13:35 11.11.2020
ՀՀ վարչապետ Նիկոլ Փաշինյանն իր ֆեյսբուքյան ուղիղ եթերի ժամանակ անդրադարձել է ԲՀԿ ղեկավար Գագիկ Ծառուկյանի այն հայտարարությանը, թե հոկտեմբերի 28-ին Ռուսաստանը պատրաստ է եղել խաղաղապահներ տեղակայել ԼՂ-ում, բայց վարչապետ Փաշինյանը դեմ է եղել և միայն «Շուշին հանձնելուց հետո» է համաձայնել.
«Այսինքն՝ էդպե՞ս է եղել պայմանավորվածությունը՝ Շուշին կընկնի, նոր ես կհամաձայնե՞մ: Սա, իհարկե, բացարձակ անհեթեթություն է, որը փաստերով է արձանագրվում: Հոկտեմբերի 2-ին ռուսական «ՌԻԱ Նովոստի» գործակալությանը տված հարցազրույցում ես հայտարարել եմ, որ կողմ եմ Ղարաբաղում ռուս խաղաղապահների տեղակայմանը: Նույնը ես կրկնել եմ հոկտեմբերի 25-ին հնդկական «Վիոն» հեռուստատեսությանը տված հարցազրույցում: Այսինքն՝ հոկտեմբերի 22-ին և 25-ին հրապարակային կողմ արտահայտվելով խաղաղապահների տեղակայմանը՝ որևէ կերպ չէի կարող հոկտեմբերի 28-ին դեմ արտահայտվել դրան, սա պարզ տրամաբանություն է»:
Նիկոլ Փաշինյանն անդրադարձել է նաև Ծառուկյանի՝ ջոկատ կազմելու հանգամանքին:
«Իսկ եթե դավադրության կամ պատճառների մասին ենք խոսում, եկեք նաև արձանագրենք մի այսպիսի փաստ՝ ԲՀԿ նախագահ Գագիկ Ծառուկյանը, երբ բանտից դուրս եկավ, հայտարարեց, որ կամավորական ջոկատ է կազմելու ու անձամբ է գլխավորելու էդ կամավորական ջոկատը: Հետո մենք տեսանք ռեպորտաժ, վերնագիր, որ Ծառուկյանը հանդիպել է կամավորականների հետ, տեսանք «Նիվաներ»՝ կամուֆլյաժ ներկով ներկած, տեսանք «Վիլիսներ» և այլն, բայց այդպես էլ, կարծես թե, չտեսանք կամավորական ջոկատ: Առավել ևս՝ Գագիկ Ծառուկյանի գլխավորությամբ։
Շուշիի մոտակայքում կռվելիս գուցե հենց սա է պատճառը, որ Շուշին ընկավ, որովհետև էն խումբը, որ կռվում էր Շուշիի մոտակայքում, մի խումբն էլ ներս էր թափանցել Շուշի, գուցե եթե բավարար ռեզերվներ լինեին, հնարավոր է՝ կօգներ Շուշին պահել: Թերևս, սխալված չեմ լինի, եթե ասեմ, որ Շուշիի անկման առանցքային պատճառներից մեկը Գագիկ Ծառուկյանի խոստացած կամավորական ջոկատների բացակայությունն էր Շուշիի մարտին: Սա գուցե մի փոքր սիմվոլիկ, բայց իրականում սիմվոլիկ էլ չի: Եթե էդ ջոկատը պատրաստ լիներ, ՊԲ հրամանատարի տրամադրության ներքո, կարծում եմ, անհրաժեշտ պահի Գագիկ Ծառուկյանի գլխավորությամբ կարող էր ուղարկել, որպեսզի նրանք օգնեն Շուշի մուտք գործած մեր խմբին և ամրացներ այդ հաղթանակը, բայց, քանի որ ինչ-ինչ պատճառներով հրապարակային հայտարարություններին չհետևեց գործողություն… չգիտեմ՝ ինչ պատճառով:
Այդ ինչպես է լինում, որ հրապարակային հայտարարվում է կամ կամուֆլյաժնի «Վիլիսները» ցուցադրվում են, բայց հետո ոչ մի բան չի լինում: Սրա մեջ կարա դավաճանություն և դավադրություն լինի, համենայնդեպս, վարկած է, որն արժանի է քննության: Իսկ միգուցե այդ նիվաները և վիլիսները և ջոկատները ոչ թե Շուշիում, այլ ՀՀ-ում գործունեություն ծավալելու համար են ձևավորվել»,- ասել է Փաշինյանը ու նաև նշել, որ այդ փաստը պետք է ստուգվի և արժանանա քրեաիրավական գնահատականի, ինչն, անպայման, տեղի կունենա:
17:10 28.07.2025
Դավիթ Խուդաթյանը «Երևանի ՋԷԿ»-ի աշխատակազմին է ներկայացրել տնօրենի ժամանակավոր պաշտոնակատարինՀՀ ՏԿԵ նախարար Դավիթ Խուդաթյանն այսօր «Երևանի ՋԷԿ» ՓԲԸ-ի աշխատակազմին է ներկայացրել տնօրենի ժամանակավոր պաշտոնակատար Գևորգ Պողոսյանին։ Նախարարը շնորհակալություն է հայտնել «Երևանի ՋԷԿ»-ի աշխատակազմին այս ժամանակահատվածում կատարած աշխատանքի համար և հավաստիացրել է, որ պարոն Պողոսյանն ունի հարուստ աշխատանքային փորձ, որը միանշանակ ծառայեցվելու է ընկերության արդյունավետ կառավարմանը։ «Երևանի ՋԷԿ»-ն առանցքային նշանակություն ունի ՀՀ էներգետիկ համակարգում և […] ...
