Ո՞վ է Տավուշի նորանշանակ մարզպետը

ՀՀ կառավարության  06.02.2019թ. որոշումով Տավուշի մարզպետ Հայկ Չոբանյանը, կարելի է ասել, հայրենի տարածք է վերադառնում՝ ընտանիքով: Բանն այն է, որ նա ծնվել է 1973 թ. ՀՀ Տավուշի մարզի Տավուշ գյուղում:

SHANTNEWS.am-ը նորանշանակ մարզպետի որոշ կենսագրական տվյալներ է ներկայացնում:

• Հայկ Չոբանյանը ոսկե մեդալով ավարտել է Տավուշի մարզի Տավուշ գյուղի  միջնակարգ դպրոցը:
• 1995 թ. ավարտել է ԵՊՀ պատմության ‎ֆակուլտետը, եղել է ԵՊՀ ուսանողական խորհրդի առաջին նախագահը: 1995-1997 թթ. ծառայել է ՀՀ Զինված ուժերում:
• 1999 թ. ավարտել է ՀՀ կառավարման ակադեմիան: Աշխատանքային գործունեությունն սկսել է 1997 թ.՝ «Պետական ծառայողի լրատու» ամսագրի խմբագրությունում՝ որպես տնտեսական բաժնի խմբագիր:
• 1998-2001 թթ. աշխատել է ՀՀ կառավարության աշխատակազմում, ապա ՀՀ արդարադատության նախարարությունում:
• 2000-2003թթ. աշխատել է որպես հրատարակչության տնօրեն:
• 2003-2012 թթ. ղեկավարել է ՀՀ աշխատանքի և սոցիալական հարցերի նախարարության «Նորք տեղեկատվավերլուծական կենտրոն» փակ բաժնետիրական ընկերությունը:
• 2006-2013թթ. եղել է Ինֆորմացիոն Տեխնոլոգիաների Ձեռնարկությունների Միությունը /ԻՏՁՄ/ խորհրդի անդամ:
• 2012 թ. Հիմնադրել և մինչև 2018թ. ղեկավարել է «Արփի սոլար» ընկերությունը:
• 2014-ից աշխատել է Ինֆորմացիոն տեխնոլոգիաների ձեռնարկությունների միության փոխտնօրեն և «ՅուԱյԹի» ԷՔՍՊՈ ընկերության տնօրեն:
• 2018-ին հիմնադրել է Ֆրիներջի ընկերությունը և հանդիսանում է նրա գլխավոր տնօրենը:
• Ամուսնացած է, ունի երկու զավակ:

• 2007 թվականից սկսած Հայկ Չոբանյանը հանդիսացել է մի շարք տեղական և միջազգային նախաձեռնությունների անդամ, մասնավորապես՝ Հարավային և Արևելյան Եվրոպայի ՏՀՏ ֆորումի խորհրդի անդամ, ԵՄ էլեկտրոնային կառավարման զարգացման կենտրոնի մասնավոր ոլորտի աջակցության կոմիտեի անդամ, ՀՀ ՏՏ զարգացման ազգային խորհրդի անդամ, ԵՄ թվային շուկաների ներդաշնակեցում ծրագրի Հայաստանի ազգային համակարգող, ՏՏ համաշխարհային ալյանսի խորհրդի անդամ:
• 2012թ-ից ղեկավարում է Տավուշի հոգևոր վերածնունդ հիմնադրամը:
• 2016 թ-ից հիմնել է Կայուն էներգիայի զարգացման հիմնադրամը:
• 2016թ-ից «Իրական» դպրոց հիմնադրամի հոգաբարձուների խորհրդի նախագահն է:
• 2017թ-ից Հայաստանի փառատոնների ասոցիացիայի նախագահն է:

Հիշեցնենք, որ երեկ` լրագրողների հետ զրույցում, նորանշանակ մարզպետը վստահեցրել էր, որ թե´ ինֆորմացիոն տեխնոլոգիաների և թե´ արևային էներգետիկայի բնագավառում ունեցած իր փորձը ներդնելու է մարզի զարգացման համար: Տավուշի մարզի թիվ մեկ խնդիրը տնտեսական զարգացումն է համարում:

Չոբանյանը խոսել է այն մասին, թե ինչ ծրագրեր է պատրաստվում իրականացնել սահմանամերձ համայնքներում:

Մանրամասները՝ տեսանյութում: