16:24 16.10.2019
Վրացագետ Հասմիկ Մելիքսեթյանը ֆեյսբուքյան իր էջում գրառում է արել՝ անդրադառնալով Վրաստանի վարչապետ Գիորգի Գախարիայի Հայաստան այցելության լուսաբանմանը վրացական մեդիայում:
«Ինչպես իշխանամետ, այնպես էլ ընդդիմադիր լրատվամիջոցներն ակտիվորեն լուսաբանել են Գախարիայի այցը Հայաստան։ Իհարկե, կան նաև այնպիսիք, որ ընդհանրապես չեն անդրադարձել այցին։
Վրաստանի մեդիայում տարածվել են հայկական կողմի պնդումները ստորև նշվածների վերաբերյալ՝
⦿ հայ-վրացական հարաբերությունները պետք է էլ ավելի բարձր մակարդակի հասցնել
⦿ երկկողմ հարաբերությունների շարունակական զարգացումը պետք է զերծ լինի արտաքին ցանկացած գործոնների ազդեցություններից
⦿ Վրաստանի հետ հարաբերություններն առանձնահատուկ կարևորություն ունեն Հայաստանի համար։
Վրացական մեդիայում առանձին նյութերով շրջանառվել են ՀՀ վարչապետ Նիկոլ Փաշինյանի հայտարարությունները հայ-վրացական հարաբերություններն էլ ավելի բարձր մակարդակի հասցնելու վերաբերյալ։ Ընդդիմադիր որոշ լրատվականներում վերնագիր է դարձել Փաշինյանի հենց այդ հայտարարությունը։
Առանձին վերնագրերով նյութեր են հրապարակվել նաև Գախարիայի այն հայտարարության վերաբերյալ, որ «Հայաստանն աջակցում է Վրաստանին տարածքային ամբողջականության հարցում, և որ դրա համար շնորհակալ են»։
Լրագրողների և լրատվամիջոցների ուշադրությունից չի վրիպել Փաշինյանի այն հայտարարությունը, որ «Հայ-վրացական հարաբերությունների շարունակական զարգացումը պետք է զերծ լինի ցանկացած արտաքին գործոնների ազդեցություններից»։
Լրատվամիջոցների մեծ մասն օգտվել է Վրաստանի կառավարության պաշտոնական հաղորդագրություններից և տեսանյութերից։ Կառավարության՝ վարչապետների ասուլիսի սղագրությունը լիարժեք չէ, բացակայում է Նիկոլ Փաշինյանի այն հայտարարությունը, որ «Ես վերստին հայտնեցի մեր այն դիրքորոշումը, որ յուրաքանչյուր հակամարտություն ուրույն է, և լուծումներն էլ պետք է բխեն դրանց էությունից։ Կարևորեցինք միմյանց համար զգայուն հարցերի նկատմամբ հավասարակշիռ դիրքորոշման պահպանումը»։ Վրացական պաշտոնական հաղորդագրություններում նշված է, որ հակամարտությունները պետք է լուծվեն խաղաղ, միջազգային իրավունքի սկզբունքներին համապատասխան։
Ընդամենը մեկ լրատվամիջոց, որը հիմնականում սեփական կոնտենտ չի արտադրում, այլ արտատպում է այլ աղբյուրներից, վերահրապարակել է հայկական կայքերից մեկի ռուսերեն թարգմանությունը՝ պահպանելով ՀՀ վարչապետի ամբողջական հայտարարությունը»,- գրել է նա:
23:59 02.06.2025
Ինչպե՞ս խուսափել անտառային հրդեհներիցՈվ իրազեկված է, նա պաշտպանված է. ինչպես խուսափել անտառային հրդեհներից. Անտառային հրդեհների կանխարգելման նպատակով արգելվում է՝ վառել խարույկ արգելված վայրերում, լքել անտառն առանց համոզվելու, որ խարույկը մարված է, նետել այրվող լուցկի, չմարված ծխախոտի մնացորդ, ավտոմեքենաները լիցքավորել վառելիքով` աշխատող շարժիչների դեպքում, շահագործել անսարք սնուցման համակարգով ավտոմեքենաները, կատարել չոր խոտի, խոզանի այրում (բացի վերահսկելի այրումներից), արևով լուսավորվող […] ...