17:00 28.07.2025
Կարծում եմ՝ «Այաքսի» նման ակումբն իդեալական տարբերակ է․ Սմոլով«Կրասնոդարի» նախկին ֆուտբոլիստ Ֆյոդոր Սմոլովը պատմել է, որ Ռուսաստանի չեմպիոնի ավագ Էդուարդ Սպերցյանը խորհրդակցել է իր հետ Եվրոպա հնարավոր տեղափոխության վերաբերյալ։ «Մենք շատ ենք խոսել, նա խորհրդակցել է ինձ հետ։ Ես իսկապես ուզում եմ, որ նրա երազանքն իրականանա։ Հնարավոր է՝ այսօրվա Իտալիան նրան ավելի շատ կհամապատասխանի, քան Իսպանիան։ Իսպանիայում ֆուտբոլը շատ կոմպակտ է. քիչ ժամանակ […] ...
16:54 28.07.2025
Գազամատակարարման պլանային դադարեցումներ՝ Երևանում, Կոտայքի, Լոռու և Սյունիքի մարզերում«Գազպրոմ Արմենիա» ընկերությունից տեղեկացնում են, որ պլանային աշխատանքներ իրականացնելու նպատակով՝ հուլիսի 30-ին՝ ժամը 09:30-ից մինչև ժամը 18:00-ն, կդադարեցվի Երևան քաղաքի Արաբկիր վարչական շրջանի Արաբկիր 29-րդ փողոցի, Բաբայան փողոցով և Ազատության պողոտայով պարփակված թաղամասի գազասպառողների, հարակից տարբեր նշանակության ձեռնարկությունների, ժամը 10:00-ից մինչև ժամը 19:00-ն՝ Մալաթիա-Սեբաստիա վարչական շրջանի Լուկաշինի 2-րդ և 3-րդ փողոցների առանձնատների գազասպառողների, ժամը 09:30-ից […] ...
16:47 28.07.2025
Շրջակա միջավայրի նախարարը հանդիպում է ունեցել Կանաչ կլիմայի հիմնադրամի քարտուղարության պատվիրակության հետՇրջակա միջավայրի նախարար Համբարձում Մաթևոսյանը հանդիպում է ունեցել Կանաչ կլիմայի հիմնադրամի (GCF) քարտուղարության պատվիրակության հետ: Հանդիպման հիմնական նպատակն էր հիմնադրամի գործունեության պաշտոնական ներկայացումը, ինչպես նաև Հայաստանի և ԿԿՀ-ի միջև ձևավորված դրական, կառուցողական և ընդլայնվող համագործակցության վերահաստատումը։ Հանդիպմանը մասնակցել են նախարարի տեղակալ Արա Մկրտչյանը, «Բնապահպանական ծրագրերի իրականացման գարսենյակ» ՊՀ տնօրեն Արմեն Եսոյանը։ Քննարկումների ընթացքում կողմերը անդրադարձել […] ...
16:40 28.07.2025
Լենոքս Լյուիսը կարծում է, որ Ալեքսանդր Ուսիկին հաղթելու հնարավորություն ունի միայն Ջոզեֆ ՓարքերըԱշխարհի նախկին չեմպիոն Լենոքս Լյուիսը կարծում է, որ այսօրվա դրությամբ պրոֆեսիոնալ բռնցքամարտի գերծանր քաշային կարգի աշխարհի բացարձակ չեմպիոն Ալեքսանդր Ուսիկի հետ մենամարտում հաղթելու հնարավորություն ունի միայն WBO-ի ժամանակավոր չեմպիոն Ջոզեֆ Փարքերը, հաղորդում է Seconds Out-ը: «Ջոզեֆ Փարքերն այս պահին ունի հաղթելու ամենամեծ հնարավորությունը։ Կարծում եմ՝ նրանք պարզապես «սառեցնում» են Փարքերին։ Ջոզեֆին հաջորդ մենամարտը պետք է, […] ...
16:34 28.07.2025
Պահպանենք անտառները՝ կանխարգելելով հրդեհների բռնկումը․ փրկարարներն ուժեղացված ծառայություն են իրականացնումՆԳՆ փրկարար ծառայությունից հիշեցնում են՝ հունիսի 1-ից սեպտեմբերի 30-ն անտառային տարածքներում համարվում է հրդեհավտանգ ժամանակաշրջան։ Սպասվող բարձր ջերմային ֆոնով պայմանավորված՝ անտառային տարածքներում հրդեհների առաջացման ու տարածման կանխարգելման, դրանց հետևանքով բնությանը հասցվող վնասների ռիսկերի նվազեցման նպատակով հուլիսի 14-ից Արարատի մարզային փրկարարական վարչության ենթակա ստորաբաժանումների և էկոպարեկային ծառայողների հետ համատեղ «Խոսրովի անտառ» պետական արգելոցի հարակից տարածքներում 24-ժամյա […] ...
