19:44 11.03.2019
Ինչո՞ւ են տղամարդկանց հատուկ մասնագիտությունները գրավում կամ հետաքրքրում կանանց: Սա ամենևին գենդերային հավասարության կամ գենդերային քաղաքականության հետ կապ չունի: Ժամանակն է ցույց տվել, որ կանայք մեծ հաջողություններ են ունենում նաև այնպիսի մասնագիտություններում, որտեղ տղամարդիկ են եղել առաջատար դիրքերում։
«Հարավկովկասյան երկաթուղիներ» ընկերության սարքավորումների վերանորոգման կենտրոնում ամեն օր կանայք վերանորոգում ու կարգավորում են այն սարքավորումները, որոնց ճշգրիտ աշխատանքով է պայմանավորված գնացքների անխափան երթևեկությունը:
Երկաթուղայինի մասնագիտությունը Գյումրիում ժառանգաբար, գուցե գեներով փոխանցվող մասնագիտություն է համարվում: Ծնողներից զավակներին, նրանցից` թոռներին. այսպես են դաստիարակվում գյումրեցի երկաթուղայինների ընտանիքներում: Տիկին Կարինեն արդեն 30 տարի է` աշխատում է երկաթգծում:
Տիկին Անին երկաթուղայինների ընտանիքի երրորդ սերնդի ներկայացուցիչ է: Հին ու նոր սերնդի երկաթուղային կանայք այս փոքրիկ սենյակում վերանորոգում են երկաթգծի երկայնքով տեղադրված լուսացույցների աշխատանքն ապահովող սարքավորումները: Սա այն աշխատանքն է, որը ոչ ոքի տեսանելի չէ, բայց ամենապատասխանատու գործերից մեկն է, որ վստահված է նրանց
«Սևակի խոսքերով ասած, ինչեր ասես, որ չեն արել այս ձեռքերը։ Յուրաքանչյուր երկաթից պատրաստված գործիք կնոջ ձեռքերում դառնում է ստեղծագործող վրձին»,- ասում է տիկին Անին։
Մոտ 15 կգ կշռող սարքերի վնասված դետալները վերանորոգում է 5 կին: Աշխատանքի բարդությունն ու զգուշությունը նրանց համար գրեթե նույն նժարով են չափվում, համեմատում անգամ վիրաբույժի մասնագիտության հետ: Էլեկտրամեխանիկի այս գործը բոլոր երկրներում պարզվում է վստահված է հենց կանանց:
«Նկատի են ունեցել երևի կնոջ պատասխանատվության զգացումը, կնոջ կոկիկությունը, որովհետև գործ ունենք նուրբ կոնտակտների հետ, որոնք պահանջում են խիստ մաքրություն։ Դրա համար էլ ավելի շատ կանանց են ներգրավել այս աշխատանքում»,- ասում է էլեկտրամոնտյոր Տիգրանուհի Թումասյանը։
Նրանց աշխատանքը գնահատում են նրանք, որոնք գիտակցում են` այս կանանց անթերի գործից կախված է երկաթուղային տրանսպորտի անվտանգ աշխատանքը, իսկ 5 կանանցից յուրաքանչյուրի համար մեծ պատասխանատվություն է, երբ վերանորոգված ամեն սարքի վրա փակցվում են իրենց ստորագրությամբ կտրոններն ու կնքվում։ Հենց այդ պահից սկսած, լուսացույցների աշխատանքը կարգավորող պատասխանատուն համարվում են նրանք:
«Թվում է, որ սա կնոջ հարմար գործ չէ, սկզբում մեզ համար էլ էր բարդ, մենք էլ էինք մտածում` կնոջը հարիր չէ, բայց հակառակը, շատ բարդ ու պատասխանատու, նուրբ աշխատանք է: Եթե սիրում ես աշխատանքդ, կարևոր չէ` կարո՞ւմ ես, թե՞ երկաթի հետ գործ: Պետք է սիրես մասնագիտությունդ»,- նշում է տիկին Կարինեն։
23:59 14.05.2025
20 տարվա դադարից հետո՝ մետրոպոլիտենում փոխարինվել են անվտանգության համար կենսական նշանակություն ունեցող համակարգերԵրևանի մետրոպոլիտենում իրականացվել են արդիականացման աշխատանքներ, որոնք առաջին հայացքից տեսանելի չեն, բայց առանցքային են յուրաքանչյուր երևանցու անվտանգության համար։ Այս մասին Ֆեյսբուքի իր էջում գրել Երևանի քաղաքապետ Տիգրան Ավինյանը: «Առաջին անգամ 20 տարվա ընթացքում փոխարինվել են սլաքային փոխադրիչները՝ այն համակարգերը, որոնք ապահովում են գնացքների անվտանգ անցումը մեկ գծից մյուսը։Դրանց անխափան աշխատանքից է կախված մետրոպոլիտենի հուսալի և […] ...
