16:10 27.01.2024
Գարդման-Շիրվան-Նախիջևան համահայկական միությունը կոչ է անում միջազգային կառույցներին Ադրբեջանի կատարած հանցանքների ուսումնասիրությունը սկսել երեք տասնամյակ առաջ ավելի քան կես միլիոն գարդմանահայության, շիրվանահայության և նախիջևանահայության՝ հանցանքներով և բռնարարքներով ուղեկցված բռնի տեղահանումից և պատմական Գարդմանի, Շիրվանի ու Նախիջևանի հայկական մշակութային ժառանգության նկատմամբ իրականացված ցեղասպանության ուսումնասիրումից։
«Եվրոպական խորհրդարանում կայացել է «Պահպանել Լեռնային Ղարաբաղի մշակութային և կրոնական ժառանգությունը» խորագրով համագումար, որի մասնակից ԵԽ պատգամավորները քննարկման ընթացքում կատարել են մի շարք առանցքային շեշտադրումներ։
Մասնավորապես՝ Սլովակիայի ներկայացուցիչ Միրիամ Լեքսմանը նշել է, որ Եվրոպական Միության պարտքն է ամեն ինչ անել Լեռնային Ղարաբաղի հայկական մշակութային և կրոնական ժառանգությունը փրկելու համար, քանի որ ադրբեջանական կեղծ թեզերն ու միտումնավոր կերպով հայկական մշակութային ժառանգությունը ոչնչացնելը բազմիցս բարձրաձայնվել է Եվրոպական խորհրդարանի կողմից։
Միջազգային իրավունքի հայտնի մասնագետ և Արդարադատության միջազգային դատարանում ԼՂ պատմամշակութային ժառանգության հարցերով ներկայացուցիչ Պիեր դ’Արժանը թիրախային մեկնաբանություն է տվել ադրբեջանական քաղաքականությանը՝ նշելով, որ Ադրբեջանը փորձում է վերացնել հայկականը ու Լեռնային Ղարաբաղը։
«Լեռնային Ղարաբաղի մշակութային ժառանգությունը կենդանի է, ապրող է, և այն կարող է գոյություն ունենալ, եթե արցախահայությունն այն ապրեցնում է»,- նշել է դ’Արժանը։ Համագումարի կազմակերպիչներից ֆրանսիացի պատգամավոր Գզավիյե Բելյամին հստակ ամփոփել է հետևյալը․
«Մեկ բռնապետ ցանկանում է ջնջել մի ամբողջ ժողովրդի և վերացնել նրանց գոյության վերաբերյալ ցանկացած հետք»։
Ողջունում ենք այս համագումարի անցկացումը և հնչած կոչերի տրամաբանությունը։ Սակայն, մենք հարկ ենք համարում ընդգծել, որ Ադրբեջանի մշակութային սպանդը չի սահմանափակվել միայն Լեռնային Ղարաբաղով։ Մինչ Լեռնային Ղարաբաղի հայկական մշակութային ժառանգության պղծումը, Ադրբեջանն արդեն իսկ հասցրել էր էթնոցիդի ենթարկել պատմական Գարդմանի, Շիրվանի ու Նախիջևանի հայկական մշակութային ժառանգությունը։ Հին Ջուղայի հայկական գերեզմանատան ոչնչացումը միայն բավական է այս պետության հակահումանիստական և խորը ռասիստական բնույթը հասկանալու համար։
Ուստի մենք կոչ ենք անում Եվրոպական խորհրդարանին, միջազգային այլ պատասխանատու կառույցներին և իրավարար կազմակերպություններին Ադրբեջանի կատարած հանցանքների ուսումնասիրությունը սկսել երեք տասնամյակ առաջ ավելի քան կես միլիոն գարդմանահայության, շիրվանահայության և նախիջևանահայության՝ հանցանքներով և բռնարարքներով ուղեկցված բռնի տեղահանումից և պատմական Գարդմանի, Շիրվանի ու Նախիջևանի հայկական մշակութային ժառանգության նկատմամբ իրականացված ցեղասպանության ուսումնասիրումից»,- «Արմենպրես»-ի փոխանցմամբ՝ ասված է Գարդման-Շիրվան-Նախիջևան համահայկական միության տարածած հաղորդագրության մեջ:
Միությունը պահանջում է վերոնշյալ խնդիրներին և դրանց հետևանքներին տալ համարժեք քաղաքական գնահատական՝ ցեղասպանական, պատերազմական, մարդու իրավունքների համակարգային խախտման և բազմաթիվ այլ հանցանքներում մեղադրվող անձանց միջազգայնորեն ենթարկելով արժանի պատասխանատվության և պատժի։ Լեռնային Ղարաբաղի՝ էթնիկ զտման ենթարկված ավելի քան 100 հազար հայության բոլոր իրավունքների վերականգնումը սկսվում է գարդմանահայության, շիրվանահայության և նախիջևանահայության ոտնահարված իրավունքների ճանաչումից։
17:17 30.04.2025
Սպարտակիադա` 7-12-րդ դասարանների աշակերտների մասնակցությամբՍպարտակիադայի ծրագրով կայացել են ՀՀ մարզերի և Երևանի հանրակրթական դպրոցների 7-12-րդ դասարանների աշակերտների միջև սեղանի թենիսի, աթլետիկական հնգամատի և շախմատի հանրապետական՝ եզրափակիչ փուլի մրցումները: Սեղանի թենիսի եզրափակիչ մրցումներն անցկացվել են «Դինամո» մարզահամալիրում: Թիմային հաշվարկով 1-ին տեղը գրավել է Երևան քաղաքի թիմը, 2-րդ տեղը զբաղեցրել է Լոռու, իսկ երրորդ տեղը՝ Շիրակի մարզի թիմը: Աթլետիկական հնգամարտի հանրապետական […] ...
