17:50 07.03.2019
Շիրակի մարզպետ Տիգրան Պետրոսյանը այցելել է Սարապատ խոշորացված համայնքի մի շարք բնակավայրեր, այս մասին հայտնում են մարզպետարանի լրատվական ծառայությունից:
Հյուսիսային Շիրակի ամենավերջին բնակավայրը Ձորաշենն է՝ Սարապատ խոշորացված համայնքի կազմում է, մարզկենտրոնից ընդամենը 60 կմ հեռավորության վրա է գտնվում, սակայն մի ողջ բնություն է փոխում եղանակն ու պայմանները, գարունն այստեղ այնքան էլ շուտ չի գալիս, բայց դիտելու, հիանալու շատ բան կա:
«Ինձ համար Շիրակի մարզի հյուսիսն այն տեղն է, որի ներուժն անսպառ է ու դեռ չի օգտագործվում, այնինչ եթե օգտագործենք, ապա և համայնքներն ու բնակավայրերը կուժեղանան, և մարզը: Վստահ եմ՝ մեր համագործակցության ու երիտասարդ նախաձեռնողների մասնակցությամբ հնարավոր է զարգացնել ու շենացնել մեր բնակավայրերը»,- Ձորաշենի բնակիչների հետ հանդիպման ժամանակ նշել է Շիրակի մարզպետ Տիգրան Պետրոսյանը:
Ձմեռային տուրիզմի զարգացման, հեռանկարային ծրագրերի ու բնակավայրի հիմնախնդիրների մասին է խոսվել ինչպես Ձորաշենում, այնպես էլ Սարապատում: Չիչկան գետի ձախ ափին տեղակայված բնակավայրը ծովի մակարդակից շուրջ 2000 մ բարձրության վրա է գտնվում: Տարրական դպրոցն ընդամենը երկու աշակերտ ունի: Շիրակի մարզպետն այցելել է բնակավայրի դպրոց, զրուցել բնակիչների հետ: Մարզպետը նրանց տեղեկացրել է, որ բնակավայրի զբոսաշրջային հնարավորություններով արդեն իսկ հետաքրքրված են նախաձեռնող երիտասարդները, որոնց աջակցելու պատրաստակամություն ունեն մարզային իշխանությունները:
Մարզպետն այցելել է նաև Փոքր Սարիար, Բաշգյուղ բնակավայրեր, զրուցել բնակիչների հետ, լսել նրանց մտահոգություններն ու խնդիրները: Բնակիչները դժգոհել են ճանապարհների վատ վիճակից: Ճանապարհների վատ վիճակից դժգոհել, բայց անասնապահական հաջողությունների մասին մարզպետին պատմել են Սալուտի բնակիչները: Այստեղ հիմնականում զբաղվում են ոչխարաբուծությամբ և մեղվապահությամբ:
«Ես վստահ եմ, որ ձեր նախաձեռնողականությունն ու ներկայումս պետության կողմից ոչխարաբուծության զարգացմանը միտված ծրագրերի իրականացումը կնպաստեն անասնապահության այս ճյուղի զարգացմանը ձեր բնակավայրում: Մենք, որպես մարզային իշխանություններ պատրաստ ենք նոր ծրագրերն ու առաջարկներն ուղղորդել այստեղ և օգնել ու աջակցել՝ մեր հնարավորությունների սահմաններում»,- նշել է Տիգրան Պետրոսյանը: Բնակավայրի տարրական դպրոցն ունի 5 աշակերտ: Մարզպետին է ներկայացվել դպրոցական գույքի թարմացման խնդիրը:
Տիգրան Պետրոսյանն այցելել է նաև Մուսայելյան ու Հարթաշեն, զրուցել բնակիչների հետ, լսել նրանց բարձրացրած հարցերը:
18:34 14.06.2025
Լավրովը դատապարտել է Իսրայելի հարձակումները Իրանի վրա
21:14 14.06.2025
ՏԿԵ նախարարը Նաումբուրգ քաղաքում մասնակցել է ՀՀ կառավարության նվիրած խաչքարի բացման արարողությանըՀՀ ՏԿԵ նախարար Դավիթ Խուդաթյանը Ֆեյսբուքի իր էջում գրել է. «Գերմանիայի Դաշնային Հանրապետություն կատարած աշխատանքային այցի ընթացքում Նաումբուրգ քաղաքում մասնակցեցի Հայաստանի Հանրապետության կառավարության նվիրած խաչքարի բացման արարողությանը»: Մանրամասները՝ տեսանյութում: ...