23:58 14.05.2025
Իրավիճակը Հայաստանի ճանապարհներին և ԼարսումՓրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:46 14.05.2025
ԱՄՆ ֆինանսների նախարարությունը սկսել է Սիրիայի նկատմամբ պատժամիջոցների չեղարկման գործընթացըՄիացյալ Նահանգները սկսել է հանել Սիրիայի դեմ սահմանված պատժամիջոցները, այս մասին X-ի իր միկրոբլոգում հայտարարել է երկրի ֆինանսների նախարար Սքոթ Բեսենթը։ «ԱՄՆ ֆինանսների նախարարությունը քայլեր է ձեռնարկում պատժամիջոցները մեղմելու ուղղությամբ՝ Սիրիան կայունացնելու և խաղաղության հասնելու համար», – գրել է ԱՄՆ ֆինանսների նախարարության ղեկավարը։ Մայիսի 13-ին ԱՄՆ նախագահ Դոնալդ Թրամփը հայտարարել է Սիրիայի նկատմամբ սահմանված պատժամիջոցները […] ...
23:34 14.05.2025
Վարչապետը տիկնոջ հետ ներկա է գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգինՎարչապետ Նիկոլ Փաշինյանը տիկնոջ՝ Աննա Հակոբյանի հետ, և Հայաստանի Հանրապետության նախագահ Վահագն Խաչատուրյանը ներկա են գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգին, որով բացվել է հոբելյանական համերգների շարքը։ Համերգի հատուկ հյուրն է եղել աշխարհահռչկա դաշնակահար Յուջա Վանգը. նա հանդես է եկել Էդուարդ Թոփչյանի ղեկավարությամբ: Տարվա ընթացքում նախատեսվում են համերգներ այլ հռչակավոր երաժիշտ կատարողների և […] ...
23:27 14.05.2025
Վարչապետն ընդունել է ՀՀ պետական մրցանակակիր Յոշիակի Դեյմոն ՀագիվարայինՎարչապետ Նիկոլ Փաշինյանն ընդունել է AIPLAB կոնսորցիումի հիմնադիր, Արհեստական բանականության գործընկեր համակարգի LOCOMTEC AIPS լաբորատորիայի նախագահ Յոշիակի Դեյմոն Հագիվարային, ով Բարձր տեխնոլոգիաների ոլորտում համաշխարհային ներդրման համար Հայաստանի Հանրապետության պետական մրցանակակիրն է: Վարչապետը բարձր է գնահատել Յոշիակի Դեյմոն Հագիվարայի ներդրումը բարձր տեխնոլոգիաների ոլորտի զարգացման գործում և նշել, որ նա իր գործունեությամբ օրինակ է ոլորտում գործունեություն ծավալելու […] ...
23:18 14.05.2025
Երևանի թիվ 175 դպրոցի մարզադահլիճը կհիմնանորոգվիԵրևանի Նուբարաշեն վարչական շրջանի թիվ 175 դպրոցի մարզադահլիճը, որը կառուցումից ի վեր չէր վերանորոգվել, Երևանի քաղաքապետարանի ծրագրով ընթացիկ տարում հիմնովին կվերանորոգվի։ Այս մասին հայտնել են Երևանի քաղաքապետարանից: Ֆիզկուլտուրայի դասերն այսօր անցկացվում են անմխիթար պայմաններում։ Ծրագիրը հնարավորություն կտա աշակերտների համար ապահովել ժամանակակից պայմաններ՝ ստեղծելով նոր ու հարմարավետ կրթական միջավայր: ...