17:10 30.04.2025
Պետությանը պատճառվել է 330 միլիոն դրամի վնաս․ ՔՈԳՎ հերթական բացահայտումըՔրեական ոստիկանության կազմակերպված հանցավորության դեմ պայքարի վարչության ծառայողները ստացել էին օպերատիվ տեղեկություն, որ սահմանափակ պատասխանատվությամբ մի ընկեության 38-ամյա տնօրենը, Արմավիրի մարզի Նոր Արտագերս գյուղում գտնվող` իրեն և ազգականին պատկանող ընդհանուր 3,1 հեկտար հողամասերում, 2024 թվականի հունվարից մինչ օրս, ձկնաբուծարան կառուցելու պատրվակով, առանց հատուկ թույլտվության կազմակերպել է ապօրինի արդյունահանում: Պարզվել է, որ այս ընթացքում արդյունահանած շուրջ […] ...
17:00 30.04.2025
Օպերատիվ իրավիճակը հանրապետությունում ապրիլի 29-30-ըԲացահայտվել է 85 հանցագործություն, որոնցից 1-ը՝ նախկինում կատարված: Մասնավորապես՝ 20 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 9 դեպք՝ թմրանյութի հայտնաբերման, 7-ական դեպք՝ մարմնական վնասվածք պատճառելու և խարդախության, 6 դեպք՝ ֆիզիկական ներգործության, 4-ական դեպք՝ հոգեկան ներգործության, անձնական ունեցվածքի գողության և գույքը ոչնչացնելու կամ […] ...
16:54 30.04.2025
Հայաստանի քաղաքների մթնոլորտային օդում փոշու պարունակությունը՝ ապրիլի 20-26-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է քաղաքների մթնոլորտային օդում փոշու պարունակությունը ապրիլի 20-26-ը։ Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ գրեթե ամբողջ շաբաթ, Վարդանանց փողոցի հարակից տարածք՝ ապրիլի 21-ին և 23-ին, Հերացի փողոցի հարակից տարածք՝ գրեթե ամբողջ շաբաթ։ Ալավերդի քաղաքում՝ Սանահին սարահարթ, Գայի փողոցի հարակից տարածք՝ […] ...
16:51 30.04.2025
Մհեր Գրիգորյանն Ուզբեկստանի փոխվարչապետի հետ զրույցում կարևորել է համատեղ ներդրումային ծրագրերի ակտիվացումըՈւզբեկստանի Հանրապետություն կատարած աշխատանքային այցի շրջանակներում փոխվարչապետ Մհեր Գրիգորյանը Տաշքենդում հանդիպում է ունեցել Ուզբեկստանի Հանրապետության փոխվարչապետ Ջամշիդ Խոջաևի հետ: Զրուցակիցները երկուստեք ընդգծել են երկկողմ առևտրատնտեսական հարաբերությունների զարգացման համար առկա մեծ ներուժը իրացնելու անհրաժեշտությունը, կարևորել այս ոլորտում բիզնես շրջանակների միջև շփումների և համատեղ ներդրումային ծրագրերի ակտիվացումը: ...
16:48 30.04.2025
Պակիստանն ուժեղացնում է զորքերի մարտական պատրաստվածությունը Հնդկաստանի հետ վերահսկողության գծի երկայնքովՊակիստանը ուժեղացրել է զորքերի պատրաստությունը Քաշմիրում Հնդկաստանի հետ շփման գծի սահմանի երկայնքով՝ ռազմական լարվածության աճի ֆոնին: Այս մասին հայտնում է The Economic Times-ը։ Պակիստանը հակաօդային պաշտպանության և էլեկտրոնային պատերազմի միջոցներ է տեղակայել սահմանային գծի Սիալկոտ հատվածում: Բանակը վերադասավորում է տանկային և հետևակային դիվիզիաները, ինչպես նաև զորամասերի ինտենսիվ զորավարժությունները։ Պակիստանի վարչապետ Շեհբազ Շարիֆը երեքշաբթի օրը ՄԱԿ-ի […] ...
