18:10 08.03.2021
Գյումրիի Վարդան Աճեմյանի անվան դրամատիկական թատրոնում 155-րդ թատերաշրջանի առաջին պրեմիերան էր: Թատրոնը շուրջ մեկ տարի առաջնախաղ չէր ունեցել, ինչը պայմանավորված էր նախ՝ համավարակով, ապա պատերազմով: Հանդիսատեսին է ներկայացվել համավարակի սահմանափակումների ընթացքում բեմադրված ներկայացումը, երբ հնարավոր էր միայն սահմանափակ թվով դերասանների հետ աշխատել: Ընդամենը 4 դերասաններ են զբաղված ներկայացման մեջ։ Այն կոչվում է «Քեյս», որը կյանքում թույլ տված սխալների հատուցման մասին է:
Մինչ առաջնախաղը թատրոնի ստեղծագործական կազմը լրագրողների հետ հանդիպմանը ներկայացրեց համավարակի, պատերազմի հետևանքներն ու թատրոնի առաջիկա ծրագրերը: Մեկ տարի Գյումրիի թատրոնը առաջնախաղ չի ունեցել, երեկոյան ներկայացումներ չի խաղացել, հեռացել էր հանդիսատեսից, հիմա նորից ու նոր ներկայացումներ դիտելու է հրավիրում: Աճեմյանի անվան թատրոնը նոր ներկայացումների ժանրային փոփոխություններ է կատարել:
«2021-ին թատրոնի խաղացանկը պետք է լինի պարզ, ավելի թեթև: Կոմեդիաներ կլինեն, ավելի շատ կխոսենք սիրո մասին, ավելի շատ կխոսենք համերաշխության մասին, կփորձենք, ինչքան հնարավոր է՝ մեր հանդիսատեսի հետ խոսել ջերմ և ավելի լավ բաների մասին»,- ասել է Գյումրիի Աճեմյանի անվան դրամատիկական թատրոնի տնօրեն Լյուդվիգ Հարությունյանը:
155-րդ թատերաշրջանի ընթացքում դրամաներ աճեմյանցիները չեն բեմադրելու: Լուրջ թեմաները հանդիսատեսին կատակերգությունների միջոցով են հասցնելու: Պատերազմյան ու հետպատերազմյան շրջանում սա թատրոնների աշխատանքի դեռ տարիներ առաջ փորձված տարբերակն է:
«1945 թ-ին պատերազմի ժամանակ ռուսները գնում էին ֆրոնտ և կոմեդիաներ էին ցույց տալիս: Ոչ թե հայրենասիրական գործեր, այլ կոմեդիաներ, որպեսզի զինվորը մի քիչ գոտեպնդվեր, տրամադրություն առաջանար: Իսկապես հիմա պետք է այդ համախմբությունը լինի, ուրախ տրամադրություն լինի: Մի քիչ նեգատիվը վերացնենք, մի քիչ պոզիտիվ անենք և, այո՛, պետք են կոմեդիաներ»,- ասել է ՀՀ ժողովրդական արտիստ Նիկոլայ Ծատուրյանը:
Նոր ներկայացումները հյուրախաղերի միջոցով աճեմյանցիները կխաղան Հանրապետության այլ թատրոններում, իսկ անցած տարի չկայացած հյուրախաղերը լրացնելու այլ տարբերակ են գտել: Խոսքը «Հարսանիք թիկունքում» ներկայացման մասին է: Դերասանները հյուրախաղերի չմեկնեցին, փոխարենը Հանրապետությունից դուրս ապրող հանդիսատեսին հասանելի դարձավ ներկայացման էկրանավորված տարբերակը:
«Այնտեղ, որտեղ ներկայացումը չկարողացավ լինել, ֆիլմն է գնում ու ֆիլմը ապրում է, և մենք խոսում ենք մեր հերոս տղաների մասին և համարում ենք, որ մեր հերոսները չեն պարտվել: Անդրադառնալով հարցին, թե արդյոք թատրոնը ճիշտ է անում, որ կոմեդիաներ է բեմադրում՝ մենք գիտենք և՛ ծիծաղել, և՛ հիշել, և՛ գնահատել այդ արժեքները»,- ասել է Լյուդվիգ Հարությունյանը:
Այս տարվա հյուրախաղերը բացառապես Հանրապետության տարածքում են լինելու: Աճեմյանցիները հույս ունեն, որ նաև Ստեփանակերտում ներկայացումներ խաղալու հնարավորություն կունենան առաջիկայում: Նաև արցախցի դերասանների են հրավիրել՝ Գյումրիի թատրոնում միասին աշխատելու: Մշակույթն այն փրկօղակն է, որն, ըստ դերասանների, կարող է համախմբել:
