11:04 10.10.2023
Մարդու իրավունքների պաշտպան Անահիտ Մանասյանը ուղերձ է հղել Հոգեկան առողջության համաշխարհային օրվա կապակցությամբ, որում ասվում է.
«Միջազգային հանրությունը հոկտեմբերի 10-ին նշում է Հոգեկան առողջության համաշխարհային օրը: Սա առիթ է հասարակությանը ևս մեկ անգամ հիշեցնելու հոգեկան առողջության կարևորության վերաբերյալ` միավորելով ջանքերը ոլորտում առկա խնդիրների վերհանման և կարգավորման ուղղությամբ:
Հոգեկան առողջության խնդիրներ ունեցող մարդիկ մեր հասարակության լիիրավ անդամ են, ունեն այն բոլոր իրավունքները, ինչ յուրաքանչյուրս, մինչդեռ նրանց նկատմամբ առկա հասարակական և սոցիալական ընկալումները, խտրական վերաբերմունքը նրանց դարձնում են ավելի խոցելի:
Հոգեկան առողջության խնդիրներ ունեցող անձինք հաճախ խոցելի են նաև իրենց իրավունքներն ինքնուրույն իրացնելու և պաշտպանելու տեսանկյունից, և արդյունքում դուրս են մնում հասարակական հարաբերությունների և կյանքի տարբեր բնագավառներից, ինչպես նաև իրենց վերաբերելի որոշումների կայացումից:
Մեր երկրում այս տեսանկյունից կան համակարգային տարբեր խնդիրներ, որոնցից գլխավորը շարունակում է մնալ Հայաստանում հոգեբուժական օգնության և սպասարկման ոլորտում համայնքահեն ծառայությունների անարդյունավետ կիրառությունը:
Մտահոգիչ է այն հանգամանքը, որ հոգեկան առողջության պահպանման ոլորտում առկա համակարգային խնդիրների լուծմանը համապարփակ մոտեցում չի ցուցաբերվում: Անգործունակության ինստիտուտը վերափոխման կարիք ունի, անհրաժեշտ են նշված հարցին վերաբերող ռազմավարական փաստաթղթեր, որոնք թույլ կտան վերհանված խնդիրները կարգավորել միասնական քաղաքականության շրջանակում և պատշաճ հսկողություն իրականացնել ոլորտի նկատմամբ։
Հարկ եմ համարում հատուկ ընդգծել, որ առկա խնդիրները վերհանելու, լուծման պատշաճ մեխանիզմներ մշակելու նպատակով Պաշտպանի աշխատակազմի Խոշտանգումների և վատ վերաբերմունքի կանխարգելման վարչության ներկայացուցիչները պարբերաբար չհայտարարված այցեր են իրականացնում հոգեկան առողջության տարբեր կենտրոններ։
Վեր հանված խնդիրներն ամփոփվում են, մշակվում են, դրանց լուծման տարբերակները ներկայացվում են պետական իրավասու մարմիններին: Բացի այդ, բոլոր խնդիրները տեղ են գտնում նաև Մարդու իրավունքների պաշտպանի՝ որպես կանխարգելման ազգային մեխանիզմի տարեկան զեկույցում։
Յուրաքանչյուրս մեր ամենօրյա աշխատանքով պետք է ձևավորի այնպիսի միջավայր, որտեղ հոգեկան առողջության խնդիրներ ունեցող անձանց իրավունքների իրացումը երաշխավորված կլինի»։
21:50 04.07.2025
Մեկ օր՝ բարձրաստիճան զինվորականի հետ․ ՊՆՄեկ օր՝ բարձրաստիճան զինվորականի հետ. բանակային կորպուսի հրամանատար, գնդապետ Սիմոն Նազարյան: ՀՀ ՊՆ-ը տեսանյութ է ներկայացրել։ ...
21:45 04.07.2025
Ռուսաստանում իրավապահները մեղադրանքներ են առաջադրում նաև Իլհամ Ալիևի մտերիմ օլիգարխներինԲաքվի ու Մոսկվայի միջև լարվածության ֆոնին Ռուսաստանում շարունակվում են ադրբեջանցիների ձեռբակալությունները: Իրավապահները մեղադրանքներ են ուղղում արդեն ոչ միայն անօրինական միգրանտներին, այլև՝ Իլհամ Ալիևին մտերիմ օլիգարխներին: Հայտնի անուններ կա՞ն ձերբակալվածների թվում: Թեմային՝ «Հորիզոնի» տաղավարում անդրադարձել է Արտյոմ Երկանյանը. «Առաջին հերթին, իհարկե, ձերբակալությունները տարածվում են քրեական հեղինակությունների վրա: Մոսկվայում, Սանկտ Պետերբուրգում, Եկատերինբուրգում, Օրենբուրգում ու այլ քաղաքներում ազգությամբ […] ...
21:40 04.07.2025
Կենտրոն վարչական շրջանում ստեղծվել են նոր, անվտանգ և ժամանակակից խաղահրապարակներԵրևանի քաղաքապետ Տիգրան Ավինյանը Ֆեյսբուքյան իր էջում տեսանյութ է հրապարակել և գրել է. «Կենտրոն վարչական շրջանում ստեղծել ենք նոր, անվտանգ և ժամանակակից խաղահրապարակներ՝ նախատեսված մեր երեխաների անհոգ ժամանցի համար։ Խաղասարքերը պատրաստված են էկոլոգիապես մաքուր և բարձրորակ նյութերից, չեն գունաթափվում արևի ազդեցությունից և չեն դեֆորմացվում ջերմաստիճանի տատանումներից: Ստեղծելով նոր խաղային միջավայր՝ մենք ապահովում ենք, որ երեխաները […] ...
21:30 04.07.2025
Վրաստանի նախագահը ներկայացրել է ընդդիմության անդամներին ներում շնորհելու պայմաններըՎրաստանի նախագահ Միխեիլ Կավելաշվիլին հայտարարել է, որ ներում կշնորհի խորհրդարանական հանձնաժողովի նիստին չներկայանալու համար դատապարտված ընդդիմության առաջնորդներին, եթե նրանք հայտարարեն հոկտեմբերի 4-ին նախատեսված տեղական ինքնակառավարման մարմինների ընտրություններին մասնակցելու մտադրության մասին։ «Ինչպես հայտնի է, մի քանի քաղաքական կուսակցությունների կոնկրետ առաջնորդներ իրենց պատիժը կրում են Վրաստանի օրենսդրության համաձայն՝ քրեակատարողական հիմնարկում։ Հաշվի առնելով այս հանգամանքը՝ առաջարկում եմ, որ […] ...
21:18 04.07.2025
Ֆոտոթակարդները կրկին արձանագրել են բեզոարյան այծի մեծ ու փոքր առանձնյակներիՇՄՆ «Հայանտառ» ՊՈԱԿ-ի «Սյունիքի անտառտնտեսություն» մասնաճյուղի ֆոտոթակարդները կրկին արձանագրել են բեզոարյան այծի մեծ ու փոքր առանձնյակների։ ...
