12:23 11.07.2024
ԿԳՄՍ նախարարի տեղակալ Արաքսիա Սվաջյանը մասնակցել է «ԿրթաԲ․Ա․Ց Ապարան» մեծահասակների ուսումնառության և կրթության կենտրոնի բացման արարողությանը։
Միջոցառմանը ներկա են եղել նաև Ապարան համայնքի ղեկավարի տեղակալ Հրայր Մկրտչյանը, «Դի-Վի-Վի ինթերնեյշնալի» Կովկասի և Հարավարևելյան Եվրոպայի տարածաշրջանային տնօրեն Թոմաս Լիխտենբերգը, Հայաստանում Գերմանիայի դեսպանատան, շահագրգիռ կառույցների ներկայացուցիչներ:
Կենտրոնը գործելու է «Ապարան համայնքի սոցիալական կենտրոն» ՀՈԱԿ-ի ներքո և ֆինանսավորվելու է «Դի-Վի-Վի ինթերնեյշնալի» հայաստանյան գրասենյակի կողմից՝ Ապարանի համայնքապետարանի համաֆինանսավորմամբ:
Արաքսիա Սվաջյանը շնորհավորել է ներկաներին կենտրոնի բացման առիթով՝ կարևորելով այն՝ որպես համայնքային կյանքի աշխուժացման ազդակ. «Յուրաքանչյուր համայնքում կրթության, մշակույթի, զբաղվածության հնարավորության ընձեռումը շատ կարևոր փոփոխություն է համայնքի կյանքում: Եթե նախկինում ֆորմալ կրթության միջոցով մարդիկ ստանում էին մասնագիտական կրթություն տարբեր կրթական մակարդակներում, ապա այսօր գիտությունն ու տեխնիկան այնքան արագ են զարգանում, որ անգամ ամենաառաջատար ուսումնական հաստատությունում մասնագիտություն ստանալով՝ մենք ստիպված ենք ամեն օր զբաղվել ինքնակրթությամբ ու զարգացմամբ, հետևել մեր գործունեության շրջանակում տեղի ունեցող բոլոր փոփոխություններին, օգտվել բոլոր այն հարթակներից, որոնք առաջ գնալու հնարավորություն են տալիս»:
Արաքսիա Սվաջյանը նշել է, որ մեծահասակների կրթությունն այսօր ամենակարևոր ուղղություններից մեկն է, և նրանց հմտությունների, նոր կարողությունների կատարելագործումը շատ լայն դաշտ կարող է բացել նաև զբաղվածության ապահովման առումով՝ հաղթահարելով առկա մարտահրավերները: ԿԳՄՍ նախարարի տեղակալի ընդգծմամբ՝ մեծահասակների ոչ ֆորմալ կրթությունն արտացոլված է նաև պետական քաղաքականության մեջ. «Կրթության ռազմավարությունում առանձին հատված հատկացված է ոչ ֆորմալ կրթության ընթացակարգերի կարգավորմանը, որոնք հնարավորություն են տալու մեծահասակների կրթությունն ավելի կանոնարկված իրականացնել»: Նա գործընթացում կարևորել է միջազգային կառույցների և համայնքի ակտիվ դերակատարումը՝ շնորհակալություն հայտնելով արդյունավետ համագործակցության համար: Փոխնախարարը տեղեկացրել է, որ նախատեսվում է ստեղծել ոչ ֆորմալ կրթության շտեմարան՝ որպես մասնագիտական կարողությունները կատարելագործելու հարթակ:
Նշենք, որ սա մեծահասակների ուսումնառության և կրթության՝ Հայաստանում բացվող 5-րդ կենտրոնն է. նման կենտրոններ գործում են Գյումրիում, Սիսիանում, Դիլիջանում և Մարտունիում:
10:58 01.05.2025
Ուկրաինան համաձայնել է ԱՄՆ-ի կողմից Ռուսաստանի հետ հակամարտությունը կարգավորելու պայմաններինԱՄՆ նախագահի Ուկրաինայի հարցերով հատուկ ներկայացուցիչ Քիթ Քելլոգը հայտարարել է, որ անցյալ շաբաթ Լոնդոնում Մեծ Բրիտանիայի, Ֆրանսիայի և Գերմանիայի մասնակցությամբ կայացած բանակցություններում Վաշինգտոնը և Կիևը համաձայնության են եկել ուկրաինական հակամարտության կարգավորման 22 կոնկրետ պայմանների շուրջ։ «Մենք ուկրաինացիների հետ անկեղծ և դժվարին քննարկումների ընթացքում առաջարկել ենք 22 շատ կոնկրետ պայմաններ, և մենք կարծում ենք, որ գտնվում […] ...