21:00 14.06.2025
Վարչապետի գլխավորությամբ տեղի է ունեցել Հակակոռուպցիոն քաղաքականության խորհրդի արտագնա նիստՎարչապետ Նիկոլ Փաշինյանի գլխավորությամբ տեղի է ունեցել Հակակոռուպցիոն քաղաքականության խորհրդի արտագնա նիստ: Օրակարգային առաջին հարցով քննարկվել են ՏԻՄ ընտրախախտումների վերաբերյալ «Անկախ դիտորդ» դաշինքի և «Ականատես» դիտորդական առաքելության կողմից վեր հանված խնդիրները, ընտրական հանցագործությունների քննության ընթացքը: Անդրադարձ է կատարվել օրինականության նկատմամբ վերահսկողության մակարդակի բարձրացմանը, ընտրակաշառքի դեպքերի բացահայտմանը, ընտրախախտումների կանխարգելմանն ուղղված քայլերին, կուսակցությունների ֆինանսավորման մեխանիզմներին, ընտրական ծախսերի […] ...
20:30 14.06.2025
Հայ թենիսիստները անհաջող են մասնակցում Դևիսի գավաթի խաղարկությանըԹենիսի Հայաստանի հավաքականը Դևիսի գավաթի խաղարկության երրորդ ենթախմբում ևս երկու պարտություն է կրել։ Երրորդ ու չորրորդ տուրերում միևնույն` 0-3 հաշվով մեր թենիսիստները պարտվել են համապատասխանաբար Չեռնոգորիայի ու Հյուսիսային Մակեդոնիայի թիմերին։ Հայ թենիսիստները առաջին երկու խաղերում էլ նույն հաշվով պարտվել էին Մոլդովային ու Լատվիային։ Հայաստանի հավաքականը մրցաշարի վերջին` 5-րդ տուրում կմրցի Մալթայի թիմի դեմ։ Հայաստանից մրցաշարին […] ...
19:05 14.06.2025
Չինաստանը անընդունելի է համարում Իսրայելի կողմից Իրանի վրա հարձակումներըԻսրայելի կողմից Իրանի վրա հարվածները հատկապես անընդունելի են այն ժամանակ, երբ աշխարհը փնտրում է իրանական միջուկային խնդրի քաղաքական լուծում, շաբաթ օրը իր իսրայելցի գործընկեր Գիդեոն Սաարի հետ հեռախոսազրույցում հայտարարել է Չինաստանի արտգործնախարար Վան Ին։ Վան Ին շաբաթ օրը նախ հեռախոսազրույց է ունեցել իր իրանցի գործընկեր Աբբաս Արաղչիի հետ , որից հետո հեռախոսազրույց է ունեցել Սաարի […] ...
18:05 14.06.2025
Էրդողանը հայտարարել է, որ Իսրայելը պետք է կանգնեցվիՍաուդյան Արաբիայի թագաժառանգ Մուհամմեդ բին Սալմանի հետ հեռախոսազրույցի ժամանակ Թուրքիայի նախագահ Ռեջեփ Թայիփ Էրդողանը հայտարարել է, որ տարածաշրջանի անվտանգության համար անհրաժեշտ է կանգնեցնել Իսրայելին։ «Նախագահ Էրդողանն ասել է, որ Իսրայելը ՝ (վարչապետ Բենիամին Նեթանյահուի) գլխավորությամբ, տարածաշրջանի կայունության և անվտանգության համար ամենամեծ սպառնալիքն է, որ նա դա ևս մեկ անգամ ցույց տվեց Իրանի վրա հարձակումով, և […] ...
17:29 14.06.2025
Նեթանյահուն սպառնալից հայտարարություններ է արել՝ ուղղված ԻրանինԻսրայելի վարչապետ Բենիամին Նեթանյահուն հայտարարել է, որ Իսրայելի ռազմաօդային ուժերը շուտով կհայտնվեն Թեհրանի երկնքում՝ իրանական ռեժիմի «բոլոր թիրախներին» հարվածելու համար։ «Շատ մոտ ապագայում դուք կտեսնեք Իսրայելի ռազմաօդային ուժերի ինքնաթիռներ Թեհրանի երկնքում․ մենք կհարվածենք այաթոլլաների ռեժիմի յուրաքանչյուր օբյեկտին և յուրաքանչյուր թիրախին», – ասել է նա ժողովրդին ուղղված տեսաուղերձում։ ...
