23:17 22.09.2019
ՀՀ վարչապետ Նիկոլ Փաշինյանը ԱՄՆ-ում մամուլի ասուլիս է տալիս Կալիֆոռնիայի հայկական ԶԼՄ-ների և Հայաստանից ժամանած ԶԼՄ-ների ներկայացուցիչների համար։
SHANTNEWS.am-ի թղթակցի հարցին՝ Սփյուռքի դերի մասին երկրի ղեկավարները տարբեր մոտեցումներ են ունեցել․ Լևոն Տեր-Պետրոսյանը համարում էր, որ սփյուռքահայերը որևէ կերպ չպետք է մասնակցեն երկրի կառավարմանը։ Սերժ Սարգսյանի օրոք, հակառակը, խոսվում էր նույնիսկ Ազգային ժողովը երկպալատանի դարձնելու ու վերին պալատ՝ սփյուռքի համայնքների ներկայացուցիչներին ընտրելու հնարավորության մասին։ Դուք ինչպե՞ս եք մտադիր օգտագործել սփյուռքի ռեսուրսները Հայաստանի կառավարման հարցում, Նիկոլ Փաշինյանը պատասխանել է․
«Իմ կարծիքով, այդ ամեն ինչը ոչ թե պետք է հակադրել իրար, այլ ընկալել որպես թեմայի զարգացում։ Էնպես չի, որ ես ինքս՝ անձամբ, սփյուռք-Հայաստան հարաբերությունների վերաբերյալ միշտ մի ստատիկ կարծիք եմ ունեցել, ու էդ կարծիքը պահպանվել է։
Իսկապես շատ կարևոր հարց է՝ երրորդ հանրապետության պատմության ամենակարևոր օրակարգային հարցերից մեկն է։ Այն պետք է նայել դինամիկայի մեջ։
Ամենակարևոր խնդիրը՝ Հայաստան-Սփյուռք սահմանները վերացնելն է։ Օրինակ՝ այն մարդը, որը Հայաստանից արտագաղթել է 2015 թվականին, սփյուռքահա՞յ է, թե՞ ոչ։ Իմ ընկալմամբ՝ սփյուռքահայ չէ»։
Նիկոլ Փաշինյանի խոսքերով՝ ժամանակակից աշխարհում մարդու գտնվելու վայրը շատ հարաբերական երևույթ է։ Խնդիրն այն է, թե մարդն իրեն որ երկրի հետ է նույնականացնում, և մեր խնդիրն այն է, որ աշխարհում ավելի ու ավելի շատ հայեր իրենց նույնականացնեն Հայաստանի հետ։
«Յուրաքանչյուր հայ իրեն պետք է համարի ՀՀ շահառու նույնքան, որքան Հայաստանում բնակվողները․ տարբեր ձևեր կան, օրինակ, բոլոր հայերը պետք է ունենան ՀՀ քաղաքացու անձնագիր։ Տարվա մեջ առնվազն ինչ-որ մի ժամանակ պետք է անցկացնեն Հայաստանում»։
11:39 10.08.2025
Լեհաստանի ԱԳՆ. Հայաստանի և Ադրբեջանի ստորագրած համաձայնագիրը բացում է տարածաշրջանում կայունության և երկարատև խաղաղության ճանապարհըԼեհաստանի արտաքին գործերի նախարարությունն X-ի իր միկրոբլոգում ողջունել է Հայաստանի և Ադրբեջանի ղեկավարների միջև համաձայնեցված պատմական հռչակագիրը։ «Մենք մեծ գոհունակությամբ ողջունում ենք Հայաստանի և Ադրբեջանի ղեկավարների միջև համաձայնեցված պատմական հռչակագիրը։ Միացյալ Նահանգների արժեքավոր աջակցությամբ ձեռք բերված այս համաձայնագիրը տարածաշրջանում կայունության և կայուն խաղաղության հիմքն է՝ հիմնված ինքնիշխանության և տարածքային ամբողջականության փոխադարձ հարգանքի վրա»,- նշվում է […] ...
11:28 10.08.2025
Յուրաքանչյուրդ ձեր չափով մասնակցում եք պետության զարգացմանը. Եղիազար Վարդանյանի ուղերձը Շինարարի օրվա առթիվՔաղաքաշինության կոմիտեի նախագահ Եղիազար Վարդանյանը Շինարարի օրվա առթիվ շնորհավորական ուղերձ է հղել։ «Ջերմորեն շնորհավորում եմ մասնագիտական տոնի՝ Շինարարի օրվա առթիվ: Ձեր ամենօրյա պատասխանատու աշխատանքով դուք նպաստում եք մեր երկրում նոր դպրոցի, մանկապարտեզի, ժամանակակից հարմարություններով առողջապահական, մշակութային ու մարզական կառույցների ստեղծմանը, ճանապարհների, ջրամբարների և այլ ենթակառուցվածքների կառուցմանն ու բնակելի նոր թաղամասերի ձևավորմանը։ Յուրաքանչյուրդ ձեր չափով մասնակցում […] ...
11:17 10.08.2025
Գեղարքունիքի մարզում Honda-ն բախվել է ճանապարհային ցուցանակներին, մի քանի պտույտ շրջվելով՝ բախվել է հողաթմբերին և կողաշրջվել․ հղի կինը և մեկամյա երեխան տեղափոխվել են հիվանդանոցՕգոստոսի 9-ին, խոշոր ավտովթար է տեղի ունեցել Գեղարքունիքի մարզում։ Ժամը 16։00-ին Երևանի բնակիչ, 67-ամյա Ռոբերտ Խ․-ն իր վարած Honda CR-V մակնիշի ավտոմեքենայով Սևան-Մարտունի-Գետափ ավտոճանապարհի 10-րդ կմ հատվածում, Սևանի ուղղությամբ ընթանալիս, դուրս է եկել երթևեկելի գոտուց, բախվել ճանապարհի աջակողմյան հատվածում առկա երկաթե ճանապարհային նշաններին և, մի քանի պտույտ շրջվելով, կողաշրջված հայտնվել ձորակում։ Ինչպես հայտնում է shamshyan.com-ը, […] ...
11:11 10.08.2025
ԱՄԷ-ի նախագահը շնորհավորել է Հայաստանի և Ադրբեջանի ղեկավարներին համատեղ հռչակագրի ստորագրման կապակցությամբԱրաբական Միացյալ Էմիրությունների նախագահ Մուհամմեդ բեն Զայեդ Ալ Նահյանն X-ի իր միկրոբկոգում անդրադարձել է օգոստոսի 8-ին Վաշինգտոնում կայացած պատմական հանդիպմանը։ «Հայաստանի և Ադրբեջանի միջև պատմական խաղաղության համաձայնագրի մասին հայտարարության կապակցությամբ իմ անկեղծ շնորհավորանքներն եմ հղում Ադրբեջանի նախագահ Իլհամ Ալիևին, Հայաստանի վարչապետ Նիկոլ Փաշինյանին և երկու երկրների ժողովուրդներին՝ գնահատելով ԱՄՆ նախագահ Դոնալդ Թրամփի կարևոր դերը այս […] ...
11:03 10.08.2025
Վթար Ծովագյուղի մոտակայքում․ կան տուժածներՕգոստոսի 9-ին, ժամը 21։15-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ծովագյուղ գյուղի սուպերմարկետի մոտակայքում տեղի է ունեցել ՃՏՊ․ կան տուժածներ։ Դեպքի վայր են մեկնել ՆԳՆ ՓԾ Գեղարքունիքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ և հատուկ ջրափրկարարական ջոկատի խումբը։ Պարզվել է, որ Երևան-Սևան-Իջևան ավտոճանապարհի 72-րդ կմ-ին բախվել են «UAZ» […] ...
10:51 10.08.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