23:55 02.06.2025
Հունիսի 3-ին կդադարեցվի Մրգաշատ բնակավայրի գազամատակարարումը«Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ հունիսի 3-ին ժամը 10:00-ից մինչև ժամը 17:00-ն, կդադարեցվի Արմավիրի մարզի Մեծամոր համայնքի Մրգաշատ բնակավայրի գազասպառողների գազամատակարարումը։ ...
23:52 02.06.2025
Հաճախակի են դառնում դեպքերը, երբ օձերին վնասում են՝ լրջորեն վտանգելով և՛ իրենց, և՛ կենդանիների կյանքը․ ՇՄՆ զգուշացումըՎերջին շրջանում նկատելի է օձերի հանդեպ չհիմնավորված վախի և ագրեսիայի աճ, ինչը հանգեցնում է բնության այս կարևոր օղակի ոչնչացմանը։ Այս մասին հայտնել են Շրջակա միջավայրի նախարարությունից: «Համացանցում հաճախակի են դառնում դեպքերը, երբ օձերին վնասում են կամ առանց մասնագիտական միջամտության փորձում «վնասազերծել»՝ լրջորեն վտանգելով և՛ իրենց, և՛ կենդանիների կյանքը։ Ցանկանում ենք հիշեցնել, որ օձերը մեր էկոհամակարգի […] ...
23:47 02.06.2025
ՆԳՆ շրջիկ սպասարկման գրասենյակները հունիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ հունիս ամսին ծառայություններ կմատուցվեն հետևյալ բնակավայրերում․ հունիսի 2-ին Գեղարքունիքի մարզի Վարդենիս և Մեծ Մասրիկ համայնքներում կիրականացվեն մայիսի 22-ից 23-ը ներկայացված դիմումների հիման վրա փաստաթղթերի հանձնման աշխատանքներ։ Հունիսի 5-ին Տավուշի մարզի Աչաջուր և […] ...
23:43 02.06.2025
Հունիսի 1-ը՝ օպերային աստղերի և երեխաների հետԵրեխաների պաշտպանության միջազգային օրը մայրաքաղաքում ամփոփվեց Ազատության հրապարակում կայացած բացառիկ համերգային ծրագրով: Այս մասին հայտնել են Երևանի քաղաքապետարանից: Երևանի քաղաքապետարանի նախաձեռնությամբ իրականացված՝ «Հունիսի 1-ը՝ օպերային աստղերի հետ» ծրագիրը, Երևանի և մարզերի պատանի երգիչներին հնարավորություն էր տվել աշխարհահռչակ օպերային արտիստների հետ ելույթ ունենալ մեկ բեմում: Այս տոնը դարձավ ստեղծագործական ոգեշնչման նոր հարթակ մեր փոքրիկ տաղանդների համար: ...
23:39 02.06.2025
Դավիթաշենի կամրջի սկզբնամասում «Hyundai Sonata»-ն բախվել է ծառերին և գլխիվայր շրջվելով՝ հայտնվելով երթևեկելի գոտումՀունիսի 2-ին, ավտովթար է տեղի ունեցել Երևանում: Ժամը 16:15-ի սահմաններում Երևանի բնակիչ 67-ամյա Արտյոմ Ս.-ն իր վարած «Hyundai Sonata» մակնիշի ատոմեքենայով Դավիթաշեն կամրջի սկզբնամասում, դեռևս անհայտ հանգամանքներում, դուրս է եկել երթևեկելի գոտուց, բախվել ծառերին և գլխիվայր շրջվելով հայտնվել ճանապարհի երթևեկելի գոտում: Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների՝ բարեբախտաբար տուժածներ չկան: Վթարի փաստով […] ...
