Ո՞ւր է իրականում գլորվում մեր մոլորակը

Մեր մոլորակն անշեղորեն շարժվում է դեպի կործանում, կանխատեսում են գիտնականները: Մարդկությունը շուտով կոչնչացնի թե՛ իրեն, թե ՛ այս մոլորակը, մոտավորապես այսպիսի զգացողություններ են, երբ կարդում ենք գիտական ամենաթարմ վերլուծությունները: 2018 թվականին 10 գիտական հոդվածից միջինը 8-ում ներկայացված է եղել, թե ինչպես է բնության քայքայումը բացասաբար ազդում մարդկային կենսակերպի ու օրգանիզմի վրա: Տարեցտարի այդ պատկերը դառնում է ավելի ու ավելի մտահոգիչ: Եվ այսպես՝  ո՞ւր է իրականում գլորվում մեր մոլորակը:

Ներկայացնում ենք գիտական աշխարհում ամենաշատ արձագանք ստացած հոդվածներն ու վերլուծությունները:

ԱՄՆ Գիտության ազգային ակադեմիա
Հոդվածը վերլուծում է մոլորակի վրա կենսաբազմազանության խնդիրները:

«Մարդիկ մոլորակի կենսաբազմազանության 0․01 տոկոսն են կազմում, մինչդեռ ոչնչացրել են վայրի կաթնասունների 83 տոկոսը և բույսերի 50 տոկոսը»:

Nature ամսագիր

Հոդվածում ներկայացված է, թե ինչպես է մոլորակի գլոբալ տաքացումը վնասում Կորալյան խութերը:

«Վերջին 9 ամսվա ընթացքում Համաշխարհային օվկիանոսի ջերմաստիճանի բարձրացումը ոչնչացրել է Բարիերային մեծ խութի  մեկ երրորդ մասը: Դա, ի դեպ, աշխարհում խոշորագույն խութն է: 2016 թվականից այն կիսով չափ փոքրացել է: 

Խաղաղօվկիանոսյան մեծ աղբը: Մոտավոր հաշվարկներով` մոտ 80 տոննա պլաստիկե աղբ ծածկում է ջրային մակերևույթի 1.6 մլն քառ կմ տարածքը:

Կլիմայի փոփոխությունը անդառնալի վնաս կարող է հասցնել, որի հետևանքները նկատելի կլինեն արդեն երկու տասնամյակ անց, զգուշացնում են ամերիկացի գիտնականները:

Գիտնականները վստահեցնում են, որ մարդկությանը սպառնացող վտանգներից մեկն էլ ալկոհոլային խմիչքներն են։ Առողջությունը պահպանելու համար գիտնականները կտրականապես արգելում են սպիրտային խմիչքների օգտագործումը:

Անհավատալի է, բայց որպես մարդկությունը քայքայող գործոններ՝ հետազոտողները նշում են համացանցում տարածվող հսկայական չափի սուտը, կեղծիքը, զրպարտանքն ու վիրավորանքները: Դրանք բարոյական, հոգեբանական մեծ վնաս են հասցնում մարդկանց, կարծում են գիտնականները:

Մոլորակին սպառնացող լուրջ վտանգների թվում գիտնականները նշում են նաև տարերային աղետները: Օրինակ՝  Պուերտո Ռիկոյում  մոլեգնած փոթորիկը 2017 թվականի սեպտեմբերին, պաշտոնական  տվյալներով, 64 մարդու կյանք խլեց, սակայն իրականում զոհերի թիվն անցել էր 5 հազարը: