ԱԻՆ-ում տեղեկություններ են հաղորդել Թումանյանի սողանքի վերաբերյալ

Այսօր ԱԻՆ ՃԿԱԿ-ում՝ ինտերակտիվ քարտեզների միջոցով ներկայացվել են  Լոռու մարզի Թումանյան համայնքում ակտիվացած սողանքային գոտու երկրաբանա-ինժեներական հետազոտությունների արդյունքները: Խոսքն այս դեպքում այնպիսի սողանքի մասին է, որը հիմնականում սպառնում ոչ այնքան բնակավայրին, որքան երկաթգծին ու ճանապարհին:

«Միայն 3 բնակելի տուն կա տարածքում, 3-ից մեկում այս պահին չեն ապրում», – լրագրողներին այսօր որոշ մանրամասնություններ հաղորդելու ժամանակ ասաց ԳԱԱ երկրաբանության ինստիտուտի տնօրեն Խաչատուր Մելիքսեթյանը:

ՀՀ արտակարգ իրավիճակների նախարար Դավիթ Տոնոյանն իր հերթին վստահեցրեց,, որ բնակիչներին վտանգ չի սպառնում:

«Այն տան բնակիչներն, ովքեր այս պահին չեն ապրում իրենց տանը, մեր կողմից զուշացվել են, որ տուն չգնան այնքան ժամանակ, քանի դեռ վտանքը չի անցել: Մյուս երկու ընտանիքների համար միջոցներ են ձեռնարկվել, որպեսզի նրանց այլ բնակավարում, մինչև սողանքի կայունացումը բնակարան տրամադրեն», -հավելեց Դասվիթ Տոնոյանը: 

Ինչպես արդեն հայտնի է, այս սողանքի վտանգի մասին հայտնել են տարածքի բնակիչները դեռ հունվարի 12-ին՝ ահազանգելով ԱԻՆ:

Բանկիչներն ասել են, որ անց ու դարձի ժամանակ հողի վրա ճաքեր են կատել ու անհանգստացել: Ահազանգից հետո դեպքի վայր

մեկնած ԱԻՆ հատուկ խումբը նախնական ուսումնասիրություններից հետո  հաստատեց  սողանքի ակտիվացման վտանգի առակայությունը: Թումանյանի այս սողանքը 3.5 հեկտար է կազմում: Ակտիվացման պատճառներն, ըստ մասնագետների մի քանիսն  են:

«1-ին պատճառն այն է, որ բազալտների ընդհանուր հատվածից ներքև միշտ կա ջրի արտահոսք, որը սնում է սողանքը: 2-րդ պատճառը վերևում գտնվող ջրավազանն էր, որտեղից վերջին 10-մ օրվա ընթացքում ջրի հոսքեր են նկատվել: 3-րդ պատճառը երկաթգիծն ու ճանապարհն են: Այսինքն տեղաշարժի արդյունքում ինքն արագացնում է սողանքի ակտիվությունը», – ասաց տեղում դիտարկումներ կատարած աշխատանքային խմբի անդամ ՀՀ վարչապետի օգնական Կարապետ Վարդանյանը:

Դեռ օրեր առաջ  հատուկ Հորիզոնի համար պատրաստված տեսանյութի ցուցադրման ժամանակ արդեն հաղորդել ենք, որ պայմանավորվածություն է ձեռք բերվել ԱԻՆ և «ՎիոլաՋուր» ընկերության միջև, որ ջրավազաննում ջուր չկուտակվի՝ մինչև նորոգման աշխատանքների ավարտը: Սողանքի վտանգը կանխելու համար ձեռնարկված այլ միջոցառումների մասով ԱԻՆ-ում այսպիսի տեղեկություն են հաղորդվել:

«Արհեստական առուներ են փորվել, որպեսզի կուտակված ջրային զանգվածը դուրս գա ու լցվի ավելի անվտանգ տեղ: Ջրահեռացման աշխատանքներ են կատարվել սողանքի ողջ տարածքում: Այսօրվա վիճակով  բավական լավ ցուցանիշ ունենք», – պարզաբանեց Կարապետ Վարդանյանը

Ըստ մասնագետների՝ խնդրի լուծումը հիմա իրենք պատկերացնում են՝ սողանքը ջրազերկելով ու այդպես կայունացնելով: Հայտնի է, որ ՀՀ ԱԻ նախարար Դավիթ Տոնոյան սողանքային գոտի է  այցելել  հունվարի 21-ին՝ հանձնարարելով  ՀՀ ԱԻՆ ՓԾ Լոռու մարզային փրկարարական վարչությանը  իրականացնել շուրջօրյա հեթապահություն: Մասնավորապես՝  օրը երկու անգամ չափիչ սարքերի օգնությամբ ՄՓՎ աշխատակիցները պետք է հետևեին  առաջացած ճեղքերի լայնացմանը, իսկ գնացքների ընթացքից հետո գրանցեին հողի շերտի տատանումները: Կատարված աշխատանքները ցույց են տվել, որ տեղաշարժը թե հորիզոնական և թե ուղղահայաց ուղղությամբ մոտ 3 մմ է, որը Կարապետ Վարդանյանի խոսքով, այսպես ասած,  կայունության գրավական է: ԱԻՆ-ում վստահեցրել են, որ մոնիտորինգը շարունակվում է՝ արդյունքները գրանցում են ամեն  3 ժամը մեկ: Վտանգը կարելի է  անցած համարել, թե ոչ կարող են հստակ  ասել միայն օրեր անց:

ShantNews-ի հարցին, զուտ մասշտաբների առումով Թումանյանի սողանքն ինչքանո՞վ է նման 2011 թվականին  Այրումում գրանցվածին, ԱԻն-ում պատասխանել են, որ Այրումի հետ համեմատած շատ փոքր է: Սրա դեպքում խնդիրը այն է, որ եթե սահք լինի, երկաթգիծը բավականին ժամանակ ուղղակի չի գործարկվի: