի ապօրինի շրջանառության մեղադրանքով

15:40 08.05.2025

Հետախուզվում էր զենք-զինամթերքի ապօրինի շրջանառության մեղադրանքով

Համայնքային ոստիկանության Մարաշի բաժնի ծառայողները, իրացնելով օպերատիվ տվյալները, մայիսի 7-ին` ժամը 23.30-ին, Նոր Խարբերդի 25-րդ փողոցում հայտնաբերել և բաժին են տեղափոխել Երևանի Արարատյան փողոցի բնակիչ 35-ամյա տղամարդու: Ապրիլի 29-ից նա հետախուզվում էր հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության մեղադրանքով, խափանման միջոցը` կալանք: 35-ամյա տղամարդը տեղափոխվել է քրեակատարողական հիմնարկ: ...

Դպրոցների շենքային պայմանների և գույքային հագեցվածության բարելավման նպատակով հատկացվել է կապիտալ դրամաշնորհներ

15:37 08.05.2025

Դպրոցների շենքային պայմանների և գույքային հագեցվածության բարելավման նպատակով հատկացվել է կապիտալ դրամաշնորհներ

Հայաստանի Հանրապետության կառավարության որոշմամբ, նախատեսվում է ՀՀ կրթության, գիտության, մշակույթի և սպորտի նախարարության, Երևանի քաղաքապետարանի և մարզպետների աշխատակազմերի ենթակայությամբ գործող թվով 140 հանրակրթական դպրոցին հատկացնել կապիտալ դրամաշնորհներ 903,608.5 հազար դրամի չափով՝ վերջիններիս խնայողությունների հաշվին: Գումարն ուղղվելու է դպրոցների շենքային պայմանների և գույքային հագեցվածության բարելավմանը: Որոշման ընդունմամբ կապիտալ ծախսերի կատարման համար ֆինանսական միջոցներ կհատկացվեն դպրոցներին՝ իրենց […] ...

Հաստատվել է ուսման վարձի լրիվ փոխհատուցմամբ, առկա ուսուցմամբ մագիստրոսի կրթական ծրագրով ընդունելության տեղերը

15:32 08.05.2025

Հաստատվել է ուսման վարձի լրիվ փոխհատուցմամբ, առկա ուսուցմամբ մագիստրոսի կրթական ծրագրով ընդունելության տեղերը

Գործադիրի որոշմամբ, հաստատվել է Հաստատել Հայաստանի Հանրապետության բարձրագույն ուսումնական հաստատությունների 2025/2026 ուսումնական տարվա` պետության կողմից ուսանողական նպաստների ձևով ուսման վարձի լրիվ փոխհատուցմամբ, առկա ուսուցմամբ մագիստրոսի կրթական ծրագրով ընդունելության տեղերը: Այսպիսով, 2025/2026 ուսումնական տարվա` պետության կողմից ուսանողական նպաստների ձևով ուսման վարձի լրիվ փոխհատուցմամբ, առկա ուսուցմամբ, մագիստրոսի ԿԾ-ով ընդունելությանը հատկացվել է 1271 տեղ, որից 1055-ը՝ պետական բարձրագույն […] ...

Լաբորատոր գործունեություն իրականացնող կազմակերպություններում որակի կառավարման համակարգ կներդրվի

15:24 08.05.2025

Լաբորատոր գործունեություն իրականացնող կազմակերպություններում որակի կառավարման համակարգ կներդրվի

Կառավարությունը հավանություն է տվել «Բնակչության բժշկական օգնության և սպասարկման մասին» օրենքում լրացումներ կատարելու մասին» Հայաստանի Հանրապետության օրենքի նախագծի վերաբերյալ Հայաստանի Հանրապետության կառավարության օրենսդրական նախաձեռնությանը: Որոշմամբ առաջարկվում է «Բնակչության բժշկական օգնության և սպասարկման մասին» օրենքով՝ ամրագրել որակի կառավարման համակարգի ներդրման համապատասխանությունը գնահատելու առողջապահության բնագավառի պետական կառավարման լիազոր մարմնի լիազորությունը, ինչպես նաև լաբորատոր գործունեություն իրականացնող կազմակերպությունների կողմից […] ...

Արտաշատցի տղամարդը հետախուզվում էր գողության մեղադրանքով․ նա տեղափոխվել է քրեակատարողական հիմնարկ

15:20 08.05.2025

Արտաշատցի տղամարդը հետախուզվում էր գողության մեղադրանքով․ նա տեղափոխվել է քրեակատարողական հիմնարկ

Համայնքային ոստիկանության Մասիսի բաժնի ծառայողների ձեռնարկած միջոցառումների արդյունքում մայիսի 7-ին՝ ժամը 17-ին, Արտաշատ քաղաքում հայտնաբերվել և բաժին է տեղափոխվել գողության մեղադրանքով հետախուզվող 27-ամյա արտաշատցի տղամարդ: Դատարանի որոշման հիման վրա նա տեղափոխվել է քրեակատարողական հիմնարկ: ...

Վարժական հավաքներ են հայտարարվում պահեստազորայինների ռազմական ունակությունների կատարելագործման, մասնագիտական վերապատրաստման նպատակով

15:17 08.05.2025

Վարժական հավաքներ են հայտարարվում պահեստազորայինների ռազմական ունակությունների կատարելագործման, մասնագիտական վերապատրաստման նպատակով

Գործադիրի որոշմամբ հայտարարվել է պահեստազորի առաջին խմբի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների վարժական հավաքներ` 2025 թվականի հունիսի 3-ից մինչև օգոստոսի 22-ը ներառյալ: Սահմանվել է, որ վարժական հավաքները հայտարարվում են պահեստազորայինների ռազմական ունակությունների կատարելագործման, մասնագիտական վերապատրաստման և պատրաստման, բարձրագույն կրթություն ունեցող ենթասպայական կազմից պահեստազորի սպաների պատրաստման, մարտական հերթապահության ներգրավման նպատակով: ...

BACK_TO_TOP