18:46 10.10.2018
Հոկտեմբերի 10-ին Ն.Ս.Օ.Տ.Տ. Գարեգին Բ Ծայրագույն պատրիարք և Ամենայն Հայոց կաթողիկոսը Մայր Աթոռ Սուրբ Էջմիածնում հանդիպում է ունեցել դիվանագիտական առաքելությունը Հայաստանի Հանրապետությունում ավարտող Ամերիկայի Միացյալ Նահանգների արտակարգ և լիազոր դեսպան Ռիչարդ Միլսի հետ, տեղեկացնում են Մայր Աթոռի տեղեկատվական համակարգից:
Ամենայն Հայոց կաթողիկոսը գոհունակությամբ անդրադարձել է ԱՄՆ ժողովրդի և իշխանությունների կողմից երկրին բերած մշտական զորակցությանը, հայ-ամերիկյան հարաբերություններին` գնահատելով նաև դրանց ամրապնդման և զարգացման գործում դեսպանի ներդրած ջանքերը: Վեհափառ Հայրապետն ընդգծել է, որ Հայաստանում պաշտոնավարման տարիներին դեսպանն ականատես եղավ պատմական մի շարք իրադարձություններին:
Իր հերթին ԱՄՆ դեսպանը, ուրախություն հայտնելով Հայաստանում իր ծառայությունը բերելու առիթով, նշել է, որ թողնում է երկիրը նրա ապագայի հանդեպ մեծ հույսերով:
Պարոն Միլսը գոհունակությամբ հաստատել է, որ այս տարիներին հնարավորություն է ունեցել ճանաչելու հայ ժողովրդին, ավելին իմանալու ժողովրդի կյանքում Հայոց Եկեղեցու կարևոր դերի և պատասխանատվության մասին, ինչպես նաև ծանոթանալու ազգային ավանդույթներին և սովորություններին:
Հանդիպման ընթացքում Վեհափառ Հայրապետը, անդրադառնալով Ղարաբաղյան հակամարտությանը և սահմանին արձանագրվող անցանկալի միջադեպերին, որոնց հետևանքով երիտասարդ կյանքեր են ընդհատվում, հույս է հայտնել, որ ԵԱՀԿ Մինսկի խմբի ջանքերով և միջազգային հանրության զորակցությամբ խնդիրը կգտնի իր խաղաղ լուծումը և կերաշխավորվի մեր ժողովրդի ազատ, անկախ կյանքը մեր պատմական Արցախ աշխարհում:
Այս առիթով Նորին Սրբությունն իր գնահատանքն է արտահայտել հակամարտության խաղաղ կարգավորմանն ի նպաստ Մինսկի խմբի շրջանակներում ԱՄՆ-ի կողմից գործադրվող ջանքերի կապակցությամբ:
Ամենայն Հայոց կաթողիկոսը մտահոգությամբ է խոսել նաև երկրի առջև ծառացած մարտահրավերների, մասնավորապես սոցիալ-տնտեսական կյանքի մասին:
Անդրադառնալով ներքաղաքական իրավիճակին` Հայոց Հայրապետը հույս է հայտնել, որ կգտնվեն բարվոք լուծումներ փոխհասկացողության ոգով և երկխոսության ճանապարհով:
Նորին Սրբությունը շեշտել է, որ հայ ժողովուրդն իր քրիստոնեական հավատի շնորհիվ լավատեսությամբ է մշտապես հաղթահարել իր կյանքի դժվարությունները և արձանագրել բարի արդյունքներ:
Զրույցի ընթացքում Ամենայն Հայոց կաթողիկոսն ու ԱՄՆ դեսպանն անդրադարձել են նաև Նյու Յորքի «Մետրոպոլիտեն» թանգարանում կազմակերպված «Հայաստան» ցուցահանդեսին` բարձրորեն գնահատելով կատարված աշխատանքը:
Վերջում Վեհափառ Հայրապետը հաջողություններ է մաղթել դեսպանին հետագա իր ծառայության մեջ:
16:11 12.05.2025
Պարեկները երիտասարդի մոտ գազային ատրճանակ և թմրանյութ են հայտնաբերելԱրարատի մարզի պարեկները մայիսի 11-ին Արտաշատ քաղաքի Օգոստոսի 23-ի փողոցում մոտեցել են կասկածելի վարքագիծ դրսևորող մի երիտասարդի, որի ձեռքին նկատել են ատրճանակ: Նա ապօրինի զենք-զինամթերք կրելու և պահելու կասկածանքով ձերբակալվել և տեղափոխվել է Համայնքային ոստիկանության Արտաշատի բաժին: Անձնական խուզարկությամբ Նորակերտ գյուղի բնակիչ 19-ամյա երիտասարդի մոտ հայտնաբերվել է գազային ատրճանակ և կանեփանման դեղնականաչավուն զանգված: Կազմված փաստաթղթերը […] ...
