Գյումրեցի Կարինե Տիգրանյանն ու Նորայր Հակոբյանը դարձել են World Vision 2020 միջազգային մրցույթի հաղթողներ – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
28 03 2024
  • $
    394.46
  • RUBLE
    4.27
  • 425.62
WEATHER
+5.09 oC

Գյումրեցի Կարինե Տիգրանյանն ու Նորայր Հակոբյանը դարձել են World Vision 2020 միջազգային մրցույթի հաղթողներ

13:08 18.06.2020

Գյումրիի «Ընտանիք» կենտրոնի երգարվեստի խմբակի սաներ Նորայր Հակոբյանը և Կարինե Տիգրանյանը ճանաչվել են Կատարողական արվեստի համաշխարհային ասոցիացիայի կազմակերպած World Vision 2020 երգի հեռավար միջազգային մրցույթի մրցանակակիրներ։

Առաջին անգամ անցկացվող միջազգային մրցույթին մասնակցել են  աշխարհի 45 պետությունների 725 մասնակիցներ։

«Մրցույթը մեկնարկեց մայիսի 5-ին, մինչ այդ արդեն Կատարողական արվեստի միջազգային ասոցիացիայի նախագահ Արման Ղուկասյանը, համավարակի սահմանափակումներն ու անվտանգությունը հաշվի առնելով, որոշում էր կայացրել մրցույթը հեռավար անցկացնելու մասին։

Գյումրիի «Ընտանիք» կենտրոնից մասնակցության հայտ ներկայացրեցին 7 սաներ, նրանց խմբավարն է  օպերային երգչուհի Արևիկ Թանաշյանը։ Յոթ մասնակիցներից երկրորդ փուլ անցան միայն երկուսը, իսկ հունիսի 14-ին կայացավ եզրափակիչ փուլը: Մրցույթի արդյունքներն ամփոփվել են երեկ՝ հունիսի 17-ին»,- SHANTNEWS.am-ի հետ զրույցում ասել է Կատարողական արվեստի համաշխարհային ասոցիացիայի փոխնախագահ Վիգեն Թանաշյանը։

Մրցույթը ժանրային սահմանափակում չի ունեցել, դրան մասնակցել են 5-75 տարեկան երգիչ-երգչուհիներ, իսկ կատարումները գնահատել են 40 երկրից ընտրված ժյուրիի հեղինակավոր անդամները։

«Գյումրեցի Կարինե Տիգրանյանը հաղթող ճանաչվեց 10-13 տարեկան խմբում և զբաղեցրեց առաջին  հորիզոնականը, իսկ Նորայր Հակոբյանը մասնակցում էր 10-15 տարեկան խմբում և օպերային ժանրում դարձավ «Գրան պրի» մրցանակակիր։ Մրցույթի ձևաչափը հեռավար էր, բայց ուղիղ միացմամբ չէր անցկացվում, այլ մասնակիցներն իրենց կատարումներն ուղարկում էին ասոցիացիայի էլեկտրոնային հասցեին, որն էլ տրամադրվում էր ժյուրիի անդամներին»,- ասաց Վիգեն Թանաշյանը։

Ըստ «Ընտանիք» կենտրոնի գեղարվեստական մասի վարիչ Աննման Մինասյանի՝ գյումրեցի  մրցանակակիրները    մրցույթից հետո հրավեր են ստացել ու Հայաստանը կներկայացնենցհունիսի 28-ին Մալթայում կայանալիք GOLDEN VOICE պատանի երաժիշտ-կատարողների մրցույթին, որը տեղի կունենա կրկին օնլայն հարթակում:

Հեղինակավոր մրցույթին մասնակցում են երաժիշտ-կատարողներ աշխարհի շուրջ երեք տասնյակ երկրներից:

Իսկ Կարինե Տիգրանյանը կներկայացնի Հայաստանը 2020 թվականի նոյեմբերին Իտալիայում կայանալիք San Remo Junior երգի հեղինակավոր մրցույթ-փառատոնում:

Հայաստանից 15 հայտ ներկայացրած պատանի երաժիշտ-կատարողներից մեր երկիրը ներկայացնելու հնարավորություն է ստացել «Ընտանիք» մանկապատանեկան ստեղծագործական կենտրոնի երգարվեստի խմբակի սանը: Լսումները տեղի են ունեցել օնլայն հարթակում։ Կարինեն Հայաստանը իտալական բեմում կներկայացնի Էդիտ Պիաֆի Non je ne regrette երգը՝ 40 հոգուց բաղկացած սիմֆոնիկ նվագախմբի նվագակցությամբ։

Նշենք, որ ամենամյա San Remo Junior երաժշտական փառատոնը ամենահայտնի իտալական երաժշտական մրցույթ-մրցանակաբաշխությունն է, որտեղ լավագույնը ճանաչվելու համար մրցում են պատանի երաժիշտ-կատարողներ աշխարհի տարբեր երկրներից։

Բոլոր լուրերը

Կապակցված լուրեր

Ադրբեջանը փորձում է ֆրանսիական նահանգներում անջատողական շարժումներ հրահրել

22:44 28.03.2024

Ադրբեջանը փորձում է ֆրանսիական նահանգներում անջատողական շարժումներ հրահրել

Ի պատասխան Հայաստանի անվտանգությանը նպաստելու Ֆրանսիայի ջանքերի՝ Ադրբեջանը հերթական հակաֆրանսիական արշավն է սկսել: Բաքվի քարոզիչները փորձում են անջատողական շարժում հրահրել Ֆրանսիային պատկանող Նոր Կալեդոնիա կղզում: Այնտեղ ադրբեջանցիների աջակցությամբ հանրահավաք է կազմակերպվել Ֆրանսիայի կազմից նահանգի դուրս գալու պահանջով: Ինչու են այդքան հեռու հասել:  Ի՞նչ մեթոդներով են անջատողականություն հրահրում ադրբեջանցիները և որքանո՞վ է դա ցավոտ Փարիզի համար: […] ...

Սուրեն Պապիկյանն այցելել է «Բաղրամյան» զորավարժարան, մասնակցել օպերատիվ հավաքների շրջանակում ռազմական տեխնիկայի ցուցադրությանը

22:26 28.03.2024

Սուրեն Պապիկյանն այցելել է «Բաղրամյան» զորավարժարան, մասնակցել օպերատիվ հավաքների շրջանակում ռազմական տեխնիկայի ցուցադրությանը

Մարտի 28-ին ՀՀ պաշտպանության նախարար Սուրեն Պապիկյանը ԶՈՒ ԳՇ ղեկավար կազմի ուղեկցությամբ այցելել է «Բաղրամյան» զորավարժարան, մասնակցել օպերատիվ հավաքների շրջանակում ռազմական տեխնիկայի ցուցադրությանը, հետևել մարտական հրաձգությանը: Զորավարժությանը ներգրավված ստորաբաժանումները խաղարկել են պայմանական մարտական դիրքերի պահպանությունից պաշտպանության անցնելու մի շարք սցենարներ, կիրառել տարբեր զինատեսակներ՝ բնագիծն անխոցելի դարձնելու նպատակով: Պաշտպանության նախարարը և ԶՈՒ բարձրագույն սպայակազմը զորախաղին հետևել […] ...

Քաղաքական խորհրդակցություններ Հայաստանի և Կորեայի  ԱԳ նախարարությունների միջև

21:36 28.03.2024

Քաղաքական խորհրդակցություններ Հայաստանի և Կորեայի ԱԳ նախարարությունների միջև

Մարտի 28-ին Երևանում կայացել են Հայաստանի Հանրապետության և Կորեայի Հանրապետության արտաքին գործերի նախարարությունների միջև 5-րդ քաղաքական խորհրդակցությունները՝ Հայաստանի Հանրապետության ԱԳ նախարարի տեղակալ Մնացական Սաֆարյանի և Կորեայի Հանրապետության ԱԳ նախարարի քաղաքական հարցերով տեղակալ Չոն Բյուն Վոնի գլխավորությամբ: Կողմերը քննարկել են երկկողմ համագործակցության հեռանկարները՝ երկուստեք պատրաստակամություն հայտնելով զարգացնել առկա քաղաքական երկխոսությունը և տնտեսական կապերը: Հանդիպման ընթացքում անդրադարձ […] ...

Մարտի 29-ին Երևանի և մարզերի որոշ հասցեներում լույս չի լինի

21:09 28.03.2024

Մարտի 29-ին Երևանի և մարզերի որոշ հասցեներում լույս չի լինի

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մարտի 29-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10:00-16:00 Րաֆֆու փ. 47, 49, 51, 53, 55 շենքեր, Հասրաթյան, Սպորտօ, Թերլեմեզյան, Միրաքյան, Մելիքյան, Չուխաջյան, Զոհրաբի, Սարգսյան, Մարտիրոսյան փողոցեր, Լուկաշին 1-ի, 2-րդ, 3-րդ փողոցներ և ոչ-բնակիչ բաժանորդներ, 11:00-17:00 Հ. Քոչարի փ. 8, […] ...

ՀՀ կառավարության ուղարկած մարդասիրական օգնությունը հասել է Եգիպտոս

19:14 28.03.2024

ՀՀ կառավարության ուղարկած մարդասիրական օգնությունը հասել է Եգիպտոս

Հայաստանի Հանրապետության կողմից Գազայի բնակչությանն ուղղված ավելի քան 30 տոննա կշռող մարդասիրական օգնությունը տեղափոխող ինքնաթիռը մարտի 28-ին վայրէջք է կատարել Եգիպտոսի ալ-Արիշ քաղաքի ռազմական օդանավակայանում։ Այս մասին տեղեկացնում են Եգիպտոսում Հայաստանի դեսպանությունից: Եգիպտոսում ՀՀ դեսպան Հրաչյա Փոլադյանը օդանավակայանում դիմավորել է ուղեբեռը և օդանավի անձնակազմի հետ միասին այն հանձնել Եգիպտոսի Կարմիր մահիկ ընկերությանը, որի համակարգմամբ մեկ-երկու […] ...

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

18:43 28.03.2024

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Եվրոպական խորհրդի անվտանգության և քաղաքական հարցերով կոմիտեի անդամներն ապրիլի 8-9-ը աշխատանքային այցով կլինեն Հայաստանում։ Բրյուսելում «Արմենպրես»-ի թղթակցի փոխանցմամբ՝ նախատեսվում են հանդիպումներ Երևանում և ԵՄ դիտորդական առաքելության գրասենյակում։ Այցի նպատակն է պատկերացում կազմել տարածաշրջանում տեղի ունեցող զարգացումների և Հայաստան-Ադրբեջան խաղաղության գործընթացի վերաբերյալ։ Պատվիրակությունը կայցելի նաև Վրաստան և Ադրբեջան։ Եվրոպական խորհրդի անվտանգության և քաղաքական հարցերով կոմիտեն բաղկացած […] ...

BACK_TO_TOP