18:45 10.02.2021
Շիրակի մարզի դպրոցների տնօրենների հետ է այսօր հանդիպել Շիրակի նորանշանակ մարզպետ Հովհաննես Հարությունյանը: Ճանաչողական հանդիպումը, օրակարգ, որպես այդպիսին չի ունեցել: Մարզպետը տնօրենների հետ խոսել է կրթական համակարգի ընդհանրական խնդիրներից: Համավարակով պայմանավորված՝ դասապրոցեսի ընդհատումները ուսումնական ծրագիրը հասցնելու խնդիր են ստեղծել տարրական և ավարտական դասարաններում: Միևնույն ժամանակ, համավարակի պայմաններում դասերը վերսկսելը ուսուցիչների ու տնօրենների վրա լրացուցիչ պարտավորություններ է դրել, որոնք դպրոցների բյուջեների համար ենթադրում են նաև ֆինանսական դժվարություններ:
Լրագրողների հետ զրույցում Շիրակի մարզպետն անդրադարձել է Գյումրիի թիվ 25 հիմնական դպրոցում ստեղծված իրավիճակին:
Երեխաների կրթական իրավունքը որերորդ օրն է խախտվում է Գյումրիի թիվ 25 հիմնական դպրոցում: Ծնողները երեխաներին դպրոց չեն ուղարկում, ու սա նրանց բողոքի արտահայտման ձևն է տնօրենի մրցույթի արդյունքների դեմ: Ծնողներն ու մանկավարժները պահանջում են, որ տնօրենի պաշտոնը զբաղեցնի իրենց դպրոցի ուսուցիչը, որը մրցույթի մասնակից է եղել և կառավարման խորհրդի անդամներից 4-ի քվեն է ստացել: Բայց այդ պաշտոնում նշանակվել է մեկ այլ թեկնածու, ում ընտրել է փոխվարչապետը: Շիրակի մարզպետը խնդրի լուծման իր տարբերակն է առաջարկում:
«Պետք է մենք շանս տանք, որ տնօրենը սկսի աշխատել, ցույց տա իրեն որպես վարչական աշխատող և որպես ղեկավար: Եթե հետագայում կլինեն խնդիրներ, որոնք կապված են այն ամենի հետ, ինչի մասին բարձրաձայնում են ծնողները, այդ ժամանակ մարզպետարանը կունենա ավելի շատ լիազորություններ, եթե խոսում ենք օրենքի սահմաններում: Իսկ եթե խոսում ենք էմոցիոնալ դաշտից, այո՛ մենք շատ բան կարող ենք ուզել, այո՛ գուցե դրանք ունենան օբյեկտիվ և սուբյեկտիվ պատճառներ, բայց շարժվել բացառապես օրենքով, մենք պարտավոր ենք»,– ասել է Հովհաննես Հարությունյանը:
Թիվ 25 դպրոցում դասադուլը շարունակվում է, նաև մանկավարժներն են անժամկետ գործադուլ հայտարարել: Դասեր չանելու որոշումը Հովհաննես Հարությունյանը դասադուլ ու գործադուլ չի անվանում:
«Դա դասադուլ և գործադուլ չեմ ուզում կոչենք: Իրենք էլ որպես իրավագիտակից քաղաքացիներ գիտեն, որ ռազմական դրության պայմաններում գործադուլ և դասադուլ անել չի կարելի: Քանի որ մի քանի օր է չեն կազմակերպվում դասեր, դրա մասին տեղյակ է նաև կրթության տեսչությունը: Ընթացակարգով վարույթ կբացվի, այդ ժամանակ էլի օրենքին համապատասխան, կտեսնենք, թե ինչ է կատարվում»,- նշել է Շիրակի մարզպետը:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
