19:16 22.02.2024
Երիտասարդ մասնագետների խորհրդարանական ծրագրի 2024 թվականի ընտրված մասնակիցները փետրվարի 22-ին հանդիպել են ՀՀ ԱԺ խմբակցությունների ղեկավարների հետ:
ՀՀ ԱԺ «Հայաստան» խմբակցության ղեկավար Սեյրան Օհանյանն ու խմբակցության անդամ Արթուր Խաչատրյանը խոսել են Հայաստանի կառավարման մոդելի, պետության ռազմավարական ուղղությունների մասին: «ՀՀ ազգային անվտանգության ռազմավարության մեջ նշվում է, որ հայի ինքնության համար տարբեր երաշխիքներ գոյություն ունեն, որոնցից են պետական արդյունավետ կառավարումը, ժողովրդավարական հիմունքների սերմանումը, իրավունքի գերակայությունը, դատական իշխանության անկախությունն ու անաչառությունը, ԶՈՒ մարտունակությունը, ուժային մարմինների արդյունավետ գործունեությունը, լայն ընդգրկվածություն ունեցող արտաքին քաղաքականությունը եւ սոցիալական արդարությունը»,- ասել է խորհրդարանական ընդդիմադիր խմբակցության ղեկավարը:
Սեյրան Օհանյանը պատասխանել է նաեւ ծրագրի մասնակիցների` Հայաստանի վարած ներքին եւ արտաքին քաղաքականությանը, մարտահրավերներին, ՀՀ-Ադրբեջան, ՀՀ-ՌԴ հարաբերություններին վերաբերող հարցերին:
Երիտասարդ մասնագետների հաջորդ հանդիպումը եղել է ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանի հետ:
«Կարծում եմ, որ ծրագիրը բավականին արդյունավետ է, ինչի շնորհիվ երիտասարդները հնարավորություն կունենան ծանոթանալու պետական կառավարման մարմինների, մասնավորապես` Ազգային ժողովի աշխատանքներին»,- ողջունելով ներկաներին` ասել է խմբակցության ղեկավարը:
Հայկ Կոնջորյանը բարձր է գնահատել Ազգային ժողովրդավարության ինստիտուտի երիտասարդ մասնագետների հերթական հոսքը, որը նպաստում է պատգամավորների ու ԱԺ աշխատակազմի աշխատանքի արդյունավետությանը: Նա պատասխանել է ծրագրի մասնակիցների հարցերին, որոնք, մասնավորապես, վերաբերել են Հռոմի ստատուտի վավերացմանը, ՀՀ անվտանգային իրավիճակին, ընթացող բարեփոխումներին, արտաքին հարաբերություններում վարվող քաղաքականությանը:
Երիտասարդ մասնագետների հետ հանդիպել է նաեւ ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանը: Պատգամավորը, մասնավորապես, անդրադարձել է առաջնորդության թեմային` օրինակ բերելով Ջոն Մաքսվելի տեսության հինգ մակարդակները: Նա խոսել է նաեւ հաջողության հասնելու ճանապարհի մասին` նշելով, որ հաջողությունը կարգավիճակ չէ, այլ` գործընթաց:
Հայկ Մամիջանյանն անդրադարձել է երկրի ներքին եւ արտաքին քաղաքականությանը, խորհրդարանական դիվանագիտությանը, խոսել իրականացված բարեփոխումների` իր ձեւակերպմամբ` բացասական կողմերի մասին: Պատգամավորը պատասխանել է նաեւ հնչեցված հարցերին:
20:25 22.05.2025
«Բարսելոնան» նախատեսում է երկարաձգել պայմանագրերը երկու հիմնական պաշտպանների հետ«Բարսելոնան» նախատեսում է երկարաձգել պայմանագրերը երկու հիմնական պաշտպանների հետ, հայտնում է Sport.es-ը: Թիմի ղեկավարությունը մտադիր է մինչև 2027 թվականը երկարաձգել Ինյիգո Մարտինեսի, իսկ մինչև 2029 թվականը՝ Էրիկ Գարսիայի հետ պայմանագրերը: Ընթացիկ մրցաշրջանում Մարտինեսը կատալոնական թիմի կազմում անցկացրել է 46 հանդիպում, դարձել է 3 գոլի և 6 գոլային փոխանցման հեղինակ: Էրիկ Գարսիան 44 խաղում խփել է […] ...
20:13 22.05.2025
Մալաթիայի համայնքային ոստիկանները գողության դեպք են բացահայտել․ գողոնը հայտնաբերվել էՄայիսի 20-ին Ոստիկանության օպերատիվ կառավարման կենտրոն զանգահարած կինը հայտնել է, որ գողացել են իր հեռախոսը: Համայնքային ոստիկանության Մալաթիայի բաժնի ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ կնոջ հեռախոսը գողացել է Նոր-Նորքի բնակիչ 51-ամյա մի տղամարդ: Բացատրական աշխատանքի արդյունքում նույն օրը 51-ամյա տղամարդը, գողոնով հանդերձ, ներկայացել է բաժին: Կազմված փաստաթղթերը փոխանցվել են նախաքննական մարմին: Ծանուցում. […] ...
19:55 22.05.2025
Ռոնալդուն 935-րդ գոլն է խփելՍաուդյան Արաբիայի Պրո լիգայի նախավերջին` 33-րդ տուրում «Ալ Նասրը» սեփական դաշտում 2-0 հաշվով հաղթել է «Ալ Խալիջին»։ Տանտերերի երկրորդ գոլն ավելացված 7-րդ րոպեին 11-մետրանոցից խփել է «Ոսկե գնդակի» 5-ակի դափնեկիր Կրիշտիանու Ռոնալդուն։ Նա կարիերայում մրցակիցների դարպասը գրավել է 935-րդ անգամ։ «Ալ Նասրը» 67 միավորով չորրորդն է, «Ալ Խալիջը»` 37 միավորով 10-րդը։ ...
19:50 22.05.2025
Հայտարարագիր է լրացրել մոտ 57 հազար անձ. ՊԵԿ նախագահՄոտ 57 հազար անձ հայտարարագիր է լրացրել, որից 23 հազարը ստացել է սոցիալական կրեդիտ: Այս մասին այսօր մամուլի ասուլիսին հայտնել է ՊԵԿ նախագահը: Էդուարդ Հակոբյանը ներկայացրել է կոմիտեի՝ այս տարվա ընթացքում իրականացրած աշխատանքները և առաջիկա անելիքները: ՊԵԿ նախագահի խոսքով` վերջին ամիսներին հարկային մուտքերի տպավորիչ արդյունքներ են արձանագրվել: Ապահովվել է 948.7 մլրդ դրամ հարկային եկամուտներ և […] ...
19:46 22.05.2025
Արարատի քրեական ոստիկանները բացահայտել են նախկինում կատարված գողությունՄայիսի 17-ին Ոստիկանության օպերատիվ կառավարման կենտրոն զանգահարած Արարատի մարզի Այնթապ գյուղի բնակչուհին հայտնել է, որ 2022 թվականի սեպտեմբերի 3-ից 2025 թվականի մայիսի 17-ն ընկած ժամանակահատվածում Տիգրանաշենում իրենց պատկանող տարածքից գողացել են տարբեր տեսակի կենցաղային ու շինարարական իրեր: Քրեական ոստիկանության Արարատի մարզային վարչության ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ նշված գողությունը կատարել է Պարույր […] ...