16:00 12.05.2025
Լեգենդար Դավիդ Տրեզեգեն կայցելի ՀայաստանԱշխարհի և Եվրոպայի չեմպիոն, «Յուվենտուսի» լեգենդար ֆուտբոլիստ Դավիդ Տրեզեգեն մայիսի 29-ին Երևանում կմասնակցի թուրինյան ակումբի` հայաստանյան ակադեմիայի պրեզենտացիային: Հանրահայտ ֆրանսիացին այժմ ՖԻՖԱ-ի դեսպան է: ...
15:55 12.05.2025
Սևանա լճի հիդրոլոգիական ռեժիմը մայիսի 5-11-ըՍևանա լճի մակարդակը 2025 թվականի մայիս 5-11-ն ընկած ժամանակահատվածում բարձրացել է 5 սմ-ով և կազմել՝ 1900.63 մ (11.05.25թ․), որն անցյալ տարվա նույն օրվա մակարդակից բարձր է 22 սմ-ով, իսկ 2025 թվականի հունվարի 1-ի մակարդակից՝ 24 սմ-ով։ Արփա-Սևան ջրատարով 2025 թվականի մայիսի 5-11-ն ընկած ժամանակահատվածում Սևանա լիճ տեղափոխված ջրի քանակը կազմել է 11.327 մլն.մ³, իսկ 2025 […] ...
15:48 12.05.2025
Համերկրացուն սպանած 23-ամյա երիտասարդը կալանավորվել էՀամայնքային ոստիկանության Քանաքեռ-Զեյթունի բաժնի ծառայողները մայիսի 8-ին՝ ժամը 20.05-ին, օպերատիվ տեղեկություն էին ստացել, որ Ռուբինյանց փողոցում գտնվող սուպերմարկետի մոտ երկու օտարերկրացիների վեճն ավարտվել է դանակահարությամբ: Րոպեներ անց ՆԳՆ օպերատիվ կառավարման կենտրոնից է հաղորդում ստացվել. կենտրոն զանգահարած քաղաքացին հայտնել էր, որ Պարույր Սևակի և Ռուբինյանց փողոցների խաչմերուկում դանակահարություն է տեղի ունեցել, մեկ անձ տեղափոխվել է հիվանդանոց: […] ...
15:35 12.05.2025
Ագրոօդերևութաբանական տեղեկատվություն. մայիսի 5-11-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ագրոօդերևութաբանական տեղեկատվություն. մայիսի 5-11-ը։ Շաբաթվա ընթացքում հովտային և նախալեռնային շրջաններում շարունակվել է կորիզավոր պտղատուների աճը, լեռնային շրջաններում՝ հնդավորների ծաղկումը։ Արարատյան դաշտում շարունակվել է բանաջարանոցային մշակաբույսերի սածիլումը, տեղ-տեղ առաջացել են լոլիկի և սմբուկի կողային ընձյուղները։ Նախալեռնային շրջաններում դիտվել են կարտոֆիլի կողային ընձյուղները, լեռնային շրջաններում՝ ծիլերը։ Լեռնային շրջաններում աշնանացան ցորենը գտնվել է […] ...
15:30 12.05.2025
Հայաստանի գավաթի եզրափակչի մրցավարական անձնակազմըՀայաստանի գավաթի «Նոա» – «Արարատ-Արմենիա» եզրափակիչը կսպասարկի Աշոտ Հարությունյանի գլխավորած մրցավարական անձնակազմը: Նրան եզրերում կօգնեն Մեսրոպ Ղազարյանը և Արթուր Գդլյանը, չորրորդ պաշտոնյան կլինի Վարդան Մանուկյանը: VAR համակարգի մրցավարներն են Զավեն Հովհաննիսյանը և Ատոմ Սևգուլյանը։ ՀՖՖ պատվիրակ է նշանակվել Արամ Առաքելյանը, մրցավարների տեսուչ՝ Արման Ալաբերքյանը: Վճռորոշ խաղը տեղի կունենա մայիսի 13-ին «Հանրապետական» ստադիոնում։ ...
