Իտալացի Մաքսի ու երևանցի Մարիամի սերը Գյումրիում – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
29 03 2024
  • $
    394.46
  • RUBLE
    4.27
  • 425.62
WEATHER
+13.09 oC

Իտալացի Մաքսի ու երևանցի Մարիամի սերը Գյումրիում

19:00 05.12.2019

Գյումրիի «Կումայրի» պատմական միջուկում ներդրումները եղան կենտրոնի փողոցաշինական ծրագրի տրամաբանական շարունակությունը: Իսկ ներդրողները ոչ միայն արտերկրից են, այլև Հայաստանի տարբեր բնակավայրերից, երբեմն էլ` երկուսը մեկում: Օրինակը հայ-իտալական ընտանիքն է, որը Գյումրիում իր փոքրիկ բիզնեսն է հիմնել. ընտանիքը դրա համար տարածք է ընտրել «Կումայրի» արգելոցի` 1800-ականներին կառուցված շենքը:

Երևանցի Մարիամն ու իտալացի Մասիմիլիանոն հանդիպել ու ծանոթացել են Գյումրիում: Հանդիպման օրվանից առաջացել է նրանց սերը ոչ միայն միմյանց, նաև Գյումրիի հանդեպ: Այսօր արդեն երիտասարդ զույգի ապագայի ծրագրերը բացառապես Գյումրիի հետ են կապված:

Հարսանիք Երևան-Գյումրի էլեկտրագնացքում: Ամռանը սա համացանցի ամենաշատ դիտումներ ունեցած տեսանյութերից մեկն էր, իսկ հերոսները Մարիամն ու Մասիմիլիանոն էին: Հայ հարսնացուի ու իտալացի փեսացուի համատեղ որոշումն էր հարսանիքն անել գնացքում, իսկ նպատակը ոչ թե յուրօրինակ երևալն էր, այլ իրենց ամուսնության օրը Գյումրի տեղափոխվելը:

Գնացքով եկան Գյումրի` այնտեղից չհեռանալու պայմանով: Ապրել Գյումրիում. սա իտալացի Մասիմիլիանոյի, կամ ինչպես նրան Մարիամն է անվանում՝ Մաքսի, սիրո խոստովանությունից հետո ասված խոսքերն են եղել հարսնացուին: Մաքսը Գյումրիի հյուրատներից մեկում է աշխատել, Մարիամը՝ Գյումրիի Թումո կենտրոնում: Երկուսի համար էլ Գյումրին իր ճարտարապետությամբ բացահայտում է եղել: Երիտասարդ զույգն առայժմ վարձակալությամբ բնակարան ընտրել է «Կումայրի» պատմական կենտրոնում՝ Շիրազի փողոցում: Հին ու քանդված տան արտաքին տեսքն է նրանց գրավել:

«Գյումրին պատմական ֆանտաստիկ քաղաք է: Ես Իտալիայից եմ` մի երկրից, որտեղ գնահատում են հին ճարտարապետությունը: Սա իսկական ադամանդ է: Ես այստեղ ինձ զգում եմ, ինչպես տանը: Հենց դրա համար եմ ընտրել այս քաղաքը: Ճարտարապետությունն արվեստ է: Այս տունը հրաշալի դուռ ունի, որը, իհարկե, ռեստավրացիայի կարիք ունի: Դիմային հատվածը անչափ գեղեցիկ է : Երբ տեսա դուռը, պատուհանները, միանգամից համաձայնեցի այս տունը վարձակալել»,- SHANTNEWS.am-ի հետ զրույցում ասել է Մաքսիմիլիանո Ֆլորիանին:

Ցարական ժամանակաշրջանում կառուցված տունը հանդիպման վայրի է վերածվել: Մարիամն ու Մաքսը այս կիսաքանդ տանը հանդիպումներ ու զբոսաշրջային տուրեր են կազմակերպում, նաև համատեղում տուրիզմն ու դիզայնը: Մարիամն ու Մաքսը վերնաշապիկներ, մագնիսներ ու ուղեցույցներ են ձևավորում Գյումրիի տեսարաններով և հայերենում ամենաշատը օգտագործվող բառերով ու արտահայտություններով: Իրենց տունը, որը համատեղությամբ սրճարան է, հավաքատեղի ու տուրիստական ընկերություն է` «Կոնջե Լազիա»: Արտահայտությունը որևէ լեզվից չի թարգմանվում։

Այն, ինչպես և կառույցի գործառույթները, միախառնում է։ Հայերեն, իտալերեն ու ռուսերեն լեզուների մի քանի հնչյունների համատեղումից ստացել են արտահայտություն , որին այստեղ այցելող յուրաքանչյուր մարդ ինքը պետք է բացատրություն գտնի: Երիտասարդ զույգը որոշել է նաև նոր հյուրատուն կառուցել Գյումրիում: Դրա համար նոր տարածք են գտել քաղաքում, այս անգամ կենտրոնի փողոցներից փոքր-ինչ հեռու։ Գյումրիի զարգացումը միայն Կումայրի արգելոցի տարածքում չէ, որ պատկերացնում են:

«Հիմա Գյումրիի մոդան կա: Քանի որ ես Երևանից եմ, որտեղ ամեն ինչ կենտրոնացված է, և եթե հիմա տուն ընտրենք Ռուսթավելի կամ Շիրազի փողոցում, կստացվի, որ մենք նորից գնում ենք կենտրոնացման: Դրա համար ընտրեցինք այլ թաղամասում: Մեզ շատ է դուր գալիս Սլաբոտկա թաղամասը: Այդտեղից երևում է ամբողջ հին քաղաքը: Ուզում ենք, որ ամեն զբոսաշրջիկ, որ գալիս է Գյումրի, քայլի նաև այդ թաղամասով »,- SHANTNEWS.am-ի հետ զրույցում ասել է Մարիամ Զաքարյանը:

Զույգը Գյումրիում զբոսաշրջությամբ զբաղվել պատահական չի որոշել՝ խոստովանում են, որ սա այն ոլորտն է, որի համար քաղաքն անսպառ պոտենցիալ ունի։

Բոլոր լուրերը

Կապակցված լուրեր

Օրբանն ասել է, որ Կիևը կարող է պարտվել և ավելի շատ բան կորցնել

12:32 29.03.2024

Օրբանն ասել է, որ Կիևը կարող է պարտվել և ավելի շատ բան կորցնել

Ուկրաինան կարող է լիակատար պարտություն կրել Ռուսաստանի հետ հակամարտությունում եւ կորցնել նույնիսկ ավելին, քան արդեն կորցրել է, ուստի պետք է մտածի ոչ թե ռազմական գործողությունները շարունակելու, այլ բանակցությունների մասին։ Նման կարծիք է հայտնել Հունգարիայի վարչապետ Վիկտոր Օրբանը Ավստրիայի նախկին կանցլեր (2000-ից 2007 թվականներին) Վոլֆգանգ Շյուսելի հետ զրույցում։ Քննարկման ընթացքում, որը տեղի է ունեցել Օրբանի պաշտոնական […] ...

Crocus City Hall-ի ահաբեկչությանը մասնակցած տղամարդու ծնողները պատմել են նրա հետ վերջին զրույցի մասին

11:40 29.03.2024

Crocus City Hall-ի ահաբեկչությանը մասնակցած տղամարդու ծնողները պատմել են նրա հետ վերջին զրույցի մասին

Crocus City Hall համերգասրահը հրկիզած ահաբեկիչ Դալերժան Միրզոևայի ծնողները Asia Plus-ին տված հարցազրույցում պատմել են իրենց որդու հետ վերջին զրույցի մասին։ Նրանց խոսքերով, Crocus City Hall-ի ողբերգության նախօրեին նա զանգահարել է մորը և ասել, որ Ռուսաստանում գործերը վատ են ընթանում, իսկ մարտի 24-ին հավաքվում է տուն վերադառնալու համար։ Նրա պահվածքում ոչ մի կասկածելի բան չկար, հիշում է […] ...

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

11:34 29.03.2024

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

Հայաստանն ապրիլին առաջին անգամ կմասնակցի Եվրամիության երկրների խորհրդարանների նախագահների՝ Իսպանիայում կայանալիք հավաքին: «Արմենպրես»-ի փոխանցմամբ՝ այս մասին ասել է Ազգային ժողովի նախագահ Ալեն Սիմոնյանը Հանրային հեռուստաընկերությանը տված հարցազրույցում: «Առաջին անգամ Հայաստանը մասնակցելու է ԵՄ երկրների ԱԺ նախագահների հավաքին, որը տեղի է ունենալու Իսպանիայում գալիք ամսվա կեսերին: Հայաստանն առաջին անգամ է հրավիրված»,–ասել է Սիմոնյանը: ԱԺ նախագահի տեղեկությամբ՝ […] ...

Գիտնականները պարզել են, որ հալվող բևեռները կարող են երկարացնել օրերը Երկրի վրա

11:23 29.03.2024

Գիտնականները պարզել են, որ հալվող բևեռները կարող են երկարացնել օրերը Երկրի վրա

Կալիֆորնիայի համալսարանի ամերիկացի երկրաբանները պարզել են, որ գլոբալ տաքացման պատճառով Գրենլանդիայում և Անտարկտիդայում սառույցների հալվելը կարող է ազդել օրվա տևողության վրա: Հետազոտությունը հրապարակվել է Nature գիտական ​​ամսագրում։ Մոլորակի պտույտի արագությունը միշտ տատանվել է, բայց մինչ ճշգրիտ ժամանակաչափման և տեխնոլոգիայի ներդրումը, դրա միակ վնասակար ազդեցությունը խավարումների և այլ աստղագիտական ​​իրադարձությունների ժամանակի փոփոխությունն էր: Երկրի «միջուկի և […] ...

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

10:41 29.03.2024

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

Էկոնոմիկայի նախարար Գևորգ Պապոյանը մարտի 28-ին ընդունել է Կորեայի Հանրապետության ԱԳ նախարարի քաղաքական հարցերով տեղակալ Չուն Բյունվոնի գլխավորած պատվիրակությանը՝ հայ-կորեական տնտեսական համագործակցության հեռանկարները քննարկելու նպատակով: Հանդիպմանը ներկա է եղել նաև նախարարի տեղակալ Ռաֆայել Գևորգյանը։ Քննարկվել են համագործակցության հնարավորությունները շրջակա միջավայրի պահպանության և վերականգնվող էներգետիկայի, մասնավորապես՝ թափոնների կառավարման, պլաստիկի վերամշակման, քամու, արևային էներգիայի արտադրության և կանաչ […] ...

Մասնագետը նշել է գործողություններ թունավոր օձի խայթոցի դեպքում

10:22 29.03.2024

Մասնագետը նշել է գործողություններ թունավոր օձի խայթոցի դեպքում

Վիրաբույժ Ալեքսանդր Ումնովը «Իզվեստիային» պատմել է, թե ինչպես վարվել թունավոր օձի խայթոցի դեպքում։ «Օձի խայթոցից հետո անհրաժեշտ է անհապաղ անշարժացնել ախտահարված վերջույթը (ձեռքը, ոտքը)՝ օգտագործելով առկա միջոցները: Տուժածին պառկեցրեք հորիզոնական դիրքով, ապահովեք լիարժեք հանգիստ, թույլ մի տվեք նրան շարժվել կամ ֆիզիկական ջանքեր գործադրել, դա կդանդաղեցնի թույնի տարածումը»,- նշել է Ումնովը։ Հաջորդը, ըստ նրա, պետք է […] ...

BACK_TO_TOP