19:10 12.06.2025
Հանրապետության նախագահ Վահագն Խաչատուրյանն ընդունել է պաշտոնական այցով Հայաստանում գտնվող Եվրոպայի խորհրդի գլխավոր քարտուղար Ալեն Բերսեին։
Ողջունելով հյուրին՝ նախագահ Խաչատուրյանը գոհունակություն է հայտնել Եվրոպայի խորհրդի հետ Հայաստանի բարձր մակարդակի, կանոնավոր երկխոսության և փոխայցերի կապակցությամբ, որոնք ընթացիկ տարվա ընթացքում նշանավորվել են հագեցած օրակարգով։
«Ուրախ եմ ողջունել Ձեզ։ Շատ կարևորում եմ Ձեր այցը Հայաստան։ Հատկանշական է, որ եվրոպական առաջին կառույցը, որի հետ անկախացումից հետո սկսել ենք աշխատել, եղել է Եվրոպայի խորհուրդը, և ես հիշում եմ՝ 1990-ականներին կատարված այդ աշխատանքն ինչ ոգևորություն և պատասխանատվության զգացում էր առաջացրել մեզ մոտ։
Դա հետագայում շարունակվեց, երբ դարձանք Եվրոպայի խորհրդի խորհրդարանական վեհաժողովի լիակատար անդամ։ Ըստ այդմ՝ մենք ստանձնեցինք պարտավորություններ, որոնք կատարել ենք և շարունակում ենք կատարել։
Այս համատեքստում ցանկանում եմ շնորհակալություն հայտնել հետևողականության, ինչպես նաև աջակցության համար։ Խոսքը վերաբերում է հատկապես ժողովրդավարական արժեքների արմատավորմանը»,- իր ողջույնի խոսքում մասնավորապես նշել է Վահագն Խաչատուրյանը։
Ալեն Բերսեն շնորհակալություն է հայտնել ջերմ ընդունելության համար։
«Ես իսկապես շատ ուրախ եմ այցելել Հայաստան։ Այս այցն ընդգծում է այն աջակցությունը, որը մենք մշտապես ցուցաբերել ենք Հայաստանի նկատմամբ։ Մենք իսկապես խորապես տպավորված ենք այն զարգացումներով, որոնք երկիրն ունեցել է վերջին 30 տարիների ընթացքում»,- նշել է նա։
Հանդիպման ընթացքում կողմերը քննարկել են ժողովրդավարության ինստիտուտների կայացման գործընթացում Հայաստանի և Եվրոպայի խորհրդի սերտ համագործակցությունը։ Այս համատեքստում ընդգծվել է ժողովրդավարական արժեքների պաշտպանության, իրավունքի գերակայության, ինչպես նաև մարդու և քաղաքացու հիմնարար իրավունքների և ազատությունների պահպանման ուղղությամբ ՀՀ իշխանությունների կողմից ձեռնարկվող համապարփակ բարեփոխումների կարևորությունը։
Անդրադառնալով տարածաշրջանային անվտանգային իրադրությանը՝ նախագահ Խաչատուրյանը ներկայացրել է Հայաստանի դիրքորոշումը՝ վերահաստատելով երկրի հաստատակամությունը՝ հասնելու կայուն և հարատև խաղաղության։
Նախագահը նշել է, որ Հայաստանը լիովին հանձնառու է իր միջազգային պարտավորություններին և պատրաստ է կառուցողական փոխգործակցության՝ ուղղված տարածաշրջանում կայունության ու անվտանգության ամրապնդմանը։
Ալեն Բերսեն իր հերթին ընդգծել է Եվրոպայի խորհրդի պատրաստակամությունը՝ շարունակելու աջակցել Հայաստանին ժողովրդավարական կառույցների ամրապնդման, արդարադատության համակարգի զարգացման և մարդու իրավունքների պաշտպանության ոլորտներում։ Նա կարևորել է կայուն և ներառական բարեփոխումների իրականացումը՝ որպես ժողովրդավարական հասարակության հիմք և նշել, որ Եվրոպայի խորհուրդը շարունակելու է լինել վստահելի գործընկեր այդ գործընթացում։
17:55 13.06.2025
«Եվրոպական հնագիտության օրերը ևս մեկ հնարավորություն են՝ հայացքն ուղղելու մեր երկրի ժառանգությանը». Ժաննա ԱնդրեասյանՀայաստանում մեկնարկել են Եվրոպական հնագիտության օրերը: Միջոցառումների շրջանակում ՀՀ կրթության, գիտության, մշակույթի և սպորտի նախարար Ժաննա Անդրեասյանն ու ՀՀ-ում Եվրոպական միության պատվիրակության ղեկավար, դեսպան Վասիլիս Մարագոսն այսօր «Եվրոպական ժառանգության երիտասարդ կերտողները» մանկապատանեկան ստեղծագործական մրցույթի մասնակից դպրոցականների հետ այցելել են Մեծամորի պատմահնագիտական արգելոց-թանգարան: Այցին մասնակցել է նաև ԿԳՄՍ նախարարի տեղակալ Ալֆրեդ Քոչարյանը: Հյուրերը շրջել են թանգարանի […] ...
