19:56 08.10.2020
Թիկունքը շարունակում է ակտիվ աջակցություն ցուցաբերել առաջնագծին: Շիրակի մարզում ևս ձևավորվեց նախաձեռնություն, որը կանոնակարգում է այս գործընթացը: Պատերազմի առաջին օրերի համեմատությամբ հիմա անհրաժեշտ պարագաների հավաքագրման ու կանոնակարգման ձևը փոքր-ինչ փոխվել է: Ամեն օր ճշտում են, թե ինչի կարիքն է ավելի շատ զգացվում, որպեսզի աջակցությունը զինվորին լինի նպատակային:
Գյումրիի թիվ 30 հիմնական դպրոցի մարզադահլիճը սեպտեմբերի 27-ից վերածվել է պահեստի։Կամավորները նոր արկղեր ու պարկեր են տեղափոխում դահլիճ, որը մի քանի մասերի են բաժանել՝ դեղորայքի, սննդամթերքի, հագուստի ու առաջին անհրաժեշտության այլ իրերի համար:
Բոլոր արկղերը բացում են, ստուգում, տեսակավորումից բացի հատկապես դեղորայքի ու սննդամթերքի պիտանելիության ժամկետներն են ստուգում:Միայն Գյումրիում հարյուրից ավելի կամավորներ են մասնակցում զինվորների համար բերվող ապրանքների տեսակավորման ու տեղափոխման գործին:Բոլորին համախմբում է մեկ նպատակ՝ որքան հնարավոր է շատ ու շուտ օգնել :
«Բանակն ինքը հոգում է իր կարիքները, բայց քանի որ հոսք կա մարդկանց, բազմաթիվ մարդիկ իրենք իրենց լուման են ուզում ունենալ պատերազմում հաղթանակի գործին: Մենք ըստ կարիքների ենք առաջնորդվում, որոնք կարող են պահի տակ առաջ գան: Օրինակ քնապարկեր, որոնք դիրքերում անհրաժեշտություն են կամ վերարկուներ: Արկղեդրը բացվում են, ստուգվում: Մեծ թվով կամավորներ են լծված այս գործին»,-shantnews-ին ասել է «Ես Արցախն եմ.Շիրակ» նախաձեռնության անդամ Ղարիբ Հարությունյանը:
«Ես Արցախն եմ.Շիրակ» անունը ստացած նախաձեռնությունը աջակցությունները Գյումրիում ընդունում է երկու հասցեում՝թիվ 30 դպրոցում և Հայորդաց տանը: Պաշտպանության բանակի հետ կապն ամենօրյա է՝ ճշտում են, թե առաջնահերթ ինչի կարիք կա սահմանին: Անհրաժեշտ իրերի ցանկում հիմա տաք հագուստներն են, վերարկուները, լապտերներն ու ծխախոտը: Դրանք մարդիկ բերում են , բայց հետն էլ էլի սննդամթերքի փաթեթներով ու դրանք հետ տանելու ոչ մի հորդոր չեն ընդունում:
«Անհրաժեշտության ցանկ ենք տալիս մարդկանց: Բայց երկու օր առաջ Ջավախքից էին եկել , 2000 հատ լավաշ էին բերել: Ինչքան հորդորեցինք, որ կարիքը չկա, չստացվեց: Այնքան կանգնեցին, մինչև լավաշը բարձվեց: Բայց իսկապես սննդի կարիք չկա, թող մարդիկ անհոգ լինեն»,- shantnews-ի հետ զրույցում նշել է Գյումրիի հայորդաց տան տնօրեն Աստղիկ Եդիգարյանը:
15 բեռնատար թիվ 30 դպրոցից, 55 տոննա էլ հայորդաց տնից է առաջնագիծ ուղարկվել: Սահմանին կանգնած զինվորներին ամենաշատը փաթեթներն ուղեկցող նամակներն են ուրախացնում:
Բարեմաղթանքները,միասնության ու հաղթանակի կոչերը արկղերի հետ ամեն օր Գյումրիից առաջնագիծ են հասցնում կամավոր վարորդները:
16:14 02.05.2025
Մի խումբ ուսանողներ հյուրընկալվել են խորհրդարանումՀՀ պետական կառավարման ակադեմիայի ուսանողներին մայիսի 2-ին Ազգային ժողովում հյուրընկալել է ԱԺ «Քաղաքացիական պայմանագիր» խմբակցության պատգամավոր Տաթեւիկ Գասպարյանը: Հանդիպումն անցել է հարցուպատասխանի ձեւաչափով: Պատգամավորը պատասխանել է ուսանողների հարցերին, որոնք վերաբերել են Հայաստանի արտաքին քաղաքականությանը, մասնավորապես, հարեւան երկրների հետ հարաբերությունների զարգացմանը, «Իրական Հայաստան» հասկացությանը, Հայաստանի պետական սահմանի սահմանազատման եւ սահմանագծման գործընթացին, երկրի տնտեսության զարգացման խնդիրներին: Հանդիպման […] ...
