Պատվաստումներից հրաժարվելը՝ սպառնալիք մարդկությանը

4. Վատ կենսապայմաններ 

Հիշենք, թե որքան սննդամթերք ենք թափում, քանի որ չենք հասցնում սպառել: Որքան հաց է հնանում, որքան խմելու ջուր ենք սպառում անտեղի: Մինչդեռ մոլորակի բնակչության 6.1 մլրդ-ը՝ մոտ 22 տոկոսը, չունի կյանքի համար անհրաժեշտ սնունդ և խմելու մաքուր ջուր: Այդ խնդիրները հատկապես սուր են հակամարտությունների գոտիներում, որտեղից  մարդիկ տարերայնորեն արտագաղթում են կամ մահանում՝ տարրական կենսապայմանների բացակայության պատճառով:

5.Էբոլայի վիրուսը  

2018 թվականին Կոնգոյի Դեմոկրատական հանրապետությունում երկու տարբեր տեղերում գրանցվեց Էբոլայի վարակի բռնկման դեպք:  Դրանք արագ տարածվեցին բազմամիլիոնանոց բնակչություն ունեցող քաղաքներում: Համաճարակի բռնկման օջախներից մեկը գտնվում էր հակամարտության գոտում:

6. Պատվատումներից հրաժարվելը  

Պատվաստումներից հրաժարվելը,  անհրաժեշտ սրսկումների ժամանակացույցն անտեսելը նպաստում է ինֆեկցիոն հիվանդությունների տարածմանը: Այժմ, ըստ ԱՀԿ տվյալների, պատվաստումները կանխում են տարեկան 3 մլն մահ: Եթե այդ պատվաստումների թիվն ու աշխարհագրությունը մեծանա, բժշիկները կանխատեսում են, որ ևս 1.5 միլիոն մահ հնարավոր է  կանխել:

7.  Դենգեի տենդը 

Այս հիվանդությունը տարածվում է մոծակների միջոցով, ունի հարբուխանման ընթացք և հաճախ՝ մահացու ավարտ: Հիվանդների 20 տոկոսը մահանում է:  Տենդը  հաճախ բռնկվում է Հնդկաստանում և Բանգլադեշում անձրևների սեզոնին: Իսկ վերջին տարիներին այդ  երկրներում անձրևների սեզոնը բավականին երկարել է:  Վերջերս Դենգեի տենդով հիվանդանում են նաև բարեխառն գոտու բնակիչները, օրինակ՝ դեպքեր  են գրանցվել Նեպալում: ԱՀԿ-ի տվյալներով՝ մոլորակի բնակչության 40 տոկոսին սպառնում է այդ հիվանդությունը:

8.ՄԻԱՎ վարակը 

Միավ ախտորոշման և  բուժման գործում հսկայական առաջընթաց կա: Մոտ 22 մլն մարդ ստանում է  հակավիրուսային դեղեր, բայց, միևնույն ժամանակ, տարեկան 1 մլն մարդ մահանում է ՄԻՍՎ վարակից: Ի դեպ, երբ վարակը նոր էր հայտնաբերվել, ավելի քան 70 մլն հիվանդ կար, որոնց  կեսը մահացավ։ Այժմ աշխահում 37 մլն վարակակիր կա:  Ռիսկային են համարվում բանտարկյալները, սեքս- փոքրամասնությունների ներկայացուցիչները, «հնագույն » մասնագիտությամբ զբաղվողները: