Նա հստակեցրել է, որ չինացի գիտնականներն առաջին անգամ չէ, որ նման բան են եզրահանգում: Նման հետազոտություններ են իրականացվել նաև այլ երկրներում: Փորձագետի խոսքերով, բազմիցս հայտնաբերվել է, որ միջինից երկար քնող մարդկանց շրջանում սիրտ-անոթային հիվանդությունների, այդ թվում ինսուլտի վտանգը մեծ է: Բայց ինսուլտի ռիսկի ուղղակի աճը կապված չէ ավել քնի հետ:
«Ավել քունը ոչ բարեհաջող վիճակի փոխհատուցումն է, որը կապված է նյարդային, սրտանոթային համակարգի հետ: Մարդիկ, ովքեր առողջության հետ կապված խնդիրներ ունեն, երկար են քնում»,- բացատրել է Պոլուէկտովը:
EurekAlert-ն էլ գրում է, որ չինացի գիտնականները պարզել են, որ ինսուլտի վտանգը մեծացնում է նույնիկ 9 և ավելի ժամյա գիշերային քունը:Ուհանի գիտության և տեխնոլոգիայի համալսարանի գիտնականները փորձարկում են արել: Վեց տարվա ընթացքում ուսումնասիրել են 31.7 հազար մարդու: Նրանց 8 տոկոսը կեսօրին 1,5 ժամ է քնել, 24 տոկոսը օրվա մեջ 9 և ավելի ժամ է քնել: Վերջինների շրջանում ինսուլտի վտանգն ի հայտ է եկել 23 տոկոսով ավելի հաճախ քան նրանց մոտ, ովքեր քնել են օրվա մեջ 7-8 ժամ:
Իսկ նրանց մոտ, ովքեր քնում են 9 ժամ և հետո նիրհում են կեսօրին, ինսուլտ 85 տոկոսով հաճախ է պատահում:
https://ria.ru/20191212/1562304630.html?fbclid=IwAR0gKkJyWbOeoBYr1XlvsIqXyai-84nnGJ92J0n9C1Mfx4a0CGw8gqiFaCg
https://www.gazeta.ru/science/news/2019/12/12/n_13803884.shtml?fbclid=IwAR0APjEfNfOz9O2O5a061LDLEn1URVSzYJIxuc2SZJFpIBWEypuxNZwlwgk&updated
