ՆԳՆ ՓԾ Երևան քաղաքի փրկարարական վարչության ենթակա ստորաբաժանումների կողմից անցկացվել են մի շարք ուսուցողական միջոցառումներ

Մայիս ամսվա աշխատանքային պլանի համաձայն՝ ՆԳՆ ՓԾ ԵՓՎ ենթակա ստորաբաժանումների փրկարարական ծառայողները Երևանի 29 ուսումնական հաստատություններում, մանկապարտեզներում, կազմակերպություններում, ընկերություններում կազմակերպել և անց են կացրել մի շարք սեմինարներ, դասախոսություններ և ուսումնավարժանքներ։
Մասնավորապես՝ Երևանի Նուբարաշեն վարչական շրջանի ղեկավարի աշխատակազմում կազմակերպվել և անց է կացվել «Նուբարաշեն վարչական շրջանի բնակչության պաշտպանության կազմակերպումը հակառակորդի հանկարծակի հարձակման դեպքում» թեմայով շտաբային ուսումնավարժություն:

«Նուբարաշեն» պոլիկլինիկա ՊՓԲԸ-ում և «Երևան ՋԷԿ» ՓԲԸ-ում անցկացվել են համապատասխանաբար «Անձնակազմի և այցելուների պաշտպանության կազմակերպումը երկրաշարժի ժամանակ» և ««Օդային տագնապ»» ազդանշանի դեպքում անձնակազմի պաշտպանության միջոցառումների կազմակերպումը» թեմաներով օբյեկտային վարժանքներ:

«Երևանի Ջիվան Աբրահամյանի անվան թիվ 111 հիմնական դպրոց», «Երեխայի և ընտանիքի աջակցության կենտրոն» ՊՈԱԿ-երում, «Երևանի թիվ 82 մսուր-մանկապարտեզ» ՀՈԱԿ-ում՝ անցկացվել են «Անձնակազմի և սաների գործողությունները երկրաշարժի դեպքում», «Երևանի թիվ 104 հիմնական դպրոց», «Երևանի Մովսես Խորենացու անվան թիվ 143 հիմնական դպրոց» ՊՈԱԿ-երում, «Աստաֆյան Հոլդինգ» ՍՊԸ-ում և «Տելեկոմ Արմենիա» ԲԲԸ-ում՝ «Հրդեհաշիջման աշխատանքների կազմակերպումը և իրականացումը» թեմաներով, միևնույն ժամանակ «Երևանի Կոստան Զարյանի անվան թիվ 117 հիմնական դպրոց», «Երևանի Սիլվա Կապուտիկյանի անվան թիվ 145 հիմնական դպրոց», «Երևանի Սերո Խանզադյանի անվան թիվ 184 ավագ դպրոց», «Երևանի Լևոն Արիսյանի անվան թիվ 127 ավագ դպրոց» ՊՈԱԿ-ներում և «Երևանի թիվ 81 մսուր-մանկապարտեզ» ՀՈԱԿ-ում՝ «Աշխատակիցների և սաների պաշտպանության կազմակերպումը հակառակորդի օդուժի հարձակման դեպքում» թեմայով հատուկ տակտիկական ուսումնավարժություններ:

Ուսումնավարժանքների նպատակն էր օժանդակել հրամանատարական կազմի մարտավարական մտածելակերպի զարգացմանը, նպաստել ուժերի և միջոցների ղեկավարման ունակությունների կատարելագործմանը, ստուգել մարտական հաշվարկների օղակների պատրաստվածության աստիճանը՝ իրենց առջև դրված հրշեջ-մարտավարական խնդիրների լուծման ուղղությամբ, կատարելագործել օղակների հրամանատարների գործնական ունակությունները, ինչպես նաև ստուգել և բարձրացնել անձնակազմի ու կազմավորումների միջև փոխհամագործակցության մակարդակը:

«Երկրաշարժի ժամանակ բնակչության վարվելակերպի կանոնները» և «Բնակչության տարհանման կազմակերպումը» թեմաներով դասախոսություններ են անցկացվել «Անանիա Շիրակացի» միջազգային հարաբերությունների համալսարանում, «ՃՇՀԱՀ» հիմնադրամի մասնագիտական կրթության քոլեջում, «Էլիտա» Ռուբեն Սարգսյանի հեղինակային միջնակարգ և Երևանի հենաշարժական համակարգի խնդիրներ ունեցող երեխաների թիվ 17 հատուկ դպրոցներում, «Երևանի թիվ 159 ավագ դպրոց», «Երևանի Արտեմ Միկոյանի անվան թիվ 166 հիմնական դպրոց», «Երևանի թիվ 197 հիմնական դպրոց», «Երևանի թիվ 198 ավագ դպրոց», «Երևանի Յոհաննես Լեփսիուսի անվան թիվ 88 հիմնական դպրոց», «Երևանի թիվ 134 հիմնական դպրոց», «Երևանի թիվ 186 հիմնական դպրոց», «Հրանտ Մաթևոսյանի անվան հիմնական դպրոց», «Երևանի Կարեն Դեմիրճյանի անվան թիվ 139 ավագ դպրոց», «Երևանի թիվ 187 միջնակարգ դպրոց» ՊՈԱԿ-երում:

Սեմինարների ընթացքում ներկայացվել են երկրաշարժից առաջացող վտանգների, վնասների և ավերածությունների, երկրաշարժի ժամանակ վարքականոնների կիրառման, ինչպես նաև երկրաշարժից հետո փրկարարական գործողությունների կազմակերպման մասին դասախոսություններ։

Նշենք, որ ՆԳՆ ՓԾ Երևան քաղաքի փրկարարական վարչության կողմից կազմակերպված ուսուցողական միջոցառումներին ընդգրկվել է մոտ 2700 մասնակից։