19:57 10.03.2020
Տնակների հաշվառման աշխատանքային խումբը Գյումրիում հաշվառել է 2814 տնակ, իսկ թե ինչպես է լուծվելու անօթևանության և տնակներից ազատման խնդիրը, դեռ հստակ չէ։ Աշխատանքային խումբը առաջարկներ է ընդունել, քննարկել դրանք, իսկ որոշումներ չկան։ Անցած տարի աշխատանքային խմբի անդամները համաձայնության էին եկել չբնակեցված տնակներից սկսելու մասին։ Գյումրիում 584 տնակ տասը տարուց ավելի բնակեցված չէ։ Սակայն դրանք ապամոնտաժելու իրավունք ոչ ոք չունի, քանի դեռ օրենսդրական կարգավորումներ չկան։ Գործադիրի որոշումն ուշանում է։
Քարապատ, կիսաքարաշեն, կանաչ գոտիներում տեղադրված, վարձակալված և չբնակեցված․․.
Սրանք Գյումրիում գտնվող տնակների խմբերն են, որոնք հաշվառվել ու առանձնացվել են աշխատանքային խմբի մեկ տարվա գործունեության ընթացքում։ Մինչև 2019-ի սեպտեմբերի 30-ը, որը հաշվառման վերջնաժամկետն էր, Գյումրիում արձանագրել են 2818 տնակ, այս տարվա հունվարին արդեն թիվը ընդամենը 4-ով փոփոխվել է՝ դարձել 2814՝ ի հաշիվ բարեգործական ակցիաներով նվիրված բնակարանների։ 2814 տնակների շարքում 584-ը չբնակեցվածներն են։ Չբնակեցված համարվում են այն տնակները, որտեղ առնվազն տասը տարուց ավելի մարդ չի ապրում։ Այս տվյալները ստանալու անփոփոխ տարբերակ ունեն քաղաքապետարանում։
«Մենք էլցանցի հետ ենք համագործակցում: Նրանք մեզ տվյալներ են տալիս 2002 թվականից: Այդ թվականից հոսանք չեն օգտագործում փակ տնակներում: Այսինքն՝ բնակվողներ չկան: Այսպիսի 584 տնակ կա: Բոլոր թվերը ուղարկել ենք Քաղաքաշինության կոմիտե: Վերջին նիստը աշխատանքային խմբի եղել է հունվարի 30-ին: Այդ ժամանակ Կադաստրի կոմիտեի ներկայացուցիչները խոսել են քարտեզագրման մասին: Քարտեզագրման հետ կապված անճշտություններ կան, լրացուցիչ ճշտումներ են անելու»,- SHANTNEWS-ին ասել է Գյումրիի քաղաքապետարանի անշարժ գույքի կառավարման բաժնի գլխավոր մասնագետ Մկրտիչ Դավթյանը:
Բնակիչ չկա, սակայն տնակն ապամոնտաժելու իրավունք քաղաքապետարանը չունի։ Տնակներում փաստացի հաշվառված ընտանիքներ կան, շատերը ժամանակին բնակարան ստացել են, տեղափոխվել, տնակն էլ չեն ապամոնտաժել։ Այդպիսի մի օրինակ էլ «Շիրակ կենտրոն» հասարակական կազմակերպությունն է ներկայացնում։ Մոսկվայաբնակ, բայց Գյումրիում տնակում հաշվառված ընտանիքը հայց է ներկայացրել կենտրոնի դեմ ու պահանջում է փոխհատուցել իրենց ապամոնտաժված տնակի դիմաց։ Իսկ տնակը «Շիրակ կենտրոնն» ապամոնտաժել է, որովհետև փաստացի այդտեղ ապրող ընտանիքը բարերարների միջոցով բնակարան է ստացել։ Հիմա հայտնվել են ժամանակավոր կացարանի իսկական տերերն ու դիմել են դատարան։
Մի քանի անգամ նույն հայցվորների պահանջը, ըստ Վահան Թումասյանի, վարույթ չի ընդունվել։ Հերթական հայցադիմումն էլ օրեր առաջ է ստացել։ Սա օրինակներից մեկն է, երբ բարեկամների միջև, առանց փաստաթղթավորման, տնակի առուվաճառք է տեղի ունեցել։ Մոսկվայում բնակվող ընտանիքը այժմ էլ Գյումրիում չի ապրում, և նման տնակների հարցը, ըստ աշխատանքային խմբի անդամի, կարող է լուծվել կառավարության որոշմամբ միայն, որն ուշանում է։
«Տրվեց հանձնարարական դատարկ տնակներից մաքրելու, գոնե դատարկներից սկսենք: Հանձնարարական տրվեց, որ իրավական փաթեթը պատրաստվի և համապատասխան որոշում կայացվի: Մինչև հիմա չգիտեմ՝ այդ որոշումն ինչու չի կայացվում»,- SHANTNEWS-ին ասել է «Շիրակ կենտրոն» ՀԿ նախագահ, աշխատանքային խմբի անդամ Վահան Թումասյանը:
Աշխատանքային խումբը հիմա էլ զբաղված է քարտեզագրմամբ։ Հստակ կոորդինատներով նշվելու է յուրաքանչյուր տնակ ու դրանում ապրող ընտանիքի բնակարանային պատմությունը։ Իսկ սա նպաստելո՞ւ է արդյոք անօթևանության խնդրի լուծմանը, աշխատանքային խմբի անդամներին էլ հասկանալի չէ։
«Որևէ նորություն չի եղել: Հասկանում եմ, որ լավ գործ է, որ ամբողջը թղթի վրա է, համապատասխան ցանկ է կազմվել, և հետո ինչ: Անօթևանների թիվը կարող է պակասել կամ խնդիրը կարող է լուծվել, եթե բնակարաններ նվիրենք»,- ասել է Վահան Թումասյանը:
Բնակարաններ նվիրելուց բացի, էլի առաջարկներ են քննարկվել աշխատանքային խմբում։ Դրանք մասնավորապես վերաբերում են սոցիալական բնակարանաշինությանը։
Բոլոր այս առաջարկները քննարկվել են, բայց վերջնական որոշում չի կայացվել։ Աշխատանքային խումբը մեկ ամսից ավելի է՝ նիստեր չի անցկացնում։ Քաղաքաշինության կոմիտեի նախագահը կալանավորված է, աշխատանքային խմբի ղեկավար, որպես այդպիսին, առայժմ չկա։
23:59 21.07.2025
Ա.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր, որն ընդգրկում է 2 նորարարական ուղղությունԱ.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր՝ ՀՀ ԿԳՄՍ նախարարության Բարձրագույն կրթության և գիտության կոմիտեի լաբորատորիաների ամրապնդման դրամաշնորհի շրջանակում։ Այս մասին հայտնել են ԿԳՄՍ նախարարությունից: Ծրագրի բյուջեն կազմում է 176 միլիոն ՀՀ դրամ։ Հետազոտությունն ընդգրկում է երկու նորարարական ուղղություն: Առաջինի շրջանակում գիտնականներն ուսումնասիրում են մարգարտախեցու կառուցվածքը և այն կենսանմանակում՝ նոր սերնդի […] ...