16:06 02.05.2025
Տեղի կունենա քահանայական ձեռնադրությունՆ.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ մայիսի 4-ին Միածնաէջ Մայր Տաճարում Սուրբ Պատարագի ընթացքում տեղի կունենա քահանայական ձեռնադրություն: Քահանայական ձեռնադրության և օծման կարժանանան տարբեր եկեղեցական կառույցներում իրենց սպասավորությունը բերող Մայր Աթոռ Սուրբ Էջմիածնի միաբան յոթ սարկավագներ: Սուրբ Պատարագի սկիզբը` ժամը 11:00-ին: ...
15:57 02.05.2025
Սուբվենցիոն ծրագրով ավարտվել են Վանաձորի թիվ 8 մանկապարտեզի կառուցման աշխատանքներըՍուբվենցիոն ծրագրով ավարտվել են Վանաձորի թիվ 8 մանկապարտեզի կառուցման աշխատանքները: Ծրագրի ընդհանուր արժեքը կազմում է 306 մլն դրամ, որից 214 մլն դրամը հատկացրել է Կառավարությունը: Այս մասին ֆեյսբուքյան իր էջում գրել է վարչապետ Նիկոլ Փաշինյանը՝ կից տեսանյութ հրապարակելով: ...
15:50 02.05.2025
Վերականգնողական կենտրոնից վերադարձված կալանավորված անձը բժշկական գոտու տակ թաքցրել էր 7 բջջային հեռախոս և բաժանորդային քարտերՀՀ արդարադատության նախարարության Նուբարաշեն քրեակատարողական հիմնարկի հերթապահ խմբի և պահպանության ապահովման բաժնի ծառայողները նախապես առաջացած կասկածանքի հիման վրա խուզարկության են ենթարկել բժշկական վերականգնողական կենտրոնից հիմնարկ վերադարձված կալանավորված անձ Կ․Մ․-ին։ Խուզարկության արդյունքում Կ․Մ․-ի գոտկատեղին ամրացված բժշկական գոտու տակից ծառայողները հայտնաբերել են 7 բջջային հեռախոս և 6 բաժանորդային քարտ։ Դեպքի առթիվ ձեռնարկվել են համապատասխան միջոցառումներ։ ...
15:44 02.05.2025
Գազա մեկնող մարդասիրական նավն ԱԹՍ-ի հարձակման պատճառով խորտակվում է Մալթայի ափերի մոտԳազայի հատված նավարկող մարդասիրական օգնությամբ նավը, որը պատկանում է «Ազատության նավատորմի կոալիցիա» (FFC) կազմակերպության ակտիվիստներին, Մալթայի ափերի մոտ անօդաչու թռչող սարքի հարձակման է ենթարկվել, որից հետո նավում հրդեհ է բռնկվել։ «Արմենպրես»-ի փոխանցմամբ՝ այս մասին CNN-ին հայտնել է կազմակերպության հասարակայնության հետ կապերի բաժնի աշխատակից Յասեմին Աքարը։ Նրա խոսքով՝ հարձակումը տեղի է ունեցել մայիսի 2-ին, տեղական ժամանակով […] ...
15:35 02.05.2025
Ամբողջ աշխարհը կարող է տեսնել, թե որքան լավն է նա․ Մխիթարյանը՝ Յամալի մասինՀենրիխ Մխիթարյանը Միլանի «Ինտերի» կազմում «Բարսելոնայի» դեմ Չեմպիոնների լիգայի կիսաեզրափակչի առաջին խաղից հետո գովեստի խոսքեր է ասել կատալոնական ակումբի 17-ամյա ֆուտբոլիստ Լամին Յամալի մասին, հաղորդում է ՈՒԵՖԱ-ն: «Ամբողջ աշխարհը կարող է տեսնել, թե նա որքան լավ խաղացող է: Նա ֆուտբոլիստ է, որը փայլում է: Մենք փորձում էինք կանգնեցնել նրան, բայց այնքա՜ն դժվար էր, քանի որ […] ...
