15:08 01.11.2024
Առողջապահության նախարարության գծով ՀՀ 2025 թվականի պետական բյուջեով նախատեսվում է հատկացնել 162 մլրդ 996 մլն դրամ, որը 5,3 մլրդ դրամով պակաս է 2024 թվականի համեմատ:
Այս մասին ասել է ՀՀ ֆինանսների նախարար Վահե Հովհաննիսյանը` ԱԺ առողջապահության հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում նոյեմբերի 1-ին քննարկման ներկայացնելով «ՀՀ 2025 թվականի պետական բյուջեի մասին» ՀՀ օրենքի նախագիծը:
2025 թվականի բյուջեի նախագծում Առողջության համապարփակ ապահովագրության ներդրման համար միջոցներ չեն նախատեսվել: Վահե Հովհաննիսյանը, ներկայացնելով Ֆինանսների նախարարության դիրքորոշումը, նշել է, որ Առողջության համապարփակ ապահովագրության ծրագրի ներդրման ձեւի եւ բովանդակության վերաբերյալ տարաձայնություններ չունեն:
«Միջնաժամկետ ծախսերի շրջանակում 2025 թվականին մենք արդեն նախատեսել էինք ապահովագրության առաջին փուլի մեկնարկը: Սակայն ֆիսկալ տարածքի սահմանափակ լինելու հետ կապված ապահովագրության հատվածը դուրս է եկել»,- պարզաբանել է ՀՀ առողջապահության նախարար Անահիտ Ավանեսյանը` հավելելով, որ 2024 թվականի ընթացքում առողջության ապահովագրությանը վերաբերող օրենսդրական փաթեթի մշակման աշխատանքները շարունակվել են: Խորհրդարանն արդեն ստացել է օրենսդրական փաթեթը, որի վերաբերյալ առաջիկայում տեղի կունենան մի շարք քննարկումներ:
Անդրադառնալով 2025 թվականին իրականացվելիք ծրագրերին` նախարարը տեղեկացրել է, որ կատարվել է փոփոխություն «Իմունականխարգելման ազգային ծրագրում». այս տարի իրականացվել է ջրծաղիկի պատվաստանյութի գնման գործընթաց: Մեկնարկում է ջրծաղիկի պատվաստումների ծրագիրը, ըստ որի` առաջնահերթությունը կտրվի նախազորակոչային տարիքի անձանց, զորակոչիկներին:
Ըստ Անահիտ Ավանեսյանի` վեց ամիսների ամփոփված տվյալներով արձանագրվել է մանկական մահացության դեպքերի, չարորակ նորագոյացությունների եւ սրտանոթային հիվանդությունների հայտնաբերման նվազում: Նախարարությունը շարունակում է սքրինինգային ծրագրերի, առողջ ապրելակերպի քաղաքականության իրականացման ընդլայնումը:
Անահիտ Ավանեսյանը պատասխանել է պատգամավորների հարցերին` ներկայացնելով պարզաբանումներ բյուջեի նախագծում տեղ գտած ֆինանսական հատկացումների, նախադպրոցական եւ դպրոցական ծրագրերում սպորտի պարտադիր ներդրման, մոր եւ մանկան առողջության ուղղությամբ 2025 թվականին իրականացվելիք ծրագրերի, հոգեկան առողջության բուժօգնության որակի ապահովման վերաբերյալ: Նա ընդգծել է, որ նախագծում տեղ գտած հիմնավորումները, ուղղությունները, ծախսային հոդվածները համապատասխանում են մեր երկրի առողջապահական առաջնահերթություններին:
17:36 21.05.2025
Մասրիկ գետից դուրս է բերվել երկու քաղաքացու դի
17:28 21.05.2025
Արայիկ Հարությունյանն ընդունել է Եվրոպական հեծանվային միության նախագահին և գլխավոր քարտուղարինՎարչապետի աշխատակազմի ղեկավար Արայիկ Հարությունյանն ընդունել է Եվրոպական հեծանվային միության նախագահ Էնրիկո Դելա Կասային և միության գլխավոր քարտուղար Ալասդեր Մակլենանին: Հանդիպմանը ներկա են եղել ԿԳՄՍ նախարարի տեղակալ Հասմիկ Ավագյանը, ՀՀ հեծանվային մարզաձևի ֆեդերացիայի նախագահ Արա Սադոյանը և քարտուղար Վահագն Թուխարյանը: Քննարկվել են Հայաստանում հեծանվային սպորտի զարգացման ուղղությամբ իրականացվող աշխատանքներն ու հետագա ծրագրերը: Արայիկ Հարությունյանը շնորհակալություն […] ...