23:55 21.07.2025
2025-ին 1700 շահառու ստացել է աջակցություն բնակապահովման ծրագրի շրջանակում․ վճարվել է շուրջ 1.4 մլրդ դրամ2025 թվականի ընթացքում արդեն իսկ 1700 շահառու ստացել է աջակցություն՝ Երեխա ունեցող ընտանիքների բնակարանային ապահովման պետական աջակցության ծրագրի շրջանակում․ ընդհանուր առմամբ վճարվել է շուրջ 1.4 մլրդ դրամ։ Այս մասին հայտնել են ՀՀ աշխատանքի և սոցիալական հարցերի նախարարությունից: Միջոցառման մեկնարկից մինչ օրս միջոցառման շահառուների թիվը՝ 13815 է, հատկացված բյուջեն՝ շուրջ 10 մլրդ դրամ։ Հիշեցնենք, որ Երեխա […] ...
23:52 21.07.2025
Դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանըՀուլիսի 21-ին Հայաստանի Հանրապետության արտակարգ և լիազոր դեսպան դոկտոր Արսեն Առաքելյանը Քուվեյում ՀՀ դեսպանությունում հյուրընկալել է Քուվեյթի Պետության զբոսաշրջիկների ասոցասիայի նախագահ Մոհամմադ ալ-Բրայիքին։ Այս մասին հայտնել են Քուվեյում ՀՀ դեսպանությունից: Հանդիպման ընթացքում դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանը՝ առանձնացնելով զբոսաշրջության ոլորտում ստեղծված համագործակցության լայն հնարավորությունները։ Ներկայացվել է ՀՀ կառավարության կողմից Ծոցի համագործակցության […] ...
23:49 21.07.2025
Նորք-Մարաշ վարչական շրջանը կունենա շների համար նախատեսված զբոսայգիՆորք-Մարաշ վարչական շրջանը ևս կունենա շների համար նախատեսված զբոսայգի, իսկ հարակից տարածքում ստեղծվում է նոր պուրակ: Աշխատանքներն ավարտական փուլում են: Այս մասին հայտնել են Երևանի քաղաքապետարանից: Մանրամասները՝ տեսանյութում: ...
23:44 21.07.2025
«Բարսելոնան» մեկ օրում մարզաշապիկների վաճառքի ռեկորդ է գրանցել«Բարսելոնան» 24 ժամում ակումբի հարձակվող Լամին Յամալի` «10» համարով 70 հազար մարզաշապիկ է վաճառել, հայտնում է COPE-ն։ Այդ ցուցանիշը ռեկորդային է «Բարսելոնայի» համար։ Կատալոնական ակումբը վաճառած մարզաշապիկներից վաստակել է գրեթե 10 միլիոն եվրո` գերազանցելով կոմերցիոն սպասելիքները։ Յամալի՝ «10» համարով մարզաշապիկները վաճառվում են աշխարհի 170 երկրներում։ 18-ամյա հարձակվողը հուլիսի 16-ին է ստացել «10» համարի խաղաշապիկը։ ...
23:39 21.07.2025
Մերց. ԱՄՆ-ն Գերմանիային և ԵՄ-ին խոստացել է Patriot համակարգեր՝ Ուկրաինային փոխանցված համակարգերի դիմացԳերմանիայի կանցլեր Ֆրիդրիխ Մերցը հայտարարել է, որ Միացյալ Նահանգները Գերմանիային և ԵՄ մյուս երկրներին խոստացել է Patriot հակաօդային պաշտպանության համակարգեր, եթե Եվրոպան իր համակարգերը փոխանցի Ուկրաինային։ Մանրամասները քննարկվում են։ «ԱՄՆ կառավարության կողմից կա ընդհանուր համաձայնություն Patriot համակարգերը մեզ՝ Գերմանիային և Եվրամիությանը փոխանցելու վերաբերյալ, և մենք, մեր հերթին, Ուկրաինային կմատակարարենք մեր ունեցած Patriot համակարգերը։ Այսինքն՝ մենք […] ...