17:50 13.06.2025
Վահագն Խաչատուրյանն ընդունել է Քաղաքաշինության կոմիտեի նախագահ Եղիազար ՎարդանյանինՀանրապետության նախագահ Վահագն Խաչատուրյանն այսօր ընդունել է ՀՀ Քաղաքաշինության կոմիտեի նախագահ Եղիազար Վարդանյանին։ Հանդիպման ընթացքում Քաղաքաշինության կոմիտեի ղեկավարը Հանրապետության նախագահին է ներկայացրել քաղաքաշինության ոլորտում իրականացվող ընթացիկ ծրագրերը, զարգացման առաջնահերթությունները, ինչպես նաև նախատեսվող բարեփոխումների հիմնական ուղղությունները։ Զրույցի ընթացքում անդրադարձ է կատարվել երկրի տարածքային համաչափ զարգացման, նոր բնակավայրերի և բնակելի միջավայրի ձևավորման, սեյսմիկ անվտանգության բարձրացման, ինչպես նաև […] ...
17:40 13.06.2025
Ալեն Սիմոնյանն ընդունել է Հայաստանում Քուվեյթի նորանշանակ արտակարգ և լիազոր դեսպանինՀՀ ԱԺ նախագահ Ալեն Սիմոնյանը հունիսի 13-ին ընդունել է Հայաստանում Քուվեյթի Պետության նորանշանակ արտակարգ եւ լիազոր դեսպան Մուհամմադ Տարեկ Ալի Ալ-Օրայֆանին: Շնորհավորելով դեսպանին պաշտոնը ստանձնելու կապակցությամբ` ՀՀ ԱԺ նախագահը հույս է հայտնել, որ վերջինիս պաշտոնավարման ընթացքում Հայաստանի եւ Քուվեյթի հարաբերությունները նոր թափ կստանան` ընդգրկելով տարբեր ոլորտներ: Դեսպան Տարեկ Ալի Ալ-Օրայֆանն իր հերթին շնորհակալություն է հայտնել […] ...
17:34 13.06.2025
Վարչապետը Պրահայում մասնակցել է «Օգտագործելով պահը՝ հարևանների հետ երկարատև գործընկերություն կերտելու համար» պանելային քննարկմանըՎարչապետ Նիկոլ Փաշինյանը Պրահայում ընթացող «GLOBSEC 2025» ֆորումի շրջանակում մասնակցել է «Օգտագործելով պահը՝ հարևանների հետ երկարատև գործընկերություն կերտելու համար» պանելային քննարկմանը: Վերջինիս մասնակցել են նաև Սերբիայի նախագահ Ալեքսանդր Վուչիչը, Ավստրիայի նախկին կանցլեր Ալեքսանդր Շալենբերգը և Սլովակիայի արտաքին և եվրոպական գործերի նախկին նախարար Միրոսլավ Լայչակը: Վարչապետը, պատասխանելով քննարկման մոդերատորի` ԵՄ-ին անդամակցության մասին հարցին, հիշեցրել է, որ […] ...
17:30 13.06.2025
Գավառի ոստիկանները «Կալաշնիկովի» ինքնաձիգ և պայթուցիչով նռնակ են հայտնաբերելՀամայնքային ոստիկանության Գավառի բաժնի ծառայողների՝ ապօրինի պահվող զենք-զինամթերքը կամավոր հանձնելու ուղղությամբ անցկացրած բացատրական աշխատանքի արդյունքում հունիսի 11-ին ոստիկանություն զանգահարած քաղաքացին հայտնել է կոնկրետ վայր, որտեղ զենք-զինամթերք է թողել: Նախաձեռնված քրեական վարույթի շրջանակում զննություն է կատարվել նշված տարածքում: Հայտնաբերվել են «Կալաշնիկովի» ինքնաձիգ, տարբեր տրամաչափի 29 փամփուշտ և «Ֆ-1» տիպի նռնակ՝ պայթուցիչով: Հիշեցնենք, որ ապօրինի պահվող զենք-զինամթերքը […] ...
17:09 13.06.2025
Առաջարկվում է արգելել տրանսպորտային միջոցներում լրացուցիչ ուժեղացուցիչների, բարձրախոսների, ստանդարտին չհամապատասխանող խլացուցիչների տեղադրումըՀՀ ԱԺ «Քաղաքացիական պայմանագիր» խմբակցության պատգամավորներ Սերգեյ Բագրատյանը, Ալեն Սիմոնյանը, Հասմիկ Հակոբյանը, Արսեն Թորոսյանն ու Արուսյակ Ջուլհակյանն առաջարկում են լրացում կատարել «Ճանապարհային երթեւեկության անվտանգության ապահովման մասին» օրենքում եւ փոփոխություն՝ Վարչական իրավախախտումների վերաբերյալ ՀՀ օրենսգրքում: Օրենսդրական փաթեթը Պաշտպանության եւ անվտանգության հարցերի մշտական հանձնաժողովի՝ հունիսի 13-ի նիստում քննարկման է ներկայացել Սերգեյ Բագրատյանը: Զեկուցողը նշել է, որ մեքենաներում […] ...