17:21 21.05.2025
Վարչապետն ընդունել է Իրանի պաշտպանության և զինված ուժերի աջակցման նախարարի գլխավորած պատվիրակությանըՎարչապետ Նիկոլ Փաշինյանն ընդունել է պաշտոնական այցով Հայաստանի Հանրապետություն ժամանած ԻԻՀ պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեի գլխավորած պատվիրակությանը: Վարչապետը գոհունակությամբ ընդգծել է, որ Հայաստան-Իրան հարաբերությունները զարգանում են բարձր տեմպերով, ինչը հիմնված է երկկողմ բնական շահերի վրա: Նիկոլ Փաշինյանը համագործակցության ընդլայնման ու խորացման գործում շեշտել է երկու երկրների իշխանությունների քաղաքական կամքը: […] ...
17:14 21.05.2025
Դատախազական ներգործության արդյունքում՝ Իջևան համայնքին է վերադարձվել Խաշթառակ բնակավայրի մանկապարտեզի մասնաշենքըՏավուշի մարզի դատախազությունը, պետական (համայնքային) շահերի պաշտպանության լիազորության շրջանակում, ուսումնասիրել է Տավուշի մարզի Իջևան համայնքի Խաշթառակ բնակավայրին սեփականության իրավունքով պատկանող՝ 9-րդ փողոցի 11 հասցեում գտնվող՝ 198.45 քմ մակերեսով համայնքի մանկապարտեզի մասնաշենքի փաստաթղթերը: Ուսումնասիրության արդյունքում պարզվել է, որ 2017 թվականի փետրվարի 27-ին Տավուշի մարզի Խաշթառակ գյուղական համայնքը՝ ի դեմս համայնքի ղեկավարի, կնքել է անշարժ գույքի վարձակալության […] ...
17:07 21.05.2025
Երևանի քրեական ոստիկանները ավազակության դեպք են բացահայտելԱվազակության վերաբերյալ հաղորդումը Քրեական ոստիկանության Երևան քաղաքի վարչությունում ստացվել էր մայիսի 2-ին: Օտարերկրյա քաղաքացին Զաքյան փողոցում գտնվող հյուրանոցի հետնամասում հարվածել էր 42-ամյա քաղաքացու դեմքին և հափշտակել պայուսակը, որի մեջ փող, ոսկյա շղթա և այլ իրեր կային: Նախաձեռնվել էր քրեական վարույթ: Ձեռնարկված միջոցառումների շնորհիվ պարզվել է, որ ավազակությունը կատարել է 24-ամյա օտարերկրացի: Նա մայիսի 18-ին մայրաքաղաքի […] ...
17:00 21.05.2025
Ռոնալդուն «բացահայտել» է, որ կենսաբանորեն 11 տարով երիտասարդ է«Ալ Նասրի» հարձակվող Կրիշտիանու Ռոնալդուն Whoop փոդքասթի ընթացքում խոսել է իր կայուն ֆիզիկական մարզավիճակի գաղտնիքների մասին: Պորտուգալացին խոստովանել է, որ Whoop համակարգը, որը զբաղվում է մարզիկների սրտի աշխատանքի, վերականգնողական ծրագրերի և քնի կառավարման ուսումնասիրություններով, պարզել է, որ 40-ամյա ֆուտբոլիստը կենսաբանորեն այժմ 28.9 տարեկան է. «Չէի հավատում, որ մարմինս այդքան երիտասարդ է: Սա նշանակում է, որ […] ...
16:49 21.05.2025
Պակիստանը սպառնում է կոշտ պատասխան տալ Հնդկաստանին, եթե վերջինը խախտի հրադադարըՀնդկաստանի կողմից ռազմական գործողությունների վերսկսումը կհանգեցնի Պակիստանի կողմից ավելի հզոր պատասխանի։ Այս նախազգուշացումը հրապարակել է Պակիստանի զինված ուժերի խոսնակ Ահմեդ Շարիֆ Չուդհրին։ «Պակիստանը և Հնդկաստանը երկու միջուկային տերություններ են։ Եթե Հնդկաստանը ցանկանում է ռազմական հակամարտություն սկսել, ապա կրակի հետ է խաղում։ Մենք ավելի ուժեղ կհարվածենք, եթե նա փորձի խախտել հրադադարը», – բրիտանական Financial Times թերթին […] ...
