20:00 25.03.2019
1988-ից հետո Գյումրիում հաշվառվում էր 88 վթարային բնակելի շենք: Ամրացման ենթակա համարվում են այն շենքերը, որոնք սեյսմիկ ուսումնասիրությամբ 4-րդ աստիճանի վթարային են: Վթարայնության ավելի ցածր կարգ ունեցող շենքերի վիճակը Գյումրիում տարեցտարի վատացել է, ինչի հետևանքով վթարայինների թիվն ավելացել է: Այս մասին SHANTNEWS.am-ին հայտնել է Շիրակի մարզպետարանի քաղաքաշինության վարչության պետ Ալբերտ Մարգարյանը.
«Արդեն ունենք 91 վթարային շենք Գյումրիում, իսկ Շիրակի մարզում վթարայինների թիվը 114 է: Դրանցում 2200 բնակարան կա, որոնք հիմնականում բնակեցված են: Վթարայիններին նոր եզրակացություններ են անհրաժեշտ, որովհետև 2006 թվականին կատարվել է 88 վթարայինների ուսումնասիրությունը, մյուսներինը` փուլ առ փուլ` ըստ անհրաժեշտության, ըստ պահանջի տարբեր ժամանակներում է իրականացվել տեխնիկական զննություն:
Հիմա ՀՀ-ում ներդրվում է կադաստրի վարում, բնակելիների քարտեզագրում, անձնագրավորում: Այս գործընթացը քաղաքաշինության կոմիտեն նախապատրաստում է, որպեսզի ցանկացած շենք` լինի վթարային կամ ոչ վթարային, ունենա իր անձնագիրը: Բնականաբար, այդ անձնագրում շատ կարևոր տեղ է գրավելու տեխնիկական վիճակի վերաբերյալ եզրակացությունը, այնպես որ այդ գործընթացը լինելու դեպքում մեր մարզի 114 վթարային շենքերը նորից կուսումնասիրվեն, կգնահատվի վթարայնության աստիճանը և, բնականաբար, համապատասխան միջոցառումներ անելու համար համապետական ծրագիրն է անհրաժեշտ»,- SHANTNEWS.am-ին ասել է Ալբերտ Մարգարյանը:
Հիշեցնենք, որ Գյումրիի մի քանի վթարային շենքում պարբերաբար փլուզում է տեղի ունենում: Օրինակը Տիգրան Մեծ 5, Հանսօղլյան 5, Իսահակյան 9 շենքերն են, Տեքստիլի նախկին հանրակացարանի շենքը, իսկ վերջին փլուզումը Անտառավան 26 հասցեում էր: Այստեղ սեսմիկ ուսումնասիրություն կատարելու հանձնարարական եղավ: Ուսումնասիրությունը կատարվել է, եզրակացությունը` տրվել:
Այժմ մարզպետարանը շենքում և դրա հարակից տարածքում տեղադրված տնակներում ապրող 24 ընտանիքների բնակարանային խնդրի լուծման առաջարկներ է ներկայացնելու կառավարություն:
18:35 02.05.2025
Դատապարտյալը փոստային ծառայության միջոցով ստացել է թմրամիջոցների նմանվող զանգվածներով լցոնված կոնֆետներՄայիսի 2-ին՝ ժամը 11։30-ի սահմաններում, ՀՀ արդարադատության նախարարության Արմավիր քրեակատարողական հիմնարկի անվտանգության ապահովման բաժնի ծառայողները զննության են ենթարկել դատապարտյալ Մ․Մ․-ի անվամբ փոստային առաքման միջոցով ստացված հանձնուքը։ Հանձնուքում առկա շոկոլադե կոնֆետներից 45-ի միջից ծառայողները հայտնաբերել են մարիխուանա տեսակի թմրամիջոցին նմանվող, դեղնականաչավուն զանգվածներ, որոնց քաշը կոնֆետների հետ միասին կազմել է 264,94 գրամ։ Իսկ 27 կոնֆետի միջից հայտնաբերվել […] ...
18:27 02.05.2025
«Ոռոգվող գյուղատնտեսության զարգացումը Արարատի և Արմավիրի մարզերում» ծրագրի շրջանակներում տեղի է ունեցել հավաստագրերի հանձնման արարողություն«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի շրջանակներում ապրիլի 30-ին անցկացվել է «Գյուղաջակցության խորհրդատուի նոր ուսումնական ձեռնարկ» (NELK) մոդուլների շարքի ամփոփիչ միջոցառումն ու հավաստագրերի հանձնման արարողությունը։ Միջոցառմանը մասնակցել են ՀՀ էկոնոմիկայի նախարարության, պետական և մասնավոր հատվածի այլ ներկայացուցիչներ, ծրագրի շահառուներ, ինչպես նաև գործընկեր կազմակերպությունների ներկայացուցիչներ։ Ծրագիրը նպատակ ունի խթանել գյուղատնտեսական խորհրդատվական ծառայությունների կարողությունների […] ...
18:19 02.05.2025
Ռետկլիֆը վաճառքի է հանել «Նիսը»Անգլիական «Մանչեսթեր Յունայթեդի» և INEOS ընկերության նախագահ Ջիմ Ռետկլիֆը որոշել է ազատվել իր ակտիվներից մեկից: L’Informé-ի համաձայն՝ գործարարը փաստաբաններին հանձնարարել է նախապատրաստել բոլոր փաստաթղթերը «Նիսը» վաճառքի հանելու համար: Ռետկլիֆը ասել է, որ «Մանչեսթեր Յունայթեդի» բաժնետոմսերը գնելուց հետո այլևս հետաքրքրված չէ ֆրանսիական ակումբով և ցանկանում է ամբողջ ուշադրությունը կենտրոնացնել անգլիական թիմի վրա: Բրիտանացի միլիարդատերը Lazard ներդրումային […] ...
18:09 02.05.2025
Նոր նշանակում` Մայր ԱթոռումՆ.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ Հոգեշնորհ Տ. Գաբրիել վարդապետ Սարգսյանը, ազատվելով Ռուսաստանի և Նոր Նախիջևանի հայոց թեմում ստանձնած պարտականություններից, ծառայության է կոչվել Սուրբ Շողակաթ վանքում՝ որպես հոգևոր սպասավոր։ ...
17:54 02.05.2025
«Արսենալ»-ՊՍԺ խաղի հերոսը կարող է բաց թողնել պատասխան հանդիպումըՖրանսիական ՊՍԺ-ի հարձակվող Ուսման Դեմբելեն կարող է բաց թողնել «Արսենալի» դեմ Չեմպիոնների լիգայի կիսաեզրափակչի պատասխան հանդիպումը, հայտնում է RMC Sport-ը: 27-ամյա ֆուտբոլիստը առաջին մրցավեճում ազդրի մկանի վնասվածք էր ստացել, իսկ հետո բաց էր թողել թիմի մարզումը: Ուսման Դեմբելեն «Արսենալի» դեմ խաղում խփել էր հաղթական գոլ: ...