Դրական տրամադրություններով միայն մարտ ամսին Աճեմյանի անվան դրամատիկական թատրոնը 18 ներկայացում է խաղալու: Վերականգնվել է նաև աբոնեմենտային համակարգը: Ինչպես նախորդ տարիներին, կրկին հրավիրյալ ռեժիսորները նոր բեմադրություններ կունենան Գյումրիի թատրոնում։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
21:21 01.05.2025
Տեղի է ունեցել Հայաստանի Հանրապետության Համընդհանուր պարբերական դիտարկման չորրորդ շրջանի զեկույցի քննարկումըՄայիսի 1-ին Ժնևում՝ ՄԱԿ Համընդհանուր պարբերական դիտարկման (ՀՊԴ) աշխատանքային խմբի 49-րդ նստաշրջանի շրջանակներում, տեղի է ունեցել Հայաստանի Հանրապետության կողմից ներկայացված 4-րդ շրջանի ազգային զեկույցի քննարկումը: Զեկույցն անդրադառնում է վերջին 4.5 տարիների ընթացքում Հայաստանում մարդու իրավունքերին առնչվող զարգացումներին, խնդիրներին և հեռանկարներին: Զեկույցի նախապատրաստման աշխատանքներն իրականացվել են ՀՀ ԱԳ նախարարության համակարգմամբ՝ բոլոր շահագրգիռ գերատեսչությունների ներգրավմամբ, տեղի են […] ...
21:11 01.05.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 2-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Արաբկիր վարչական շրջան՝ 11։00-17։00 Ձորափի փ. 70/2, 74 շենքեր, Ռիգայի փ. 12-14 առանձնատներ, Քոչարի փ. 41-139 առանձնատներ, Աճառյան փ. 37/7-39/8 առանձնատներ, Երևանի Մալաթիա-Սեբաստիա վարչական շրջան՝ 10:00-16:00 Լուկաշինի 1, 2, 3 փողոցներ և հյուսիս-հարավ […] ...
20:51 01.05.2025
Պայթյուն Երևան քաղաքի Սարյան փողոցում. կան տուժածներՄայիսի 1-ին, ժամը 19:31-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սարյան փողոցի 2/2 հասցեի մոտակայքում ավտոմեքենայում տեղի է ունեցել պայթյուն․ կան տուժածներ։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և ոստիկանության կարգախմբեր։ Պարզվել է, որ «Opel» մակնիշի ավտոմեքենայում տեղի է ունեցել գազաբալոնի պայթյուն․ […] ...
20:36 01.05.2025
Իրանը կշարունակի ԱՄՆ-ի հետ արդյունքների հասնելուն ուղղված բանակցություններըԻրանը կշարունակի վճռականորեն մասնակցել Միացյալ Նահանգների հետ արդյունքների վրա կենտրոնացած բանակցություններին՝ իր միջուկային ծրագրի շուրջ տարաձայնությունները լուծելու համար։ Այս մասին նշվում է Իսլամական Հանրապետության արտաքին գործերի նախարարության հայտարարության մեջ, որը տարածվել է երկխոսության հաջորդ փուլը հետաձգելու որոշումից հետո։ «Բանակցությունների հենց սկզբից իրանական պատվիրակությունը բարեխղճորեն ուրվագծել է հստակ շրջանակ, որը հիմնված է մեր երկրի սկզբունքային դիրքորոշումների […] ...
20:14 01.05.2025
Բաղրամյան գյուղում թոնրատուն է այրվելՄայիսի 1-ին, ժամը 17:50-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բաղրամյան գյուղի Հակոբյան փողոցում այրվում է թոնրատուն։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 18։07-ին, մարվել՝ 18։26-ին: Այրվել են թոնրատունը (20 քմ), կենցաղային իրեր և հարակից խորդանոցի տանիքի փայտե […] ...