10:47 01.05.2025
Մայիսի 1-ը մեր բոլորի համար հատուկ օր է՝ նվիրված արարող մարդու անկոտրում կամքին, նվիրումին և ամենօրյա աշխատանքին․ ԱԺ նախագահՀՀ ԱԺ նախագահ Ալեն Սիմոնյանը ուղերձ է հղել Աշխատանքի օրվա կապակցությամբ. «Սիրելի՛ քաղաքացիներ, Մայիսի 1-ը մեր բոլորի համար հատուկ օր է՝ նվիրված արարող մարդու անկոտրում կամքին, նվիրումին և ամենօրյա աշխատանքին։ Հենց աշխատող քաղաքացու տքնաջան ու հուսալի ձեռքերով է ձևավորվում իր իսկ ընտանիքի բարեկեցությունը, ինչպես նաև ամրանում մեր պետությունն ու անվտանգությունը։ Ցանկանում եմ երախտագիտությունս հայտնել ձեզ՝ […] ...
10:34 01.05.2025
Պատանիներն ու երիտասարդները սկսում են պայքարն ծանրամարտի աշխարհի առաջնությունումՊատանիներն ու երիտասարդները սկսում են պայքարն աշխարհի առաջնությունում: Այս մասին հայտնում են Ծանրամարտի ֆեդերացիայից։ Պերուի մայրաքաղաք Լիմայում ընթացող աշխարհի առաջնությունում Հայաստանի հավաքականից առաջինը մրցահարթակ դուրս կգան 55 կգ Ալեքսանդրա Գրիգորյանն ու 67 կգ քաշային Հովհաննես Հովհաննիսյանը: Մեր մարզիկների ելույթները կմեկնարկեն մայիսի 2-ին` Երևանի ժամանակով գիշերը` 03:30-ին: ...
10:25 01.05.2025
Այնթապ բնակավայրում գործարկվելու է էլեկտրական շչակՄայիսի 2-ին՝ ժամը 11:00-ից մինչև 12:00-ն ընկած ժամանակահատվածում, Արարատի մարզի Մասիս համայնքի Այնթապ բնակավայրի «Արամ և Հասմիկ Կարամանուկյանների անվան թիվ 1 միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով գործնական պարապմունք, որի ընթացքում գործարկվելու է էլեկտրական շչակ։ ...
10:17 01.05.2025
Տարադրամի փոխարժեքները մայիսի 1-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 387.50 դրամ, վաճառքի նվազագույն արժեքը՝ 390.5 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 443 դրամ: Ռուսական ռուբլու առքի առավելագույն արժեքն է 4․7 դրամ, վաճառքի նվազագույն արժեքը՝ 4․85 դրամ: ...
10:00 01.05.2025
Հնդկաստանի ԱԳՆ-ը հայտարարել է, որ Պահալգամի վրա հարձակման կասկածյալները պետք է պատժվենՀնդկաստանի արտաքին գործերի նախարար Սուբրահմանյամ Ջայշանքարը ԱՄՆ պետքարտուղար Մարկո Ռուբիոյի հետ զրույցում ասել է, որ Պահալգամում (Հնդկական Ջամու և Քաշմիր արհմիության տարածք) ահաբեկչության հեղինակները պետք է պատժվեն։ «Երեկ ԱՄՆ պետքարտուղար Մարկո Ռուբիոյի հետ քննարկել ենք Պահալգամի հարձակումը։ Դրա մեղավորներն ու կազմակերպիչները պետք է պատասխանատվության ենթարկվեն», -գրել է Ջայշանքարը X-ում։ Չորեքշաբթի օրը Պետդեպարտամենտը հայտնել է, որ […] ...
